1 iKɔrɔntos 14:12 - ɛWee ne ìTsɛm iHywas

¹² ɛLɛy ne iphɛ ne ma so ɛlɔ mon na. ɛLi ne ɛ bok ɛn ihyop ne izɛɛng ne iKabyik ɛTaanggbey de, ne ɛ see ɛn ito te ɛ nang ɛn ihwet mon daa ne izɛɛng ngge ne ihywɛ byinɛ idira ninaa ne roos de.

1 iKɔrɔntos 14:12 ပူးပေါင်းရင်းမြစ်များ

1 iKɔrɔntos 14:26

Nigwaa en, ɛkɔn na ne nzi bol lo ɛbhɛ ghaa lɛ, i sɛ ɛ kɛ sɛm ɛn nyini ɛlɔ ne re ntsong ngga, ɛdɛng yaa ne bok iywel, ɛdɛng ne i mɛmɛ ninyi nɛ, ɛdɛng ne tɔɔl ɛkɔn na ne ɛTaanggbey kɛ phaal ɛbhɛ nɛ, ɛdɛng ne bol ne ihak ilem, ɛdɛng ne ji kpɛl ɛkɔn na ne i bol ne ihak ilem be. iPhɛ ne so nggbinggbing te mɔn nikɔn nɛnaa wo gbik ɛli nɛ nibhɛ yaa phyik ninaa ne roos sa.

1 iKɔrɔntos 14:1

See ɛn ito ɛ tɔk ɛn ishwim, te ne ɛ yɛk ɛn ihyop daa nikɔn na ne izɛɛng ne iKabyik ɛTaanggbey de i naas so, yàng ji so izɛɛng ne ivol ɛnɛbi da.

1 iKɔrɔntos 12:31

Ne ɛ yɛk ɛn irway, ɛ tɔk ɛn izɛɛng ngge ne ihywɛ so izee ɛyisɛ de. Naa ne ta tɔɔrek nyini ɛnkiinɛ wo ne ɛbhɛ kɛ jam ɛbhɛ shɛs.

1 iKɔrɔntos 12:7

ɛTaanggbey ya ne tɔɔsel inyu ne iKabyik Ɛbhɛ de so ndɔ ɛrɔngɔ, ɛli ne aa phyik ninaa ne roos sa gbik.

ɛTitus 2:14

ɛYɛso ɛKiriti gha ɛbhɛ kɛ nang ito ɛbhɛ te ɛ phɔt njwɛɛn ndɔ ne ibebhe de, te ɛ kɛ ne kuus njwɛɛn, te njwɛɛn teye ninyi ɛbhɛ zɔng, niwɛwɛy yɛ, njwɛɛn has irway ne mɔn nikɔn niyɛnɛng.

iRooma 14:19

iPhɛ ɛlɛy, te njwɛɛn see ito te mɔn nikɔn na nɛ nibhɛ yaa yɛɛs ne irway ne laal nibhɛ ta byinɛ njwɛɛn.

1 iKɔrɔntos 14:5

Ɛɛy, nzi sim te gbik mon ɛ sɛ bol ɛn ne ilwem ba, nzi ne phyin sim te ɛ sɛ bol ɛn ivol ɛnɛbi da. ɛNyi ne bol ivol ɛnɛbi da phyin ɛhaa ne bol ilwem ba, wu ɛhak ɛnyi kɛ sang kpɛl ɛkɔn na ne kɛ bol ndɔ ne ilwem ba te iphɛ phyik idira ninaa ne roos de.

1 iKɔrɔntos 14:13

iPhɛ ɛlɛy, ɛnyi gha ne ɛ ne bol ilwem ba, iphɛ ne so nggbinggbing ne ɛ boote ne ɛTaanggbey te ɛ nang ɛbhɛ ito ne kpɛl ivol lɛ.