1 iKɔrɔntos 12:8 - ɛWee ne ìTsɛm iHywas

⁸ iKabyik ɛTaanggbey de kɛ nang ɛdɛng ivol ne ntsɛntsɛng, iKabyik idaan nɛ ne ma ta nang ɛdɛng ishweng.

1 iKɔrɔntos 12:8 ပူးပေါင်းရင်းမြစ်များ

ɛMacu 13:11

ɛYɛso gha ne kyii ne ɛ yaak nibhɛ, “Kɛ phaal nyini ɛduk ne igbɔm ɛTaanggbey da, sɔng kɛ ne ma phaal nibhɛ nɛ nang.

ɛTomɛ 6:3

iPhɛ ɛlɛy nigwaa en, ne ɛ kasa ɛn ninyi ɛniitaa ndɔ mon no nɛ nibhɛ so hyɔrɔ ne ikabyik ne ntsɛntsɛng. Nibhɛ ne njwi yaa ne yɛk nibhɛ ne ɛtomɛ ne wɛɛ ire gha.

iRooma 15:14

Nigwaa ɛn, me ne ito nge nzi yɛɛ ɛli ne ɛ kɛ jam ɛn gbom, ɛ bok ɛn ishweng ngga gbik ɛli ne aa yɛɛ ne mɛmɛ ɛn nigwaa mon nɛ.

1 iKɔrɔntos 1:30

ɛTaanggbey ya ɛbhɛ kɛ te ɛ so ɛn ndɔ ɛYɛso ɛKiriti gha, ɛbhɛ ta te ɛKiriti gha teye ntsɛntsɛng njwɛɛn. Kɛ ne lenɛ ne ɛKiriti gha ɛTaanggbey ya say njwɛɛn wu njwɛɛn so cik ɛnu ɛyisɛ ɛbhɛ, njwɛɛn ta teye ninyi ne wɛwɛy ɛTaanggbey ya, njwɛɛn ta teye ninyi ne kɛ phɔt.

1 iKɔrɔntos 1:5

Daa ɛli ne ndɔ ɛKiriti gha ne kɛ nang nyini iryat daa nikɔn na gbik, iryat ne ivol gbik ne ishweng.

1 iKɔrɔntos 13:2

Nzɛ kyi bok izɛɛng ne bol te ɛnɛbi, n da yɛɛ ne seng ɛkɔn na ne ɛ so gying, n da bok ishweng nikɔn na gbik, n da bok ìnang ne itin ne iphɛ bok ihwet ne iphɛ sɛ yɛɛ ne shoom ivarang, wu ne n sang bok ishwim ba, sɔng ne nzo ɛkɔn nang.

1 iKɔrɔntos 13:8

Sɔng ishwim ba bok ɛgak nang. Nzi tɔng nyini izɛɛng ne bol ɛnɛbi de sɛ taal le, ibol ne ilwem ba sɛ birit, ishweng ngga sɛ ne taal le.

1 iKɔrɔntos 14:26

Nigwaa en, ɛkɔn na ne nzi bol lo ɛbhɛ ghaa lɛ, i sɛ ɛ kɛ sɛm ɛn nyini ɛlɔ ne re ntsong ngga, ɛdɛng yaa ne bok iywel, ɛdɛng ne i mɛmɛ ninyi nɛ, ɛdɛng ne tɔɔl ɛkɔn na ne ɛTaanggbey kɛ phaal ɛbhɛ nɛ, ɛdɛng ne bol ne ihak ilem, ɛdɛng ne ji kpɛl ɛkɔn na ne i bol ne ihak ilem be. iPhɛ ne so nggbinggbing te mɔn nikɔn nɛnaa wo gbik ɛli nɛ nibhɛ yaa phyik ninaa ne roos sa.

