1 iKɔrɔntos 12:18 - ɛWee ne ìTsɛm iHywas

¹⁸ ɛTaanggbey ya kɛ ryɔng nilɔ ne ibek ka ɛli ne ɛ kɛ sim.

1 iKɔrɔntos 12:18 ပူးပေါင်းရင်းမြစ်များ

1 iKɔrɔntos 12:28

Ndɔ idira ninaa ne roos de, ɛTaanggbey ya kɛ nang ɛrɔngɔ ɛtomɛ ɛbhɛ. Ninaa ɛyisɛ yɛ ne so ninɔn ne tom, ne ji kungus nɛ ninabawa, ne kungus nɛ nikyɛɛ ne icwam, ne kungus nɛ ninaa ne mɔn nikɔn ne kparat. Sɛ ninaa ne tes nisha niken, nɛ ninaa ne iphyik, nɛ ninaa ne wɛɛ ɛtomɛ ne idira ninaa ne roos, nɛ ninaa ne bol ne ilwem kang-ka-kang.

1 iKɔrɔntos 12:11

Gbik nikɔn nɛnaa wo iKabyik idaan nɛ iphɛ mɔn, iphɛ ne ta hosop iphɛ nang ɛrɔngɔ ɛli ne iphɛ sim.

iRooma 12:3

Daa ne izɛɛng ɛTaanggbey de ne ɛ kɛ nang me wo, nzi ne bok nyini wu hang ɛdɛ mon bo ito ɛbhɛ de ɛ phyin ɛli ne ɛ sɛɛ bo wo nang. Te ɛrɔngɔ yang laasek ito ɛbhɛ, te ɛ tek ito ɛbhɛ de cɛcɛɛy ne ìnang ne itin de ne ɛTaanggbey ya kɛ nang ɛbhɛ.

1 iKɔrɔntos 3:5

ɛPolos sa so ɛhay? ɛBulus sa ne so ɛhay? Nzi bo nibhɛ so ninaa ɛtomɛ zɔng ne ɛ kɛ nang ɛn ne itin nɛ lenɛ ne ibol nɛ nibhɛ kɛ tɔng nyini. Nibhɛ wo, ɛrɔngɔ i ne mɔn ɛtomɛ gha ɛli ne ɛDaray kɛ nang ɛbhɛ.

ɛLuka 12:32

“Sɔng ne ɛ phok ɛn ɛnik ko, nyinɛn ninyunyɔn ne ᐩigyol nge wo nang, ɛKyɛɛ mon naa phok iyɛnɛng ne sɛ nang nyini igbɔm ba.

1 iKɔrɔntos 12:24

Nilɔ ne ibek njwɛɛn na nɛ nibhɛ kɛ jam wɛɛ ba, sɔng sɛ kɛ ta mɔn nibhɛ ɛkɔn nang. ɛLɛy ne ɛTaanggbey ya kɛ ne ryɔng ibek ge, ɛ kɛ phyin nang ɛlɔ gha ne kɛ sang bo ɛbhɛ te ɛkɔn na ne ndiinday,

ɛLuka 10:21

Nten nɛdee nggyɛ wo nang, iKabyik ɛTaanggbey de kaa ne yɛk ɛYɛso irway ihwala hyɔrɔ. Ne ɛ ji yɔngɔ, “ɛTaa, ɛDaray ɛdaa ne irywa ne ɛzay gbik. N bok irway ihwala ne igyɛ, daa ɛli ne ɛ kɛ rɛɛ ninaa ne ntsɛntsɛng nga nɛ ninaa ne ishweng ngga ibol mo de, ɛ ji tɔɔrek ninaa ne sang yɛ iphɛ. Ɛɛy, ɛTaa ɛlɛy ne ɛ kaa ku i sim iphɛ sɛɛ te.”

1 iKɔrɔntos 15:38

ɛTaanggbey ya nang idede ibɔrɔk ihywee ne bek ge ne ɛ kɛ sim, idede ibɔrɔk ne bok ihywee ne ibek mpɛ.

Nikɔn ne kɛ Phaal 4:11

“ɛDaray ɛTaanggbey mos, ˆɛ kɛ hɔn ɛ sɛ say ndiinday, ne igbom, ne ito. Daa ɛli ne ˆɛ kɛ ryɔng nikɔn na gbik, kɛ lenɛ ne sim mo i ryɔng nibhɛ, nibhɛ sonɛ, nibhɛ so niken.”

iFisus 1:9

ɛTaanggbey ya kɛ yɛk ngɛ njwɛɛn seng ɛduk ne icwas ɛbhɛ daa ɛkɔn na ne aa mɔn, ɛhaa ne ɛ kɛ ryɔng ɛ shwaak lenɛ ne ɛKiriti gha.

iFisus 1:5

ɛTaanggbey ya ne ku kasa njwɛɛn nten nɛ tɔ te njwɛɛn teye ninɔn ɛbhɛ lenɛ ne ɛYɛso ɛKiriti gha. Ɛ kaa ne mɔn ɛlɛ wo lenɛ ne icwas ne izɛɛng ɛbhɛ.

iRooma 12:6

iPhɛ ɛlɛy, te njwɛɛn ne mɔn ɛtomɛ nɛ nikɔn ne izɛɛng kang-ka-kang nga ne ɛTaanggbey ya kɛ nang njwɛɛn lenɛ ne izɛɛng ɛbhɛ de. Wu izɛɛng ɛnyi de so izee ne tɔng ibol ɛTaanggbey, te ne ɛ tɔng ibol ɛTaanggbey de cɛcɛɛy ne ìnang ne itin ɛbhɛ.

1 iKɔrɔntos 12:17

Sɛ yɔng ibek ge gbik so irisɛ, sɛ ne phok ne ikyee? Sɛ ne yɔng ibek ge gbik so itsoro wo, sɛ ne ji phok ngkɔp ɛkɔn ne kyee?

1 iKɔrɔntos 12:19

Sɛ yɔng ibek ge ku so ɛlɔ ɛdaan zɔng, ibek ge sɛ ne ji so ɛli daa mɛɛ?