1 iKɔrɔntos 15:2 - ɛWee ne ìTsɛm iHywas

² Kɛ lenɛ ne iBol iYɛnɛng ngɛdee wo i phɔt nyini, wu ɛ kɛ wum ɛn iphɛ gɛy ɛli ne nggaa tɔng nyini wo. Kang ne iphɛ ɛlɛy, ɛ kɛ ne nang ɛn ne itin de buu.

1 iKɔrɔntos 15:2 ပူးပေါင်းရင်းမြစ်များ

iBirani 3:6

ɛKiriti gha ne so sɛ kyinak daa ne ibol ɛbhɛ daa ɛli ne ɛbhɛ ɛ yang so ɛNgɔn na ne ɛ wɛɛ ninyi ɛTaanggbey ya. Njwɛɛn no, njwɛɛn ne soye ninyi ɛTaanggbey ya, wu njwɛɛn kɛ boos irway nviit da, njwɛɛn sang te ikyɔkyɔt daa ɛkɔn na ne njwɛɛn kɛ sit ne irwisɛ da.

iBirani 2:1

iPhɛ ɛlɛy, iphɛ so nggbinggbing njwɛɛn wɛɛ ibol de ne kaa tɔng njwɛɛn no yɛnɛng ɛlɔ ne iphɛ yaa yung te njwɛɛn lap en.

iBirani 3:14

Njwɛɛn kɛ ne byinki ito njwɛɛn ne ɛKiriti gha wu njwɛɛn kɛ boos ìnang itin ne ibol njwɛɛn da gɛgɛy ɛli ne njwɛɛn kaa tsa wo phyii bhɛ taal.

2 ɛTimɔti 1:9

Ɛbhɛ kɛ phɔt njwii, ɛ ji yel-le njwii te njwi shɛɛ ɛbhɛ kang. Sɔng yel-le yɛdaa wo ne le daa ɛkɔn ne njwi kɛ mɔn nang, iphɛ yang lenɛ ne yɔngɔ ɛbhɛ ne izɛɛng ɛbhɛ ne ɛ bok daa mos. Kaa ne nang njwii izɛɛng ngɛdee wo lenɛ ne ɛYɛso ɛKiriti ne ile ne tang tum ɛzay.

iKɔlɔsi 1:23

iPhɛ so nggbinggbing ˆɛ re ɛn ɛnu ɛyisɛ ndɔ ne ìnang ne itin mon de te ˆɛ kyinak ɛn nting daa ne itin nɛdee wo. Sɔng ɛ sim ɛn i sungki nyini, ˆɛ hana ɛn iyɛk ne irway yɛdaa wo ne ˆɛ kaa sɛ ɛn nten de ne ˆɛ kaa phok ɛn ibol iyɛnɛng ngɛdee wo nang. iBol iyɛnɛng ngɛdee wo ne kɛ sanga ndɔ nikɔn na ne kɛ ryɔng ngo, ne mee ɛBulus sa nggɛ te me ɛhaa ɛtomɛ yɛwo.

iFisus 2:8

Nzo kɛ lenɛ ne izɛɛng ɛTaanggbey de i phɔt nyini lenɛ ne ìnang ne itin. Sɔng kɛ phɔt nyini daa ɛdɛ ɛkɔn ɛyɛnɛng nga ne ɛ kɛ mɔn ɛn nang, iphɛ so ìnang ɛbhɛ.

1 iKɔrɔntos 1:18

Ninyi na nɛ nibhɛ so nkiinɛ ne iku wo i wɛɛ ibol ne gangat ɛYɛso yede daa ne ihon no te iwamang, njwɛɛn no ne njwɛɛn ne so ne nkiinɛ ne phɔrɔt to ne yaang ɛli ne igbom ɛTaanggbey da so.

ɛYakub 2:26

iPhɛ ɛlɛy, ɛli ne ibek ge ne iphɛ sang ikabyik ge so ikom be, ɛlɛy ne ìnang ne itin de ne iphɛ sang nitomɛ na ne ma so ikom.

ɛYakub 2:14

Nigwaa en, wu ɛdɛ ɛnyi gha kɛ yɔng wu i bok ìnang ne itin de nitomɛ na ne ɛ mɔn no sang kyii tɔɔrek ɛlɛy, iyɛnɛng ngɛ ne so ɛbii? iHywee ne ìnang ne itin nɛdee wo sɛ yɛɛ ne phɔt ɛbhɛ?

iBirani 10:23

Nɛ njwɛɛn ta kyinak gɛgɛy daa ne sit irwisɛ yɛdaa nggyɛ wo ne njwɛɛn ku bok ko, i ta bol lo, daa ɛli ne ɛTaanggbey ya ne ɛbhɛ kɛ ku sim njwɛɛn nɛwo so sɛ kyinak daa ne ibol ɛbhɛ.

ɛLuka 8:13

iHywee de ne ihywɛ kɛ ne ho ne nkinkang ngge, ne so tɛ ninyi nɛ nibhɛ kɛ phok ibol de, nibhɛ shii say iphɛ ne irway ihwala. Sɔng iphɛ ne kyii lel nibhɛ kyukyum nang; nibhɛ ne say iphɛ daa yaay, ne sɛ ɛngbyingbyang sɔng te sɛ nibhɛ, nibhɛ ne kyi shii hana iphɛ.

