1 iKɔrɔntos 14:3 - ɛWee ne ìTsɛm iHywas

³ ɛNyi gha ne ɛ ne bol ivol ɛnɛbi da nang, ɛ ne bol nɛ niten nisii te ɛ byinɛ nibhɛ, ɛ te nibhɛ itsɔngɔl gɛgɛy, ɛ mɔn nibhɛ ɛkɔn na ne aa laasek nibhɛ irway.

1 iKɔrɔntos 14:3 ပူးပေါင်းရင်းမြစ်များ

1 iKɔrɔntos 14:12

ɛLɛy ne iphɛ ne ma so ɛlɔ mon na. ɛLi ne ɛ bok ɛn ihyop ne izɛɛng ne iKabyik ɛTaanggbey de, ne ɛ see ɛn ito te ɛ nang ɛn ihwet mon daa ne izɛɛng ngge ne ihywɛ byinɛ idira ninaa ne roos de.

1 ɛTimɔti 4:13

Nyɛɛn nggyi yɛɛs so, see ito ne tɔng ɛWee ne iBol ɛTaanggbey yo ndɔ ne idira ninaa ne roos de, te ɛ sanga iphɛ, ɛ mɛmɛ nibhɛ nɛ.

ɛYahuza 1:20

Nyinɛn no nigwaa nge ne nzi sim, te ɛrɔngɔ ne phyik ɛrɔngɔ te ˆɛ lɔl ɛn itso mon daa ne ɛtum ne ìnang ne itin mon de ne kɛ tul kang i shɛs so. Bol ɛn ne ɛTaanggbey ya ndɔ ne ihwet ne iKabyik ɛbhɛ de.

ɛTitus 1:9

Te ɛndiinday ya soye ɛnyi ne ɛ kɛ wum ibol ɛTaanggbey de ne sɛ kyinak ngɛ wo gɛgɛy, ɛli ne kɛ mɛmɛ ɛbhɛ nɛ wo. Yaa ne lenɛ ɛlɛ wo ne ɛ te ɛbyin ninyi na itsɔngɔl gɛgɛy lenɛ ne imɛmɛ ne itin, ɛ ta i nep ninaa nɛ nibhɛ bok iphup be ne imɛmɛ ne itin da.

iFisus 6:22

ɛKɔn nɛghaa wo bhɛ kɛ te n tom ɛbhɛ ɛlɔ mon na, nggɛ tom ɛbhɛ te ˆɛ seng ɛn ɛli ne njwi so, ɛ ta te nyini itsɔngɔl gɛgɛy.

2 ɛTimɔti 4:2

Nzi bok kɛ, hang nten sonɛ yɔɔ, hang iphɛ sang sonɛ yɔɔ, see ito ne sanga ibol ɛTaanggbey de. Hɔ ihywɛɛ ninyi de, te ɛ nep nibhɛ, ɛ te nibhɛ itsɔngɔl gɛgɛy ɛ mɛmɛ nibhɛ nɛ ndɔ ɛbɔk ne ɛ sang ɛgak.

ɛTitus 2:6

ɛLɛy ne mang, te ninɔn niphas sa itsɔngɔl gɛgɛy tɛ nibhɛ shɛɛ hywɛɛ.

1 iKɔrɔntos 14:31

Gbik mon no ɛ sɛ yɛɛ ne tɔng ɛn ibol ɛTaanggbey de te ɛnɛbi. Nzi ne bok nyini te ɛdɛng ne i bol, ɛdɛng ma bol te gbik mon no ɛ mɛmɛ ɛn nɛ te iphɛ te nyini itsɔngɔl gɛgɛy gbik.

