1 iKɔrɔntos 14:1 - ɛWee ne ìTsɛm iHywas

¹ See ɛn ito ɛ tɔk ɛn ishwim, te ne ɛ yɛk ɛn ihyop daa nikɔn na ne izɛɛng ne iKabyik ɛTaanggbey de i naas so, yàng ji so izɛɛng ne ivol ɛnɛbi da.

1 iKɔrɔntos 14:1 ပူးပေါင်းရင်းမြစ်များ

1 iKɔrɔntos 14:39

iPhɛ ɛlɛy nigwaa nge, ne ɛ yɛk ɛn ihyop ne tɔng ivol ɛTaanggbey de te ɛnɛbi gha, sɔng ne ɛ kyɛngɛ ɛn ne bol ne ihwak ilwem ba nang.

iBirani 12:14

Mɔn ɛn gbik ɛkɔn na ne ˆaa yɛɛ ne mɔn ɛn te ˆɛ shɛɛ ɛn ncaang nɛ ninyi na gbik. iPhɛ ɛlɛy, tul ɛn nyini kang, daa ɛli ne sɔng ɛnyi sɛ yɛɛ ne yaang ɛDaray yegha wu ɛ kɛ sang tul le kang ngo nang.

1 ɛTimɔti 4:14

See ito ne mɔn ɛtomɛ ne ìnang ngga ne iKabyik ge kaa nang ngɛ wo. ìNang ngga ne kaa nang ngɛ ɛli nɛ ninyi na kaa bol ibol mo de nten de nɛ nindiinday ninaa ne roos sa kaa teesek kɛ ne ibɔ ɛwɛng ngge daa ne ito de.

1 iKɔrɔntos 16:14

Gbik nikɔn na ne aa mɔn ɛn no, mɔn ɛn nibhɛ gbik ndɔ ne ishwim.

1 iKɔrɔntos 12:1

Nigwaa en nzi sim te ɛ sɛ seng ɛn ɛkɔn daa nikɔn na ne iKabyik ɛTaanggbey de i nang ngo, sɔng nzi sim ɛ sɛɛ tɔ doo ɛn nang.

1 iKɔrɔntos 13:13

Nikɔn itwat tɛnaa wo ku sonɛ. Nibhɛ naa lɛ, ìnang ne itin nɛ, iyɛk ne irway, ne ishwim; ɛgbaang ngɛ gbik ndɔ nibhɛ wo ne soye ishwim ba.

1 iTasɔlɔnika 5:20

Sɔng ˆɛ bɛɛs ɛn ìnang ninyi da nɛ nibhɛ tɔng ibol ɛTaanggbey de nang.

1 ɛTimɔti 6:11

iGyɛ ne ɛTimɔti wo ne ɛ soyɛ ɛnyi ɛTaanggbey, tel nikɔn nɛnaa wo. See ito ne tɔk ihywel cik, ne ishwɛɛ ihywee ne ishwɛɛ ɛTaanggbey, ne ìnang ne itin, ne ishwim, ne rop iku gbik ne ihywɛɛ.

1 iKɔrɔntos 14:37

Wu ɛdɛng i ne wɛɛ te ɛ so ɛnɛbi, hang ɛ wɛɛ te ɛ bok izɛɛng ne ikabyik yɔɔ, te ne ɛ seng wu ɛkɔn nɛghaa wo ne nzi haa nyini nɛ wo, ɛDaray ɛbhɛ ɛ kɛ yɛk me nɛ.

1 ɛTimɔti 5:10

Te ɛ so ɛkuk ne ngka nitomɛ ɛbhɛ kɛ jam, kaabi ɛ boos ninɔn ɛbhɛ byirik, ɛ say ninaa ne ikpoo, ɛ mɔn ninaa roos ɛTaanggbey ye ɛtomɛ, ɛ phyighis ninaa nɛ nibhɛ i tɔk iphyik, ɛ kɛ see ito daa ne mɔn nikɔn niyɛnɛng cɛcɛɛy.

iFisus 1:3

Te dɛp ɛTaanggbey ye ne ɛ soye ɛKyɛɛ ɛDaray njwɛɛn ɛYɛso ɛKiriti. Te dɛp ɛbhɛ wo daa ɛli ne ɛ kɛ nang njwɛɛn gbik Niwɛng ne iKabyik nɛ nibhɛ so ne igbɔm ɛzay ɛdaa ne irywa lenɛ ne ɛYɛso ɛKiriti gha.

