1 iKɔrɔntos 13:6 - ɛWee ne ìTsɛm iHywas

⁶ Sɔng ishwim ba i phok iyɛnɛng ne ɛfɔt nang, ifɛ yang phok iyɛnɛng ne itin ne bol.

1 iKɔrɔntos 13:6 ပူးပေါင်းရင်းမြစ်များ

iRooma 12:9

Te ishwim mon da teye ivaa ne itin nɛ. Mbaray ɛn nyini ɛkɔn na ne ɛ so ɛbebhe te ɛ wum ɛn ɛkɔn na ne ɛ kɛ jam gɛgɛy.

2 ɛYohana 1:4

iPhɛ kɛ nang me irway ihwala gbom ne nggɛ yaang nidɛng ninɔn mo na i hyel ndɔ ne itin de, ɛli ne ɛTaa gha kɛ ku yɛk njwɛɛn nɛ wo.

iRooma 1:32

Nibhɛ yɛɛ ɛli ne ɛshara ɛTaanggbey ya bo wu gbik ninyi na nɛ nibhɛ mɔn nikɔn nɛnaa wo, iphɛ kɛ jam mɛ nibhɛ kus. Gbik ne iphɛ ɛlɛy sɔng nibhɛ i ne ma yung mɔn nikɔn nɛnaa wo zɔng nang, nibhɛ roos ɛduu ninyi na nɛ nibhɛ mɔn ihywee nikɔn nɛnaa wo.

2 iTasɔlɔnika 2:12

Te ne ji lenɛ ɛlɛy i hyɛ gbik ninyi na nɛ nibhɛ kɛ shɛɛ tang nang ne itin nɛ ne itin de, nibhɛ yang phok yɛnɛng ne ibebhe de ɛshara ne nggbang.

iFilibi 3:18

Nidɛng ninyi na sonɛ ne nggɛ ku tɔng nyini ibol nibhɛ, nzi ne ta tɔng nyini ɛlyilyɛghaa wo nɛ niyilis wu nibhɛ kɛ teye ninaa ne iphup ne iku ɛKiriti de daa ne ihon ne gangat to.

iFilibi 1:18

Sɔng ɛkɔn kɛ ne te nang. Hang nibhɛ kɛ bok icwas ne irywɛɛk yɔɔ, hang ivaa ne itin yɔɔ, ɛkɔn na ne kɛ mɔn no, ɛ so i kɛ sanga ibol ɛKiriti de. iPhɛ kɛ ne te me n bok irway ihwala. Naa ne re ɛnu ɛyisɛ ne irway ihwala da,

iFilibi 1:4

Gbik nten de ne nzi bol ne ɛTaanggbey ya daa mon no gbik ko, nzi ne i bol ne ɛbhɛ ne irway ihwala.

ɛLuka 22:5

Ninyi yɛnaa nggyɛ wo ne yɛk irway ihwala gbom nibhɛ ne taal en nɛ wu n yaa nang ɛbhɛ ijam.

ɛMacu 18:13

Wu ɛ kɛ ne bhɛ sɛ ihywɛ, nzi ne tɔng nyini itin nɛ, irway ihwala da daa ne ihywɛ izaan nɛdee nggyɛ wo, yaa ne phyin irway ihwala ne ihywɛ nzuwubɔ ɛnduwujɛng ne ihywɛ ɛnduwujɛng nggɛ ne hame ihywɛ kɛ ma birit to.