1 iKɔrɔntos 14:26

Nigwaa en, ɛkɔn na ne nzi bol lo ɛbhɛ ghaa lɛ, i sɛ ɛ kɛ sɛm ɛn nyini ɛlɔ ne re ntsong ngga, ɛdɛng yaa ne bok iywel, ɛdɛng ne i mɛmɛ ninyi nɛ, ɛdɛng ne tɔɔl ɛkɔn na ne ɛTaanggbey kɛ phaal ɛbhɛ nɛ, ɛdɛng ne bol ne ihak ilem, ɛdɛng ne ji kpɛl ɛkɔn na ne i bol ne ihak ilem be. iPhɛ ne so nggbinggbing te mɔn nikɔn nɛnaa wo gbik ɛli nɛ nibhɛ yaa phyik ninaa ne roos sa.

iRooma 14:19

iPhɛ ɛlɛy, te njwɛɛn see ito te mɔn nikɔn na nɛ nibhɛ yaa yɛɛs ne irway ne laal nibhɛ ta byinɛ njwɛɛn.

ɛTomɛ 13:15

Ne sɛ kɛ tɔng ɛShara ɛMuusaa gha ne ibol niNabawa de, nindiinday ne ijwee ne itɔɔy yo ne tom nibhɛ nɛ, nibhɛ bo, “Nigwaa en, wu ɛ bok ɛn idɛ bol ne iphɛ yaa phyik ninyi na boote ɛn iphɛ.”

ɛTitus 2:9

Mɛmɛ nikpuru na nɛ tɛ nibhɛ roos ibol nikyɛɛ ne idee nibhɛ na ndɔ nikɔn na gbik. Tɛ nibhɛ mɔn nikɔn na nɛ nikyɛɛ ne idee nibhɛ na yaa phok iyɛnɛng ngɛ. Sɔng nibhɛ kyisi nibhɛ ne ivol nang.

1 iTasɔlɔnika 2:3

Daa ɛli ne sɔng iben, ne iluk, ne icwas ivebhe so ndɔ ne ibol de ne njwii tɔng nyini wo nang.

1 iKɔrɔntos 10:23

“Kɛ sim njwɛɛn nɛ te njwɛɛn mɔn nikɔn na gbik,” sɔng gbik nikɔn na kɛ ne jam njwɛɛn nɛ nang. “Kɛ sim njwɛɛn nɛ te njwɛɛn mɔn nikɔn na gbik,” Sɔng gbik nikɔn na ne ji bok iphyik nang.

1 ɛBiturus 5:12

ɛSilibanos ne ɛ soye ɛgwaa, ɛhaa ne ɛ so sɛ kyinak daa ne ibol ɛbhɛ ndɔ ne ibol ne roos de, ɛbhɛ kɛ phyik me ne haal ɛwee yɛwoo wo. Nggɛ ne haal ncɛt te n te nyini itsɔngɔl gɛgɛy, n da yaak nyini wu iyɛnɛng ntin ɛTaanggbey yɛdee wo, kyinak ɛn gɛgɛy nɛ ndɔ yɛ.

iBirani 13:22

Nigwaa ɛn, nzi roro ne nyinɛn, nggɛ shii haal ɛwee yɛwoo wo ncɛt te n kpɛngke nyini, ne ˆɛ bo ɛn ɛbɔk, sɔng ivol lɛ kɛ ne kat nang.

iBirani 10:25

Sɔng njwɛɛn shɛɛ en itumɛ ne re ntsong ngga te ɛli nɛ nidɛng i mɔn no nang. Te njwɛɛn yang i tes en itsɔngɔl gɛgɛy, te njwɛɛn hante ne mɔn ɛlɛ wo daa ɛli ne ɛtuk ɛDaray ya yek cɛcɛk.

ɛTitus 2:15

Mɛmɛ nibhɛ nɛ nikɔn nɛnaa wo, mɔn ɛtomɛ ne igbɔm mo da gbik ˆɛ te ninaa ne tenes sɛ na itsɔngɔl gɛgɛy ˆɛ ta nep nibhɛ. Sɔng ɛ sim ɛnyi bɛɛs sɛ nang.

1 ɛTimɔti 6:2

Nikpuru na nɛ nikyɛɛ ne ijwee nibhɛ na soye ninaa ne roos sa, sɔng nibhɛ shɛɛ tang kyi nang nikyɛɛ ne ijwee nibhɛ na ne ndiinday de daa ɛli nɛ nibhɛ so nigwaa na ndɔ ne roos da nang. Tɛ nikpuru na yang hante ne nang nikyɛɛ ne ijwee nibhɛ na ne ndiinday daa ɛli nɛ nikyɛɛ ne ijwee nibhɛ na nɛ nibhɛ sɛ ɛkɔn daa ɛtomɛ nikpuru na soye ninaa ne roos, i ne sim nibhɛ. iPhɛ so nggbinggbing ˆɛ mɛmɛ ninyi na nɛ nikɔn nɛnaa wo ˆɛ ta kpɛng nibhɛ.

