1 iKɔrɔntos 13:8 - ɛWee ne ìTsɛm iHywas

⁸ Sɔng ishwim ba bok ɛgak nang. Nzi tɔng nyini izɛɛng ne bol ɛnɛbi de sɛ taal le, ibol ne ilwem ba sɛ birit, ishweng ngga sɛ ne taal le.

1 iKɔrɔntos 13:8 ပူးပေါင်းရင်းမြစ်များ

1 iKɔrɔntos 13:13

Nikɔn itwat tɛnaa wo ku sonɛ. Nibhɛ naa lɛ, ìnang ne itin nɛ, iyɛk ne irway, ne ishwim; ɛgbaang ngɛ gbik ndɔ nibhɛ wo ne soye ishwim ba.

iGalatiya 5:6

Daa ɛli ne ndɔ ɛYɛso ɛKiriti gha, sɔng ibol ne hyɛghɛ icwee da ne idee ne sang hyɛghɛ wo iphɛ soye ɛkɔn nang. Ɛkɔn na ne i sim, te ɛnyi gha nang ne itin nɛ ne ɛDaray ya, te ne ɛ tɔɔl iphɛ daa ne ishwim nigwaa.

ɛTomɛ 2:4

iKabyik ɛTaanggbey de ne yɛɛs ndɔ ɛrɔngɔ nɛ hyɔrɔ, nibhɛ ne yaa bol ne ihwak ilwem ɛli ne iKabyik ge kɛ nang ɛrɔngɔ.

iBirani 8:13

Daa ɛli ne ɛTaanggbey ya kɛ bol ibol ne rop ìtsɛm ihywas de, ìtsɛm ɛyisɛ de ne kɛ rop po kɛ ne teye itsɛl lɛ. ɛKɔn na ne ɛ kɛ ne teye ɛtɛl lɛ, ɛ kɛ ne helem, ɛ yunga birit.

1 iKɔrɔntos 13:10

Sɛ́ ne sɛ nikɔn ihyɔrɔ na kɛ yɛɛs, ninaa nɛ nibhɛ sang so hyɔrɔ wo sɛ ne phee.

1 iKɔrɔntos 12:10

iKabyik ge kɛ ne nang ɛdɛng izɛɛng ne mɔn nikɔn ne kparat, iphɛ ne nang ɛdɛng izɛɛng ne tɔng ibol ɛTaanggbey, iphɛ ne nang ɛdɛng ishweng ne hosop ikpabyik, iphɛ ne nang ɛdɛng izɛɛng ne bol ne ilwem kang-ka-kang, iphɛ ne nang ɛdɛng izɛɛng ne kpɛl ɛkɔn ne kɛ bol ndɔ ne ilwem ba.

ɛTomɛ 19:6

Ne sɛ ɛBulus sa kɛ tek ɛrɔngɔ ne iwɔ daa ne ito, iKabyik ɛTaanggbey de ne yɛɛs nibhɛ, nibhɛ ji yaa bol ne ihwak ilwem, nibhɛ tɔng ibol ɛTaanggbey.

ɛLuka 22:32

Nggɛ ne ku roo ɛTaanggbey ye daa ne ito mo ɛSimɔn ɔɔy, wu hang ìnang ne itin mo de taasek. Yaa ne sɛ ɛ kɛ bhɛ kyii ne ɛ te nigwaa mo na itsɔngɔl gɛgɛy.”

1 iKɔrɔntos 14:39

iPhɛ ɛlɛy nigwaa nge, ne ɛ yɛk ɛn ihyop ne tɔng ivol ɛTaanggbey de te ɛnɛbi gha, sɔng ne ɛ kyɛngɛ ɛn ne bol ne ihwak ilwem ba nang.

ɛTomɛ 13:1

Ndɔ ne idira ninaa ne roos ne iNtakiya na, ninabawa nɛ nikyɛɛ ne icwam kaa ne sonɛ ɛlɛ, ɛBanabas ne ɛSimiyɔn na ne bok ɛbhɛ ɛNija, ne ɛLushiyɔs ne ɛ so ɛnyi ne iSɛrene, ne ɛManayen ne ɛ kɛ shɛɛ ne ɛgɔm ɛHyiridus, gbik ɛShawulu.

1 iKɔrɔntos 8:2

Gbik ɛnyi gha ne ɛ wɛɛ te ɛ yɛɛ ɛkɔn na, sɔng ɛ ne yɛɛ ɛkɔn na ne iphɛ kɛ jam mɛ ɛ ma yung yɛɛ wo nang.