1 iKɔrɔntos 13:13 - ɛWee ne ìTsɛm iHywas

¹³ Nikɔn itwat tɛnaa wo ku sonɛ. Nibhɛ naa lɛ, ìnang ne itin nɛ, iyɛk ne irway, ne ishwim; ɛgbaang ngɛ gbik ndɔ nibhɛ wo ne soye ishwim ba.

1 iKɔrɔntos 13:13 ပူးပေါင်းရင်းမြစ်များ

1 iKɔrɔntos 16:14

Gbik nikɔn na ne aa mɔn ɛn no, mɔn ɛn nibhɛ gbik ndɔ ne ishwim.

iKɔlɔsi 3:14

Hante ɛn ne ishwim daa nikɔn nɛnaa wo. iShwim ba ifɛ kɛ byingis nikɔn na ɛlɔ ɛdaan nibhɛ te hyɔrɔ.

iGalatiya 5:6

Daa ɛli ne ndɔ ɛYɛso ɛKiriti gha, sɔng ibol ne hyɛghɛ icwee da ne idee ne sang hyɛghɛ wo iphɛ soye ɛkɔn nang. Ɛkɔn na ne i sim, te ɛnyi gha nang ne itin nɛ ne ɛDaray ya, te ne ɛ tɔɔl iphɛ daa ne ishwim nigwaa.

iFilibi 1:9

Nzi ne bol ne ɛTaanggbey ya nzi bo te ishwim mon da hantey yɛ gbogbom, te ɛ hɔn ɛn ndɔ ne ishweng ɛTaanggbey, ˆɛ yɛɛ ne seng ɛbyin nikɔn na gbik.

1 ɛTimɔti 1:5

ɛKɔn na ne kɛ cwaak ɛyisɛ ndɔ ne ibol lɛdee wo so ishwim, ivaa ne ifɛ le ndɔ ne irway iwɛwɛy, ne izɔlɔs ne irway iywɛnɛng gbik ne ìnang ne itin ne itin.

1 ɛYohana 2:10

Gbik ɛnyi gha ne ɛ ne sim ɛgwaa ɛbhɛ gha, ɛbhɛ ɛ ne shɛɛ ishwɛɛ ne iwɛwɛy da, sɔng aa ne teye ɛkɔn ne kyibhɛ ɛnyi nang.

1 iTasɔlɔnika 5:8

Daa ɛli ne njwɛɛn soye ninaa ne igbey ya, te njwɛɛn ne kyii ne ihywɛɛ njwɛɛn ɛlɔ ɛdaan. Te njwɛɛn yɛk ghe ne ìnang ne itin de gbik ne ishwim ba te ɛtura ne igyɔs ne kyɛngɛ ɛgyɛy. Te njwɛɛn yɛk ghe ne sit ne irwisɛ da ne iphɛ nang iphɔrɔt da te ɛkɔn ne ito ne igyɔs.

2 iKɔrɔntos 5:10

Daa ɛli ne iphɛ so nggbinggbing njwɛɛn sɛ bhɛ kyinak ɛnu ɛyisɛ ɛKiriti gha te bol njwɛɛn ɛshara. ɛRɔngɔ sɛ ne bhɛ say ɛkɔn na ne ɛ so kancɛng ne ɛtomɛ gha ne ɛ kɛ mɔn ɛli ne ɛ kɛ so ndɔ ibek kɛdee wo. Hang ɛyɛnɛng ngɛ yɔɔ, hang ɛkpɛɛ yɛ yɔɔ.

1 iKɔrɔntos 8:3

ɛNyi gha ne ɛ ne sim ɛTaanggbey yegha nang, ɛTaanggbey ya ne yɛɛ ɛbhɛ.

iKɔlɔsi 1:27

iCwas ɛTaanggbey da ne so tɛ ninyi ɛbhɛ na seng wu ɛkɔn ɛgying ngɛghaa wo ne ɛ soye iryat de ɛ bok ne ndiinday de ma so ɛhaa ninyi na ne hame nibhɛ so niYahodawa na. ɛKɔn ɛgying ngɛghaa wo ne so ɛlɛ, ɛKiriti gha so ndɔ mon, ˆɛ sɛ ne sɛ ɛn ihop ne ito-ndiinday ɛbhɛ de.

