1 iKɔrɔntos 12:9 - ɛWee ne ìTsɛm iHywas

⁹ iKabyik ɛTaanggbey idaan nɛ ne nang ɛdɛng izɛɛng ihwet ne ìnang ne itin, iphɛ ne nang ɛdɛng izɛɛng ne tes nisha niken.

1 iKɔrɔntos 12:9 ပူးပေါင်းရင်းမြစ်များ

2 iKɔrɔntos 4:13

Kɛ ku haa ndɔ ne ɛWee ne iBol ɛTaanggbey yo i bo, “Nggɛ nang ne itin nɛ, iphɛ phɛ kɛ te nggɛ boote wo.” Daa ɛli ne njwi bok ikabyik ne ìnang ne itin idaan nɛ wo, njwi kɛ ne ma nang ne itin nɛ, iphɛ phɛ kɛ ne te njwii bol lo.

iFisus 2:8

Nzo kɛ lenɛ ne izɛɛng ɛTaanggbey de i phɔt nyini lenɛ ne ìnang ne itin. Sɔng kɛ phɔt nyini daa ɛdɛ ɛkɔn ɛyɛnɛng nga ne ɛ kɛ mɔn ɛn nang, iphɛ so ìnang ɛbhɛ.

1 iKɔrɔntos 13:2

Nzɛ kyi bok izɛɛng ne bol te ɛnɛbi, n da yɛɛ ne seng ɛkɔn na ne ɛ so gying, n da bok ishweng nikɔn na gbik, n da bok ìnang ne itin ne iphɛ bok ihwet ne iphɛ sɛ yɛɛ ne shoom ivarang, wu ne n sang bok ishwim ba, sɔng ne nzo ɛkɔn nang.

iBirani 11:33

Kaa lenɛ ne ìnang ne itin nibhɛ de, nibhɛ ne re nigɔm ne itsom, nibhɛ bol ɛshara ntin, nibhɛ ne say ɛkɔn na ne ɛTaanggbey kɛ ku sim-mɛ, nibhɛ cwamas ninu nikuramanza.

1 iKɔrɔntos 12:30

Sɔng gbik nibhɛ nibhɛ soye ninaa ne tes nisha niken na nang, sɔng gbik nibhɛ nibhɛ soye ninaa ne bol ne ihwak ilwem ba nang, sɔng gbik nibhɛ nibhɛ soye ninaa ne kpɛl ivol ne ilwem ba nang.

1 iKɔrɔntos 12:28

Ndɔ idira ninaa ne roos de, ɛTaanggbey ya kɛ nang ɛrɔngɔ ɛtomɛ ɛbhɛ. Ninaa ɛyisɛ yɛ ne so ninɔn ne tom, ne ji kungus nɛ ninabawa, ne kungus nɛ nikyɛɛ ne icwam, ne kungus nɛ ninaa ne mɔn nikɔn ne kparat. Sɛ ninaa ne tes nisha niken, nɛ ninaa ne iphyik, nɛ ninaa ne wɛɛ ɛtomɛ ne idira ninaa ne roos, nɛ ninaa ne bol ne ilwem kang-ka-kang.

ɛMarakus 16:18

Wu nibhɛ kɛ ne phyii wumus izɔ igywebhe, sɔng ihywɛ sɛ ne mɔn nibhɛ ne ɛkɔn nang. Wu nibhɛ kɛ re irɔ, sɔng ifɛ ne ma ta mɔn nibhɛ ne ɛ ɛkɔn nang. Nibhɛ sɛ ne i darat nishwa nibhɛ tes nibhɛ niken.”

ɛTomɛ 5:15

Nikɔn nɛnaa nggyɛ wo ne te ninyi na yaa tang nisha, nibhɛ laasek nibhɛ daa nilɔ ne laal gbik ne ikpangga ne nkpiinɛ, wu yaa sɛ ɛBiturus i phebhe, te izazurum ɛbhɛ ne phyin ne dat nidɛng nibhɛ ne tes niken.

ɛLuka 10:9

Tes ɛn ninaa nisha ɛgarang ngɛ niken; ɛ yaak ɛn ninaa ɛgarang, ‘iGbɔm ɛTaanggbey ba so cɛcɛk ne nyinɛn.’

ɛLuka 9:2

Ɛ ji tom nibhɛ, tɛ nibhɛ bhɛ tɔng ibol ne iGbɔm ɛTaanggbey ba, nibhɛ ta bhɛ tes nishwa na niken.

ɛMarakus 6:13

Nibhɛ ne tuul niphoo na ndɔ ninyi na, nibhɛ ne ta sirit ninaa ne ishwa na ne nɔɔy nibhɛ tes nibhɛ niken.

ɛMacu 21:21

ɛYɛso gha ne kyii nibhɛ nɛ, ne ɛ yɔngɔ, “Nzi tɔng nyini itin nɛ, wu ɛ bok ɛn ìnang ne itin tang ɛ to ɛn irway daa ne iphɛ, ɛ sɛ ne mɔn ɛn ɛkɔn na ne ɛ phyin ɛhaa ne nggɛ mɔn ɛpharang ngɛghaa wo nɛ wo. Ɛ sɛɛ ma yung yaak ɛn ɛwarang ngɛ wo, ‘Yilitsik te ɛbhɛ ho ndɔ ɛling,’ iphɛ sɛɛ ne te ɛlɛy.

ɛMacu 10:8

Tes ɛn ninaa nisha na niken, semese ɛn ninaa nibhɛ kɛ kus so, tes ɛn nikparong wɛwɛy, tuul ɛn ikpabyik ivebhe da ndɔ ninyi na nɛ nibhɛ bok ko. Sɔng ɛ kɛ tal ɛn ɛkɔn kyi nang nyini nang, sɔng aa ne ma say ɛn ɛkɔn ɛ kyi nang ɛn nang.

ɛTomɛ 10:38

Ɛ yɛɛ ɛn ɛli ne ɛTaanggbey ya kaa sit ɛYɛso ne iNazarat tegha ne iKabyik ɛTaanggbey ne ihwet da. ɛYɛso gha kaa ne roos nilɔ na gbik ɛɛ mɔn nikɔn niyɛnɛng ɛ ta tes ninaa ne ɛShɛtan na kaa bok ito de daa nibhɛ wo niken, daa ɛli ne ɛTaanggbey kaa so ne ɛbhɛ.