1 iKɔrɔntos 14:6

Nigwaa en, wu nggɛ yɛɛs nzi bol ne nyinɛn ndɔ ne ilwem ba, iphɛ aa ne phyik nyini bɛ? Kwa! Naa phyik nyini wo wu nggɛ phaal nyini idɛ ibol de, hang ishweng yɔɔ, hang nggɛ bol te ɛnɛbi yɔɔ, hang nggɛ mɛmɛ nyini ne ibol ɛTaanggbey yɔɔ.

1 iKɔrɔntos 2:11

ɛHay ɛbhɛ sɛ yɛɛ ne seng icwas ne irway ɛhak ɛnyi kang ne ikabyik ɛnyi yɛɛ? Ɛlɛy ne iphɛ so, sɔng ɛnyi sɛ yɛɛ ne seng icwas ɛTaanggbey da kang ne iKabyik ɛTaanggbey de nang.

1 iKɔrɔntos 2:16

ɛWee ne iBol ɛTaanggbey yo i bo, “ɛHay ɛbhɛ yɛɛ icwas ɛDaray daa? ɛHay ɛbhɛ tɔɔrek ɛDaray yegha ɛkɔn ne mɔn ne?” Njwɛɛn, ninaa ne roos sa, ihywee ne irway ɛKiriti ne so ndɔ njwɛɛn.

2 iKɔrɔntos 1:12

Njwii lɛng ɛgyɛy daa ɛli ne icwas ne irway mos kɛ tɔɔrek wu njwi kɛ shɛɛ ishwɛɛ kang, ne irway mos ijwaan ndɔ ɛzay ya. Yang ji so ndɔ ne ishwɛɛ da ne njwi kɛ shɛɛ ne nyinɛn no. Naa yɔng njwi kɛ mɔn ɛlɛ wo ndɔ ne itin nɛ te ɛTaanggbey lenɛ ne izɛɛng ɛTaanggbey de, sɔng ne ntsɛntsɛng ɛzay yɛdee nang.

2 iKɔrɔntos 11:6

Yaa rɔk sɔng nggɛ bel ne ivol da nang, ne n jung bok ishweng. Njwi kɛ tɔɔrek nyini ɛlɛy ndɔ nikɔn na gbik.”

2 iKɔrɔntos 2:14

Te ne dɛp ɛTaanggbey ye! Ɛbhɛ ɛ hyel ne njwit cɛcɛɛy ndɔ ɛlang ninyi na nɛ nibhɛ tɔɔsel irway ihwala ɛKiriti da ne ɛ kɛ re itsom be. Ɛ mɔn ɛtomɛ ne njwit njwi bhɛ sanga ibol ɛKiriti de nilɔ na gbik iphɛ ne ji shwalat te ɛnkyinkyɔp ne ɛturarɛ.

2 iKɔrɔntos 4:6

ɛTaanggbey ya ne ɛ kaa yɔngɔ, “Te iwɛwɛy tol ndɔ gbyik,” ɛbhɛ kɛ ne te iwɛwɛy de i tol ndɔ ne irway mos da te ne i tol ninyi na, nibhɛ seng ito-ndiinday ɛTaanggbey de ɛyisɛ ɛKiriti gha.

2 iKɔrɔntos 6:6

Njwi kɛ ne tɔɔrek nyini na wu njwi soye ninaa ɛtomɛ ɛTaanggbey ya lenɛ ne iKabyik ɛTaanggbey de ne iphɛ so ndɔ mos, lenɛ ne ishwɛɛ kang mos, ne ishweng mos, ne ɛbɔk mos, ne iyɛnɛng mos, ne ishwim mos ivaa ne itin nɛ,

2 iKɔrɔntos 8:7

Ɛ ku so ɛn ninaa ɛyisɛ yɛ ndɔ nikɔn na gbik, ndɔ ne ìnang ne itin nɛ, ndɔ ne ivol, ndɔ ne ishweng, ndɔ ne irway ne phyik, gbik ne ishwim ne ɛ tɔɔsel ɛn njwii. iPhɛ ɛlɛy, njwii ne sim te ɛ sɛ ta so ɛn ninaa ɛyisɛ yɛ ndɔ ne izɛɛng ne ìnang ngɛdee wo.