1 ɛBiturus 1:21

Kɛ ne lenɛ ne ɛKiriti gha ne ɛ nang ɛn ne itin nɛ ne ɛTaanggbey ne ɛ kɛ yiisik ɛKiriti yegha tsik ne ikpuu da ɛ nang ɛbhɛ ito-ndiinday. iPhɛ ɛlɛy, ìnang ne itin mon da, ne ìyɛk ne irway mon da ne so daa ɛTaanggbey.

1 ɛYohana 3:9

Gbik ɛnyi gha ne ɛ so ɛNgɔn ɛTaanggbey ya, sɔng aa ne re ɛnu ɛyisɛ ne mɔn ɛfɔt to nang, daa ɛli ne iken iphas ɛTaanggbey de so ndɔ ɛbhɛ. Sɔng aa ne yɛɛ ne re ɛnu ɛyisɛ ne mɔn ɛfɔt to nang, daa ɛli ne ɛ kɛ teye ɛNgɔn ɛTaanggbey ya.

1 ɛYohana 3:3

Gbik ɛnyi gha ne ɛ bok iyɛk ne irway yɛdaa wo daa ɛKiriti gha, te ɛ te ito ɛbhɛ wɛwɛy ɛ shɛɛ wɛwɛy daa ɛli ne ɛKiriti gha so wɛwɛy.

1 ɛYohana 2:14

Nyinɛn nikyɛɛ, nzi haa nyini nɛ, daa ɛli ne ˆɛ yɛɛ ɛn ɛhaa ne ɛ ku sonɛ ne ile ne tum mɛ. Nyinɛn ninɔn niphas, nzi haa nyini nɛ daa ɛli ne ˆɛ bok ɛn ihwet, ibol ɛTaanggbey de i ta shɛɛ ndɔ ne irway mon, ˆɛ kɛ ne ta re ɛn ɛwɛng daa ɛbebhe yɛghaa wo.

iBirani 6:19

Sit ne irwisɛ njwɛɛn da ne so ngkangat te ɛgangat ne ɛ kɛ wum ivel gɛgɛy. iPhɛ ne te njwɛɛn sang to irway wɛlɛng ɛnik. iPhɛ ne bhɛ lel ndɔ ne ideng ngge, iphɛ phee ɛlɛbhɛlɛ gha, iphɛ bhɛ hɔn ɛlɔ ne shɛɛ ɛTaanggbey.

2 ɛTimɔti 1:7

Daa ɛli ne sɔng ɛTaanggbey ya kɛ nang njwɛɛn ikabyik ne iphɛ i nang njwɛɛn ɛnik nang, ɛ kɛ yang nang njwɛɛn ikabyik ne ihwet, ne ishwim gbik ne wum ito.

iBirani 6:11

Njwi sim te ɛrɔngɔ sɛ tɔɔl ihywee ɛtomɛ yɛdee wo ɛ phyii bhɛ hɔn itaal lɛ te iphɛ ne te nyini ɛ sɛ ɛn nikɔn na ne ɛ kɛ sit ɛn irwisɛ da.

2 iKɔrɔntos 5:15

ɛKiriti gha kɛ ne ku ɛlɔ ninyi na gbik, te gbik ninaa nɛ nibhɛ bok iken de, sɔng nibhɛ tɔ shɛɛ ishwɛɛ ne ito nibhɛ nang, tɛ nibhɛ yang yaa shɛɛ ishwɛɛ ɛKiriti da ne ɛ kɛ ku ɛlɔ nibhɛ gha kyii ta yiisik ɛbhɛ ɛlɔ nibhɛ gha.

