1 iKɔrɔntos 13:2 - ɛWee ne ìTsɛm iHywas

² Nzɛ kyi bok izɛɛng ne bol te ɛnɛbi, n da yɛɛ ne seng ɛkɔn na ne ɛ so gying, n da bok ishweng nikɔn na gbik, n da bok ìnang ne itin ne iphɛ bok ihwet ne iphɛ sɛ yɛɛ ne shoom ivarang, wu ne n sang bok ishwim ba, sɔng ne nzo ɛkɔn nang.

1 iKɔrɔntos 13:2 ပူးပေါင်းရင်းမြစ်များ

ɛMacu 13:11

ɛYɛso gha ne kyii ne ɛ yaak nibhɛ, “Kɛ phaal nyini ɛduk ne igbɔm ɛTaanggbey da, sɔng kɛ ne ma phaal nibhɛ nɛ nang.

ɛMacu 17:20

ɛYɛso gha ne kyii nɛ ɛ yɔngɔ, “Daa ɛli ne ìnang ne itin mon de kɛ taasek. Nzi tɔng nyini itin nɛ, ɛ sɛ kyi bok ɛn ìnang ne itin de ncɛt te itsara ne imɔsita, ɛ sɛ ne yaak ɛn ɛwarang ngɛ woo, ‘Shompe yɛ ɛbɛ wo te ɛ cwi gɔɔ nggyɛ,’ ɛbhɛ sɛ ne shompeey, sɔng ɛkɔn sɛ ne bɛ nyini nang.

ɛMacu 21:19

Ne ɛ yaang ɛpharang cɛcɛk ne nkiinɛ ne ɛ phɛ ne ɛlɔ yɛ, sɔng ne ɛbhɛ sɛ ikpam nang, ɛbebee zɔng ne ɛ kaa bhɛ sɛ. ɛYɛso gha ne nang ɛpharang nga ɛnu ɛbebhe, ɛ yɔngɔ, “Sɔng aa tang yɛk ikpam mang ishay-ishay!” ɛPharang nga ne shii howo nɛ nten nɛ.

ɛMacu 21:21

ɛYɛso gha ne kyii nibhɛ nɛ, ne ɛ yɔngɔ, “Nzi tɔng nyini itin nɛ, wu ɛ bok ɛn ìnang ne itin tang ɛ to ɛn irway daa ne iphɛ, ɛ sɛ ne mɔn ɛn ɛkɔn na ne ɛ phyin ɛhaa ne nggɛ mɔn ɛpharang ngɛghaa wo nɛ wo. Ɛ sɛɛ ma yung yaak ɛn ɛwarang ngɛ wo, ‘Yilitsik te ɛbhɛ ho ndɔ ɛling,’ iphɛ sɛɛ ne te ɛlɛy.

ɛTomɛ 13:1

Ndɔ ne idira ninaa ne roos ne iNtakiya na, ninabawa nɛ nikyɛɛ ne icwam kaa ne sonɛ ɛlɛ, ɛBanabas ne ɛSimiyɔn na ne bok ɛbhɛ ɛNija, ne ɛLushiyɔs ne ɛ so ɛnyi ne iSɛrene, ne ɛManayen ne ɛ kɛ shɛɛ ne ɛgɔm ɛHyiridus, gbik ɛShawulu.

iRooma 11:25

Nigwaa en, nzi sim te ɛ sɛɛ seng ɛn ɛdɛ ɛkɔn na ne ɛ so nyini gying, aa yung yaa tɔɔsek ɛn itso mon gbom. Nidɛng ninyi niYahodawa na bok ito ihet, iphɛ yaa shɛɛ ɛlɛ wo iphɛ hyep nten de ne sɛ shwaak ɛnu ninyi na ne hame nibhɛ so ɛn niYahodawa ɛli ne ɛTaanggbey ya kaa yɔngɔ wo.

iRooma 15:14

Nigwaa ɛn, me ne ito nge nzi yɛɛ ɛli ne ɛ kɛ jam ɛn gbom, ɛ bok ɛn ishweng ngga gbik ɛli ne aa yɛɛ ne mɛmɛ ɛn nigwaa mon nɛ.