1 iKɔrɔntos 12:31

Ne ɛ yɛk ɛn irway, ɛ tɔk ɛn izɛɛng ngge ne ihywɛ so izee ɛyisɛ de. Naa ne ta tɔɔrek nyini ɛnkiinɛ wo ne ɛbhɛ kɛ jam ɛbhɛ shɛs.

3 ɛYohana 1:11

iGyɛ ɛgwaa nge ne nzi sim, sɔng ˆɛ roos ibebhe de nang, yang roos iyɛnɛng. Gbik ɛnyi gha ne ɛ mɔn ɛkɔn ɛyɛnɛng nga ɛ soye ɛhaa ɛTaanggbey, ɛnyi gha ne ɛ ne mɔn ibebhe de nang, sɔng ɛ yɛɛ ɛTaanggbey yegha nang.

2 ɛBiturus 1:7

Daa ne ihywee ne ishwɛɛ ɛTaanggbey da ne ɛ hante ɛn ne ishwim nigwaa, daa ne ishwim nigwaa da, ne ɛ hante ɛn ne ihywee ne ishwim ɛTaanggbey.

iRooma 12:6

iPhɛ ɛlɛy, te njwɛɛn ne mɔn ɛtomɛ nɛ nikɔn ne izɛɛng kang-ka-kang nga ne ɛTaanggbey ya kɛ nang njwɛɛn lenɛ ne izɛɛng ɛbhɛ de. Wu izɛɛng ɛnyi de so izee ne tɔng ibol ɛTaanggbey, te ne ɛ tɔng ibol ɛTaanggbey de cɛcɛɛy ne ìnang ne itin ɛbhɛ.

2 ɛTimɔti 2:22

Tel lɛ ihyop igywebhe ne ifas da te ɛ see ito ne roos icik, ne ìnang ne itin, ne ishwim gbik ne irway ne laal. Mɔn ɛlɛ wo nɛ ninaa nibhɛ yeres daa ne irywɛɛk ɛDaray yo ne irway iwɛwɛy.

iRooma 9:30

Njwɛɛn yaa ne ji ta yɔng ɛli da mɛɛ? Ninyi ne hame nibhɛ soye niYahodawa na, nɛ nibhɛ sang ta kyangase nɛ tɛ nibhɛ sɛ icik ɛTaanggbey de, kɛ ne sɛ. iCik ge ne i sɛ lenɛ ne ìnang ne itin ne de.

iRooma 14:19

iPhɛ ɛlɛy, te njwɛɛn see ito te mɔn nikɔn na nɛ nibhɛ yaa yɛɛs ne irway ne laal nibhɛ ta byinɛ njwɛɛn.

1 iKɔrɔntos 13:2

Nzɛ kyi bok izɛɛng ne bol te ɛnɛbi, n da yɛɛ ne seng ɛkɔn na ne ɛ so gying, n da bok ishweng nikɔn na gbik, n da bok ìnang ne itin ne iphɛ bok ihwet ne iphɛ sɛ yɛɛ ne shoom ivarang, wu ne n sang bok ishwim ba, sɔng ne nzo ɛkɔn nang.

1 iKɔrɔntos 14:22

Te kaabi sɔng izɛɛng ne bol ne ihwak ilwem ba i tɔɔsel ninaa ne roos sa ɛkɔn nang, iphɛ yang tɔɔsel ninaa ne sang roos. Yang so izɛɛng ne tɔng ivol ɛTaanggbey iphɛ tɔɔsel ninaa ne roos sa ɛkɔn na, sɔng ninaa ne sang roos sa nang.