1 iKɔrɔntos 14:1

See ɛn ito ɛ tɔk ɛn ishwim, te ne ɛ yɛk ɛn ihyop daa nikɔn na ne izɛɛng ne iKabyik ɛTaanggbey de i naas so, yàng ji so izɛɛng ne ivol ɛnɛbi da.

1 iKɔrɔntos 3:14

Sɛ ne sɛ igboo wo kɛ sang re ɛkɔn ne kɛ lɔl daa ne ɛtum mo, ne mɔn ɛhaa ne lɔl la iyɛnɛng.

1 ɛYohana 2:24

Nyinɛn no, te imɛmɛ da ne ˆɛ kɛ phok ɛn ne ile ne ɛtum mɛ wo shɛɛ ndɔ ne irway mon. Wu iphɛ kɛ ne shɛɛ ndɔ ne irway mon da, ˆaa ne ma shɛɛ ɛn ndɔ ɛNgɔn na ne ɛTaa gha.

ɛLuka 22:32

Nggɛ ne ku roo ɛTaanggbey ye daa ne ito mo ɛSimɔn ɔɔy, wu hang ìnang ne itin mo de taasek. Yaa ne sɛ ɛ kɛ bhɛ kyii ne ɛ te nigwaa mo na itsɔngɔl gɛgɛy.”

ɛLuka 10:27

ɛNyi gha ne yaak ɛYɛso yegha, “Kɛ haa i bo, ‘Sim ɛDaray ɛTaanggbey mogha ne ikok mo gbik, ne iken mo gbik, ne ihwet mo gbik, ne irway mo gbik, ne ɛ ta sim ɛgwaa mo ɛli ne ɛ sim ito mo.’ ”

iBirani 10:39

Sɔng njwɛɛn ne so ndɔ ninyi na nɛ nibhɛ kyisi ne ɛtsim ma nibhɛ phɛɛs ne bees se wo nang, njwɛɛn yang so ndɔ ninyi na nɛ nibhɛ kɛ nang ne itin nɛ nibhɛ phɔrɔt.

1 iKɔrɔntos 8:1

Daa ne ibol ne ire de ne kɛ nang igunkyi de nang, njwɛɛn i yɛɛ ncɛncɛng wu gbik njwɛɛn no bok ishweng. iShweng ngga ne ito ne ifɛ, ifɛ ne yɛɛs ne itɔɔsek ito, ishwim ifɛ ne lɔl ɛnyi gha.

iRooma 15:13

Te ɛTaanggbey ya ne ɛ so ɛhaa ne te ɛnyi gha ɛ sit irwisɛ da, yɛk nyini ne irway ihwala hyɔrɔ, ne irway ne laal ndɔ nang ne itin de ne ɛ kɛ nang ɛn nɛ ne ɛbhɛ wo, te iKabyik ɛTaanggbey de te nyini ɛ raras ɛn ndɔ ne sit irwisɛ mon da.

iBirani 10:35

iPhɛ ɛlɛy, ne ɛ hante ɛn ne irway nviit mon da, sɛ mɔn nyini iyɛnɛng gbom.

iKɔlɔsi 1:5

Daa ɛli ne ìnang ne itin mon de so daa nikɔn na ne ɛ kɛ yɛk ɛn ne irway ne kɛ tek nyini nɛ daa ne irywa. Ɛ kaa tsa ɛ phok ɛn ibol nikɔn nɛdee wo ndɔ ne ibol ne itin de ne iphɛ so ibol iyɛnɛng ngge.

1 iTasɔlɔnika 1:3

Njwii tas ne nyinɛn ɛnu ɛyisɛ ɛTaanggbey ya ne ɛ so ɛTaa gha. Njwii tas ne ɛtomɛ gha ne ìnang ne itin mon da i tɔɔsel lo, ne ɛtomɛ gha ne ɛ mɔn ɛn lenɛ ne ishwim mon da, gbik ne rop iku mon de ne ɛ bok ɛn lenɛ ne sit ne irwisɛ da daa ɛDaray njwɛɛn ɛYɛso ɛKiriti gha.