iRooma 16:25

Te ne nang ɛTaanggbey yegha ne ndiinday cɛcɛɛy. Aa yɛɛ ne te nyini ɛ kyinak ɛn gɛgɛy ndɔ ne ìnang ne itin mon de lenɛ ne iBol iYɛnɛng ɛYɛso ɛKiriti de ne nzi sanga wo. iShay de kɛ ne hɔn maa ne kaa rɛɛ iBol iYɛnɛng ngɛdee wo,

1 iKɔrɔntos 11:4

Gbik ɛras sa ne ɛ kɛ ne cwaal ito ɛbhɛ de ɛ bol ne ɛTaanggbey ya, ɛ ta tɔng ibol ɛTaanggbey de, ɛ bɛɛs ɛndiinday ɛbhɛ gha.

1 iKɔrɔntos 12:28

Ndɔ idira ninaa ne roos de, ɛTaanggbey ya kɛ nang ɛrɔngɔ ɛtomɛ ɛbhɛ. Ninaa ɛyisɛ yɛ ne so ninɔn ne tom, ne ji kungus nɛ ninabawa, ne kungus nɛ nikyɛɛ ne icwam, ne kungus nɛ ninaa ne mɔn nikɔn ne kparat. Sɛ ninaa ne tes nisha niken, nɛ ninaa ne iphyik, nɛ ninaa ne wɛɛ ɛtomɛ ne idira ninaa ne roos, nɛ ninaa ne bol ne ilwem kang-ka-kang.

1 iKɔrɔntos 13:1

Nzɛ kyii yɛɛ ne bol ilwem ninyi ɛzay da ne ivaa ne nimalɛka, wu ne n sang ishwim, nggɛ ne te te irak ne iphɛ rɛrɛ zɔng, hang igin ne iphɛ ma rɛrɛ yɔɔ.

1 iKɔrɔntos 13:3

Nzɛ kyi nang ɛkɔn na ne n bok gbik, n da nang ibek nge te wɔɔ, wu ne n sang bok ishwim ba, sɔng iphɛ yaa ne nang me ɛkɔn nang.

1 iKɔrɔntos 13:8

Sɔng ishwim ba bok ɛgak nang. Nzi tɔng nyini izɛɛng ne bol ɛnɛbi de sɛ taal le, ibol ne ilwem ba sɛ birit, ishweng ngga sɛ ne taal le.

1 iKɔrɔntos 14:29

Tɛ ninyi ifaa hang itwat yɔɔ, ne kɛ nang nibhɛ ibol ɛTaanggbey de ne bol te ɛnɛbi, tɛ ɛbyin nɛ ne ji tɛɛsek ɛkɔn na nɛ nibhɛ bol lo.

1 iKɔrɔntos 14:39

iPhɛ ɛlɛy nigwaa nge, ne ɛ yɛk ɛn ihyop ne tɔng ivol ɛTaanggbey de te ɛnɛbi gha, sɔng ne ɛ kyɛngɛ ɛn ne bol ne ihwak ilwem ba nang.

1 iKɔrɔntos 14:4

ɛNyi ne bol ilwem ba i byinɛ ito ɛbhɛ zɔng, ɛhaa ne bol ivol ɛnɛbi da ne byinɛ idira ninaa ne roos de.

1 iKɔrɔntos 15:51

Te mɔng nyini idɛ ibol igying ngge ne njwɛɛn kaa sang ku yɛɛ. Sɔng gbik njwɛɛn no sɛ kus nang, gbik njwɛɛn no, sɛ yang sunusi ibek njwɛɛn de,

1 iKɔrɔntos 16:22

Gbik ɛnyi gha ne ɛ sang sim ɛDaray yegha, ne ɛ soye ɛkawɛy. Yɛɛs, ɛDaray yɔɔy.

