1 iKɔrɔntos 13:4 - ɛWee ne ìTsɛm iHywas

⁴ iShwim ba i yɛɛs ne ɛbɔk, ne iyɛnɛng; sɔng ishwim ba bok ɛnkyis nang, sɔng ifɛ bok hal ɛggyɛy nang, sɔng ifɛ ne bok ibɛɛs nang,

1 iKɔrɔntos 13:4 ပူးပေါင်းရင်းမြစ်များ

1 ɛBiturus 4:8

ɛKɔn na ne ɛ phyin gbik ɛbhɛ ghaa lɛ, te ɛrɔngɔ sim ɛgwaa ɛbhɛ gbom, daa ɛli ne ishwim ba i te han ninyi na ne ɛfɔt to gbom.

iFisus 4:32

Yang yaa mɔn ɛn iyɛnɛng ndɔ mon, te ne ˆɛ san ɛn iyɔm nigwaa. Te ɛrɔngɔ hana ɛrɔngɔ nɛ ɛli ne ɛTaanggbey ya kɛ hana nyini ne wo lenɛ ne ɛKiriti gha.

iKɔlɔsi 3:12

ɛTaanggbey ya kɛ kasa nyini te ˆɛ te ɛn nyini ninyi ɛbhɛ ne kɛ tul kang, ninaa ne ɛ sim gbom. iPhɛ ɛlɛy, ne ˆɛ yɛk ɛn irway ne san iyɔm nigwaa, ˆɛ mɔn ɛn nikɔn niyɛnɛng, ˆɛ te ɛn lyaak, ˆɛ laasek ɛn ito, ˆɛ bo ɛn ɛbɔk.

1 ɛYohana 4:11

Nyinɛn ne nzi sim, ɛli ne ɛTaanggbey ya kɛ sim njwɛɛn ɛlɛ wo, iphɛ ne ma so nggbinggbing ɛrɔngɔ sim ɛrɔngɔ.

1 ɛBiturus 3:8

ɛTsim mɛ gbik, te icwas mon da teye ijwaan nɛ. Ɛɛ san ɛn iyɔm nigwaa, ɛɛ sim ɛn nigwaa, ɛ ta i phyighis ɛn nigwaa wɛlɛng itɔɔsek ito.

1 iTasɔlɔnika 5:14

Njwii roro ne nyinɛn nigwaa en, kpɛng ɛn ninaa ne itek ka, tes ɛn ninaa ne irway tɔtɔk ga itsɔngɔl gɛgɛy, phyighis ɛn nikyɔkyɔt ta, te ˆɛ bo ɛn ɛbɔk nɛ ninyi na gbik.

2 ɛBiturus 1:7

Daa ne ihywee ne ishwɛɛ ɛTaanggbey da ne ɛ hante ɛn ne ishwim nigwaa, daa ne ishwim nigwaa da, ne ɛ hante ɛn ne ihywee ne ishwim ɛTaanggbey.

iFisus 4:2

Shɛɛ ɛn lyaak cɛcɛɛy, te ɛ so ɛn hywɛɛ, ne ɛbɔk. Boos ɛn nigwaa ndɔ ne ishwim.

2 iKɔrɔntos 6:6

Njwi kɛ ne tɔɔrek nyini na wu njwi soye ninaa ɛtomɛ ɛTaanggbey ya lenɛ ne iKabyik ɛTaanggbey de ne iphɛ so ndɔ mos, lenɛ ne ishwɛɛ kang mos, ne ishweng mos, ne ɛbɔk mos, ne iyɛnɛng mos, ne ishwim mos ivaa ne itin nɛ,

iKɔlɔsi 1:11

Te ɛTaanggbey te nyini itsɔngɔl gɛgɛy ne ihwet da ne ifɛ le ne ndiinday ɛbhɛ, ɛli ne ˆaa yɛɛ ɛn ne rop ɛn iku, ˆɛ bo ɛn ɛbɔk ndɔ ne irway ihwala daa ne nikɔn na nɛ nibhɛ i tes so.

iGalatiya 5:26

Sɔng njwɛɛn tɔɔk ito nang, sɔng njwɛɛn sim hɔ irywen nang, sɔng njwɛɛn ta boos ɛnkyis sa nɛ nigwaa na nang.