ɛYakub 2:17

Ɛlɛy ne ìnang ne itin de ne iphɛ sang tɔɔrek ghe ndɔ nitomɛ na ne so, iphɛ soye ikom mɛ.

iBirani 4:14

iPhɛ ɛlɛy, nɛ njwɛɛn kyinak gɛgɛy daa ìnang ne itin ne njwɛɛn de ne njwɛɛn tɔng ngo. Te njwɛɛn mɔn ɛlɛ wo daa ɛli ne njwɛɛn bok ɛgbaang ɛgɔm nibo wo ne ɛ kɛ phɛ daa ne irywa wo, ɛnu ɛyisɛ ɛTaanggbey ya, ɛbhɛ so ɛYɛso ne ɛ so ɛNgɔn ɛTaanggbey.

2 iTasɔlɔnika 2:15

iPhɛ ɛlɛy nigwaa en, kyinak ɛn gɛgɛy, te ɛ wum ɛn nikɔn na ne njwi kɛ mɛmɛ nyini nɛ wo. Ninaa ne njwi kɛ tɔng nyini ne ɛnu nɛ ninaa ne njwi kɛ haa nyini nɛ ndɔ ne ɛwee wo.

iGalatiya 3:4

Nggbang ngga ne ɛ kɛ sɔ ɛn gbik ɛlɛ wo, mpɛ yaa te buu ye? Ɛtsak kɛ nggbang mon da so buu ye?

2 iKɔrɔntos 6:1

Daa ɛli ne njwi so ninaa ɛtomɛ ɛTaanggbey ya, njwii ne roro ne nyinɛn, sɔng ɛ say ɛn izɛɛng ɛTaanggbey de ihywɛ te buu nang.

iRooma 1:16

Sɔng n bok ncwa ne iBol iYɛnɛng ngge nang, daa ɛli ne iphɛ so ihwet ɛTaanggbey ne iphɛ phɔt gbik ɛnyi gha ne ɛ kɛ nang ne itin nɛ: i tsa nɛ niYahodawa ne ji kungus nɛ ninyi na ne hame nibhɛ so ɛn niYahodawa.

2 iKɔrɔntos 2:15

Daa ɛli ne njwi so te ɛnkyinkyɔp ne ɛturarɛ ne ɛKiriti kɛ hap ɛTaanggbey ye ne itsanga, ne mpɛ kɛ shwalat ndɔ ninaa ne kɛ phɔt nibhɛ, nɛ ninaa nibhɛ so ne nkiinɛ ne iku.

1 iKɔrɔntos 15:14

Wu kɛ ne sang yiisik ɛKiriti yegha ne ikpuu da, kaabi ibol ne njwi sanga wo ne so buu, ìnang ne itin mon de ne ma so buu.

1 iKɔrɔntos 1:21

ɛTaanggbey ya ndɔ ne ntsɛntsɛng ɛbhɛ de ɛ kɛ ring ninyi ɛzay ya ne seng ɛbhɛ lenɛ ne ntsɛntsɛng nibhɛ. ɛTaanggbey ya kɛ yang mɔn ɛtomɛ ne ibol de nɛ ninyi na i bok iphɛ, “iBol iwamang ngge,” ne njwii sanga wo, ɛ phɔt ninaa nɛ nibhɛ kɛ nang ne itin nɛ ne iphɛ.

iRooma 11:22

ɛBɛ wo ne njwɛɛn i yaang iyɛnɛng ɛTaanggbey de ne njenjek ɛbhɛ. Ɛ kɛ tɔɔrek njenjek ɛbhɛ de daa ninaa nɛ nibhɛ kɛ ho, ne ɛ tɔɔrek kɛ iyɛnɛng ɛbhɛ wu ɛ shɛɛ ndɔ ne iyɛnɛng ɛbhɛ de. Wu ɛ kɛ ne sang mɔn ɛlɛy yaa ne ma tɛmɛ yɛ ndɔ ne itin de.

ɛTomɛ 8:13

ɛSimɔn na ne ma nang ne itin nɛ ne yɛk ɛbhɛ ne ibatisima de ne mang. Ne ɛ kungus ɛFilibus segha, ɛFilibus sa ne i mɔn igbaang nikɔn ne kparat nɛ nikɔn ne ɛnik, ɛSimɔn na ne i wɛɛ zii.

ɛTomɛ 2:47

Nibhɛ ne i dɛp ɛTaanggbey ye. Ninyi na gbik ne yaa sim nibhɛ. ɛDaray ya ne ma hanas nibhɛ nɛ ninaa ne i phɔrɔt to.

1 iKɔrɔntos 11:2

Nzi dɛp nyini daa ɛli ne ɛ tas ɛn ne mee ndɔ nikɔn na gbik, ɛ ta boos ɛn ikpii ne imɛmɛ nge da byirik, kancɛng ɛli ne nggɛ nang nyini wo.