1 iKɔrɔntos 4:1

iPhɛ ɛlɛy, bo ɛn njwii njwi soye nikpuru ɛKiriti, ninaa ne ɛTaanggbey ya kɛ tek ɛtomɛ ne kpɛl itin ne ibol igying ɛbhɛ ndɔ ne iwɔ mos.

1 iKɔrɔntos 7:19

iHyɛ itee de, ne sang hyɛ itee de, sɔng iphɛ phɛ soye ɛkɔn nang, iroos ikpii ɛTaanggbey da iphɛ phɛ shɛs.

1 iKɔrɔntos 8:4

Daa ne bol ne ire de ne kɛ nang igunkyi de nang, njwɛɛn i yɛɛ sɔng idɛ igunkyi ɛzay yɛdee wo bok iken nang. Njwɛɛn i ta yɛɛ wu ɛTaanggbey ya so ɛdaan zɔng wɛlɛng ɛdɛng dɔng.

2 iKɔrɔntos 12:11

Nggɛ ne te me te ɛwamang, nyinɛn ɛ kɛ ne te ɛn mɛɛn n te me ɛwamang nga. iPhɛ kɛ jam mɛ sɛɛ yɔng nyinɛn no ɛɛ dɛp ɛn mɛɛn. Gbik ɛli ne nggyi sang so ɛkɔn na, sɔng iphɛ kɛ ne tɔɔrek wu “igbaang ninɔn ne tom” mon na ne phyin me nang.

iGalatiya 5:16

Nzi ne bok nyini, hyel ɛn ɛli ne ikabyik ɛTaanggbey de kɛ tɔɔrek nyinɛn, sɔng ɛ roos ɛn nikɔn ne ɛfɔt ta ne ibek ge sim mo nang.

iGalatiya 5:22

Nikɔn na ne iKabyik ɛTaanggbey de ne yaak ko nibhɛ naa lɛ: ishwim, irway ihwala, irway ne laal, ɛbɔk, iyɛnɛng, irway ne phyik nigwaa, ìnang ne itin,

iGalatiya 6:3

ɛNyi gha ne ɛ tɔɔsek ito ɛbhɛ de ɛ wɛɛ te ɛ sɔ ɛkɔn na, sɔng ne ɛ so ɛkɔn nang, ɛɛ luk ito ɛbhɛ.

iFisus 3:4

Yaa ne sɛ ˆɛ kɛ tɔng ɛn ɛkɔn na ne nggɛ haa wo, ˆaa ne seng ɛn ɛkɔn na ne nzi yɛɛ daa ɛkɔn ɛgying ɛKiriti gha.

iFisus 6:19

Ne ˆɛ ma bol ɛn ne ɛTaanggbey ya daa mee te ɛ nang me ibol de ne naa bol wɛlɛng ɛnik, te n tɔng ninyi na ɛduk ne iBol iYɛnɛng nga ne iphɛ so gying ngo.

iKɔlɔsi 1:26

iBol lɛdee wo kaa so gying ɛlɔ ninyi ne izam-izam gbom, ɛLyilyɛghaa wo kɛ ne ji phaal ninyi ɛTaanggbey ya nɛ.

1 ɛTimɔti 3:16

Sɔng ito irway sonɛ nang, ɛduk ne ìnang ne itin njwɛɛn na ne ɛTaanggbey ya kɛ phaal lo so kyukyum. Kɛ tɔɔrek ɛKiriti yegha ndɔ ne ibek Kɛ tɔɔrek ɛ soye ne itin lenɛ ne iKabyik. Kɛ yaang ɛbhɛ lenɛ nɛ niMalɛka, kɛ tɔng ibol ɛbhɛ ndɔ ne igbagha, Kɛ nang ne itin nɛ ne ɛbhɛ ɛzay ya gbik, kɛ bo ɛbhɛ ndɔ ne ndiinday.

1 ɛYohana 4:8

Gbik ɛnyi gha ne ɛ sang bok ishwim ba, sɔng ɛ yɛɛ ɛTaanggbey yegha nang, daa ɛli ne ɛTaanggbey ya ku tɔɔsel ishwim.