1 iKɔrɔntos 4:6

Nigwaa en, nggɛ mɔn nikɔn nɛnaa wo daa ne ito nge de ne ɛPolos sa te ɛ mɛmɛ ɛn ne ɛkɔn daa mos, te ɛ seng ɛn ibol de ne kɛ ku haa ndɔ ne ɛWee ne iBol ɛTaanggbey yo i bo, “Sɔng ɛ phee ɛn ɛkɔn na ne kɛ haa wo nang.” ɛLɔ ne ɛdɛ mon hal ɛgyɛy ne ɛkyɛɛ ne icwam ɛbhɛ ɛ mbaray ɛdɛng nang.

2 ɛTimɔti 4:2

Nzi bok kɛ, hang nten sonɛ yɔɔ, hang iphɛ sang sonɛ yɔɔ, see ito ne sanga ibol ɛTaanggbey de. Hɔ ihywɛɛ ninyi de, te ɛ nep nibhɛ, ɛ te nibhɛ itsɔngɔl gɛgɛy ɛ mɛmɛ nibhɛ nɛ ndɔ ɛbɔk ne ɛ sang ɛgak.

2 ɛTimɔti 3:10

iGyɛ ne ɛTimɔti, ˆɛ kɛ roos imɛmɛ nge da, ˆɛ yɛɛ ɛli ne nzi shɛɛ, ˆɛ yɛɛ ɛkɔn na ne nzi sak me nɛ, ne ìnang ne itin nge, ne ɛbɔk nge, ne ishwim nge gbik ne irop iku nge.

1 ɛBiturus 2:1

iPhɛ ɛlɛy, ne ɛ hosop ɛn nyini ne ibebhe de, ne irywɛɛk ga, ne iluk ga, ne waa irway da, gbik ne ivol ikpɛɛ da.

ɛTitus 3:3

Njwɛɛn kaa ma tsa soye niwamang nɛ nisang-phok, ihyop nikɔn ɛzay de luk njwɛɛn, i teye nikpuru nibhɛ. Njwɛɛn ne yaa shɛɛ ishwɛɛ ne boos en ne irway ne ɛnkyis, ninyi i mbaray njwɛɛn, njwɛɛn ne ma i mbaray nibhɛ.

1 iKɔrɔntos 3:3

daa ɛli ne ɛ tɔ shɛɛ ɛn tɛ ninyi nɛ nibhɛ roos icwas ɛten ɛsii nɛ. Wu ɛnkyis sa ne ishisim be tɔ ndɔ mon no, iphɛ kɛ ne tɔɔrek wu ɛ tɔ roos ɛn icwas ɛten ɛsii nɛ, ɛ shɛɛ ɛn ɛli ne ɛzay ya sim.

ɛTomɛ 7:9

“Ninɔn ɛYakub pa, nɛ nibhɛ so nikyɛɛ njwɛɛn, kaa ne kyii waa irway ne ɛgwaa nibhɛ ɛYisifu nibhɛ ne rɛp ɛbhɛ ne ivel ne iMasad ɛbhɛ teye ɛkpuru. Gbik ne iphɛ ɛlɛy ɛTaanggbey ya kaa ne sonɛ ɛYisifu gha,

2 ɛTimɔti 2:25

Te ɛ mɛmɛ ninaa ne iphup ne imɛmɛ ɛbhɛ da nɛ ndɔ ne ihywɛɛ, yaa rɔk lenɛ ɛlɛ wo ɛTaanggbey ya nang nibhɛ ɛnkiinɛ nibhɛ san ɛbɔk, nibhɛ seng itin de.

1 ɛTimɔti 6:4

ɛ kɛ ne kat ito ihet, sɔng ɛ yɛɛ ɛkɔn nang, ɛɛ sim ishamas ne suruk ivol. iHywee ne ishwɛɛ yɛdaa wo i yɛɛs ne ɛnkyis, ne iphup, ne bees irywɛɛk, ne irip ivebhe,

1 iKɔrɔntos 8:1

Daa ne ibol ne ire de ne kɛ nang igunkyi de nang, njwɛɛn i yɛɛ ncɛncɛng wu gbik njwɛɛn no bok ishweng. iShweng ngga ne ito ne ifɛ, ifɛ ne yɛɛs ne itɔɔsek ito, ishwim ifɛ ne lɔl ɛnyi gha.