1 ɛTimɔti 1:4

Yaak nibhɛ tɛ nibhɛ kɔɔng tɔng ivol ne nggbyɛrɛs da gbik ne ibol ne irɛɛk nikyɛɛ-nikyɛɛ de ne iphɛ sang bok ɛgak ko. Daa ɛli ihywee nikɔn nɛnaa wo i yɛɛs ne ishamas zɔng. Sɔng nibhɛ phyik ne ɛkɔn ndɔ ɛtomɛ ɛTaanggbey ya ne i saras lenɛ ne ìnang ne itin de nang.

2 iTasɔlɔnika 3:12

iHywee nyini yɛdee nggyɛ wo, njwii nep nibhɛ, njwii sin nibhɛ itoro ndɔ ne irywɛɛk ɛDaray ɛYɛso ɛKiriti, njwi bo wu tɛ nibhɛ kyinak ne ihywɛɛ nibhɛ ɛlɔ ɛdaan, nibhɛ mɔn ɛtomɛ ne aa re nɛ nibhɛ.

1 iTasɔlɔnika 4:18

iPhɛ ɛlɛy, ne ɛ laasek ɛn itso mon irway ne ibol lɛdee wo.

1 iTasɔlɔnika 4:1

ɛTsim mɛ gbik nigwaa en, njwii roro ne nyinɛn, njwii ta bol ne nyinɛn ndɔ ne ɛYɛso irywɛɛk ɛDaray njwii bo wu te ɛ shɛɛ ɛn ihywee ne ishwɛɛ da ne ifɛ nang ɛTaanggbey ye irway ihwala ɛli ne ˆɛ kɛ mɛmɛ ɛn nɛ ɛlɔ mos sa. ɛTsak ɛlɛy ne ˆɛ shɛɛ ɛn ɛlyilyɛghaa wo. Njwii ne roro ne nyinɛn wu te ˆɛ hante ɛn nɛ gbom.

1 iTasɔlɔnika 3:2

Njwi ne ji tom ɛTimɔti ye ne ɛ so ɛgwaa mos ne ɛtaay ɛtomɛ mos ndɔ ne sanga ibol ɛKiriti de ɛlɔ mon na. Njwi kɛ tom ɛbhɛ te ɛ yɛɛs te ɛ te nyini itsɔngɔl gɛgɛy, ɛ hante nyini ne ihwet ndɔ ne ìnang ne itin mon de.

1 iTasɔlɔnika 2:11

Nyinɛn no ˆɛ ne yɛɛ ɛn, njwi kɛ boos ɛrɔngɔ ɛli ne ɛKyɛɛ i boos ninɔn ɛbhɛ.

iKɔlɔsi 4:8

ɛKɔn na ne ɛ kɛ te nggɛ tom ɛbhɛ ɛlɔ mon na nzi bo te ɛ tɔng nyini ɛli ne ncaang mos so, te ne ɛ te nyini itsɔngɔl gɛgɛy.

iFisus 4:29

Sɔng ivol ikpɛɛ wuru ndɔ ɛnu mon nang, yang bol ɛn ivol iywɛnɛng, ivaa ne ifɛ yaa phyik ne lɔl ninyi daa ɛkɔn na nɛ nibhɛ i tɔk. ɛLɛ wo ne ivol mon da yaa ne phyik ninaa nɛ nibhɛ i tenes nyini wo.

2 iKɔrɔntos 2:7

ɛLyilyɛghaa wo, ne ɛ hana ɛn ɛbhɛ nɛ, te ɛ bol ɛn ne ɛbhɛ ɛli ne aa wɔrɔp ɛn ɛbhɛ, daa ɛli ne irway ishwii da yaa yung phyin ihwet ɛbhɛ.

