1 iKɔrɔntos 13:7 - ɛWee ne ìTsɛm iHywas

⁷ iShwim ba i yɛɛs ne ɛbɔk ndɔ nikɔn na gbik, ifɛ ne yɛɛs ne ìnang ne itin ndɔ nikɔn na gbik, ifɛ ne yɛɛs ne iyɛk ne irway ndɔ nikɔn na gbik, ifɛ ne yɛɛs ne rop iku ndɔ nikɔn na gbik.

1 iKɔrɔntos 13:7 ပူးပေါင်းရင်းမြစ်များ

1 ɛBiturus 4:8

ɛKɔn na ne ɛ phyin gbik ɛbhɛ ghaa lɛ, te ɛrɔngɔ sim ɛgwaa ɛbhɛ gbom, daa ɛli ne ishwim ba i te han ninyi na ne ɛfɔt to gbom.

1 iKɔrɔntos 13:4

iShwim ba i yɛɛs ne ɛbɔk, ne iyɛnɛng; sɔng ishwim ba bok ɛnkyis nang, sɔng ifɛ bok hal ɛggyɛy nang, sɔng ifɛ ne bok ibɛɛs nang,

2 ɛTimɔti 2:24

Sɔng ɛhaa ne mɔn ɛtomɛ ɛDaray ya teye ɛhaa ne boos izok ge nang; te ɛ yang teye ɛnyi ɛyɛnɛng ɛlɔ ninyi na gbik, ɛhaa ne yɛɛ ne mɛmɛ ninyi nɛ ne ɛhaa ɛbɔk.

1 ɛBiturus 2:24

ɛKiriti gha ne ito ɛbhɛ, ɛ kɛ bo ɛfɔt njwɛɛn no ne ibek ɛbhɛ daa ne ihon ne gangat te njwɛɛn te te ikpom ne kɛ ɛlɔ ne ɛfɔt to, kaabi ɛlɛy njwɛɛn so niken i ihywel icik. Te ɛli ne kɛ haa i bo, “Kɛ lenɛ ne inuu de ne kaa yaak ɛKiriti yegha nɛ wo, ɛ kɛ ne tes ɛn niken.”

1 iKɔrɔntos 9:12

Wu iphɛ ne so kancɛng ɛbyin ninyi na sɛ ɛkɔn na ɛlɔ mon na, iphɛ sɛ ne ji sang so kancɛng ɛlɔ mos sa iphɛ phyin ne i? Gbik ne iphɛ ɛlɛy, sɔng njwi kɛ ne mɔn ɛtomɛ ne ibol lɛdee nggyɛ wo nang, njwi kɛ ne yang rop iku ndɔ nikɔn na gbik daa ɛli ne njwi yaa yung ring ɛtomɛ ne sanga iBol iYɛnɛng ɛKiriti de ne re ɛnu ɛyisɛ.

iGalatiya 6:2

Tɔɔk ɛn nggbang nigwaa da, ɛlɛy ne aa ne shwaak ɛn ɛShara ɛKiriti gha.

2 ɛTimɔti 4:5

iGyɛ ne ɛTimɔti wo nang, wum ito mo ndɔ nikɔn na gbik, rop iku ndɔ ne nggbang ngga, mɔn ɛtomɛ ɛhaa ne sanga ibol iyɛnɛng ngge, shwaak ɛtomɛ mo gha gbik ɛli ne ɛ so ɛkpuru ɛTaanggbey ya.

ɛYakub 1:12

ɛHaa ɛwɛng nga nggyɛ ne ɛ kɛ rop iku ndɔ ne itɛɛsek ga, daa ɛli ne yaa sɛ ɛ kɛ kyinak gɛy ndɔ ne itɛɛsek ga, ɛ sɛ ne say ɛkɔn ne ito ne igbɔm ne iken ne ɛTaanggbey ya kaa ku sim-mɛ aa nang ninaa nɛ nibhɛ sim ɛbhɛ wo.

2 iTasɔlɔnika 1:4

iPhɛ ɛlɛy njwii hal ɛgyɛy ne nyinɛn ndɔ ne ijwira ninaa ne roos ɛTaanggbey yede daa irop iku mon de gbik ne ìnang ne itin mon de ndɔ ne ɛnyɛs so ne i mɔn nyini nɛ wo gbik ne ɛmpyep pa ne ɛ so ɛn nɛ wo.

2 ɛTimɔti 3:11

ˆƐ ta yɛɛ nggbang ngga ne ɛ ɛmpyep pa ne ɛ kɛ sɛ me ivel iNtakiya da, ne iKɔnyum de, ne iLisitira de ne itak iyɔm ba ne nggɛ bone ɛbɔk ka. Gbik ne iphɛ ɛlɛy ɛTaanggbey ɛbhɛ kɛ ne phɔt me ndɔ ne nggbang ngɛ da nggyɛ wo.

iRooma 15:1

Njwɛɛn no ne ìnang ne itin njwɛɛn da bok ihwet da, iphɛ so nggbinggbing njwɛɛn tɔɔk irighitik ninaa nɛ nibhɛ so kyɔkyɔt to. Te njwɛɛn nang nigwaa irway ihwala sɔng ito njwɛɛn nang.

ɛMacu 10:22

Gbik ninyi na sɛ ne yaa mbaray nyini ɛlɔ me wo, ɛhiha ɛnyi ne ɛ kɛ ne kyinak ne ihwet, ɛbhɛ ɛ sɛ ne iphɔrɔt.

iBirani 13:13

iPhɛ ɛlɛy, nɛ njwɛɛn phɛ i bhɛ sɛ ɛbhɛ ɛtsim ɛgarang nga te njwɛɛn ma bhɛ sɔ ihywee ne itowos da ne ɛ kɛ sɔ wo.

iRooma 8:24

Ɛlɛy, daa ne yɛk ne irway yɛdaa wo ne kɛ phɔt njwɛɛn nɛ. Wu njwɛɛn kɛ ne yaang ɛkɔn ne njwɛɛn kɛ yɛk ne irway da, sɔng iphɛ ne ta tɔye iyɛk ne irway nang. Ɛhay ɛbhɛ yɛk ne irway da daa ɛkɔn na ne ɛɛ yaang ngoo?

ɛMarakus 9:23

ɛYɛso gha ne yaak ɛkyɛɛ ɛngɔn na, “ɛYakɔn bhɛ kɛ te ɛ bok me wu naa yɛɛ nɛ woo? Sɔng ɛkɔn i bɛ ɛnyi gha ne ɛ kɛ nang ne itin nɛ wo nang.”