iRooma 1:29

iRway nibhɛ ba so hyɔrɔ ne yɔm ne icik, ne ibebhe de ihywee-ihywee; ɛnyɛs, ne irisɛ, sim ito. Nibhɛ so hyɔrɔ ne ɛnkyis, ne irway ne phoo ɛnyi, ne irywen, ne iluk gbik ne irway ishwii. Nibhɛ ta bok ivol mumuk,

ɛYakub 4:5

Hang ˆɛ wɛɛ ɛn te iphɛ so buu ne kɛ haa ndɔ ne ɛWee ne iBol ɛTaanggbey yo i bo, “ɛTaanggbey so hyɔrɔ ne ɛnkyis wu ikabyik ge ne ɛ kɛ yɛk ndɔ njwɛɛn no i sim ɛhak ɛkɔn na naa?”

1 iKɔrɔntos 4:18

ɛByin mon kɛ yaa wɛɛ te hame na tang ta bhɛ kyii ɛlɔ mon na dɔng, nibhɛ kɛ ne ma yung yaa tɔɔsek ito.

iRooma 13:13

Te njwɛɛn hyel byirik tɛ ninyi nɛ nibhɛ so ndɔ ne iwɛwɛy. Sɔng njwɛɛn teye ninaa sim ijwira ne sɔ i re i tes ziizii wo nang, sɔng njwɛɛn ne teye ninaa ne nzangas sa nang, sɔng njwɛɛn ne phok iyɛnɛng nikɔn na nɛ nibhɛ ninaa ne iyɔm ncwa na nang, sɔng njwɛɛn teye ninaa ne ishamas sa nang, sɔng yɛk ɛnkyis sa nɛ nigwaa na nang.

iKɔlɔsi 2:18

iPhɛ ɛlɛy sɔng ne ˆɛ tek ɛn ɛdɛ ɛnyi gha hosop nyini ne ɛwɛng nga ne ɛ kɛ re ɛn daa nikɔn nɛnaa wo nang. Sɔng ɛ hosop nyini nɛ lenɛ ne ɛ kyangase ne ring ito ɛbhɛ ne phok yɛnɛng te ɛ sɛ ɛkɔn ne yaa tal ɛbhɛ nang. Sɔng ne ɛ hosop nyini nɛ lenɛ ne ɛ mɛmɛ nyini nɛ wu iphɛ so nggbinggbing i re nimalɛka ntsong nang. Sɔng ne ɛ hosop nyini nɛ lenɛ ne ɛ hal ɛgyɛy wu kɛ phaal le iyuwa ɛ ta i tɔɔsek ito ɛbuu nang. iRway ne ihywee ninyi yɛdee nggyɛ wo soye ishwɛɛ ɛten ɛsii ne ifɛ i te nibhɛ mɔn ɛlɛ wo.

iFilibi 1:15

ɛTsak, nidɛng i tɔng ibol ɛKiriti de daa ɛnkyis gbik ne tɔk irywen, nidɛng ne i tɔng ne irway iywɛnɛng.

2 iKɔrɔntos 12:20

N bok ɛnik ɛlɔ ne ya sɛ nggɛ yɛɛs so sɔng na ne sɛ nyini ɛ so ɛn ɛli ne nzi sim nang, sɔng naa ne ma so nyini ɛli ne ɛ sim ɛn nang. N bok ɛnik ɛli ne naa yung i sɛ nidɛng ndɔ mon no nɛ nibhɛ bok ishamas, ne ɛnkyis, ne njenjek, ne sim ito, ne bees ivol, ne ivol mumuk, ne ito ihet, ne ihywel shwalala.

1 iKɔrɔntos 5:2

Ɛɛ ne ji hal ɛn ɛggyɛy! Kanduk sɛɛ ma yung yɔng ɛ san ɛn te ɛ tul ɛn ɛnyi gha ne ɛ kɛ mɔn ihywee ɛkɔn nɛdee wo ndɔ ne ìtsɛm mon de.

ɛMacu 27:18

ɛBilatus sa kaa ku i yɛɛ wu niYahodawa na kɛ nang ɛbhɛ ɛYɛso yegha daa ɛli nɛ nibhɛ kaa bok irway ne ɛYɛso gha.