2 iKɔrɔntos 1:4

ɛTaanggbey ɛbhɛ wɔrɔp njwii nten de njwi so ndɔ ne nggbang, te njwi ma sɛ njwi wɔrɔp ninaa nɛ nibhɛ sɔ nggbang ngga ne ihywee ne iwɔrɔp ba ne njwii sɛ ɛlɔ ɛTaanggbey ya.

1 iKɔrɔntos 14:17

Ɛ sɛ kyi tɔɔrek ɛTaanggbey yegha irway ihwala mo da yɛnɛng, sɔng iphɛ kɛ ne phyik ɛhak ɛnyi nang.

1 iKɔrɔntos 8:1

Daa ne ibol ne ire de ne kɛ nang igunkyi de nang, njwɛɛn i yɛɛ ncɛncɛng wu gbik njwɛɛn no bok ishweng. iShweng ngga ne ito ne ifɛ, ifɛ ne yɛɛs ne itɔɔsek ito, ishwim ifɛ ne lɔl ɛnyi gha.

iRooma 15:2

Te njwɛɛn yang mɔn nikɔn na nɛ nibhɛ yaa nang nigwaa njwɛɛn irway ihwala te iphɛ phyik nibhɛ te ìnang ne itin ne ibol nibhɛ de ne byik ghe.

iRooma 12:8

Wu izɛɛng ngɛ so izee ne tes ninyi itsɔngɔl gɛgɛy te ne ɛ tes itsɔngɔl de gɛgɛy yo, wu izɛɛng ngɛ ne so izee ne nang ɛkɔn, te ne ɛ nang ne irway walala, wu izɛɛng ngɛ ne so izee ne igbɔm, te ne ɛ boos ninyi na byirik, wu izɛɛng ngɛ ne so izee ne san iyɔm, te ne ɛ san iyɔm be ndɔ ne izinɛ ne ishwɛ.

ɛTomɛ 15:32

ɛYahuza gha ne ɛSila gha nɛ nibhɛ kaa ne soye ninabawa na ne bol nɛ ninaa ne roos sa gbom, ivol nibhɛ da ne hante ne te nibhɛ itsɔngɔl gɛgɛy.

ɛTomɛ 14:22

Nibhɛ ne kpɛng ninaa ne roos sa nibhɛ te nibhɛ itsɔngɔl gɛgɛy wu tɛ nibhɛ ma boos ìnang ne itin de gɛgɛy. Nibhɛ bok nibhɛ, “iPhɛ so sɔ nggbinggbing njwɛɛn sɔ nggbang gbom nyɛɛn njwɛɛn kyi bhɛ lel ne igbɔm ɛTaanggbey ba.”

ɛTomɛ 9:31

iDira ninaa ne roos de nɛ nibhɛ so ne iYahudiya de, ne iGalili de, ne iSamariya de ne sɛ irway ne laal. Nibhɛ ne yɛk ihwet, iKabyik ɛTaanggbey de ne i tes nibhɛ itsɔngɔl gɛgɛy, nibhɛ te gbom, ihywel nibhɛ da ndɔ ne ɛnik ɛDaray yo ne hantey yɛ.

ɛLuka 3:18

Ndɔ ne nkpiinɛ ba kang-ka-kang, ɛYohana gha kaa ne tɔng ninyi na iBol iYɛnɛng.

iBirani 3:13

Ne ɛ tes ɛn itso mon itsɔngɔl gɛgɛy cɛcɛɛy. Mɔn ɛn ɛlɛ wo nten de ne ɛ so ɛn niken “iZenge,” ɛlɔ ne ɛfɔt to ya yung luk ɛdɛ mon irway ɛbhɛ te gɛgɛy.

ɛTomɛ 4:36

Ɛdɛ ɛnyi ne iKuburus sa kaa ne sonɛ ne kaa bok ɛbhɛ ɛYisifu, ɛ kaa so ɛhaa ne icwaang ɛLawi. Ninɔn ne tom ma kaa ne yeres ɛbhɛ ɛBanabas, Kaabi i bo, ɛHaa ne te itsɔngɔl gɛgɛy.