1 iKɔrɔntos 12:12 - ɛWee ne ìTsɛm iHywas

¹² Te ɛli ne ibek ge so iphɛ idaan de, iphɛ ne bok nilɔ na gbom, ɛli nɛ nilɔ yɛ ne so gbom mo, nibhɛ ne so ne ibek idaan. ɛLɛy ne phɛ ne so ɛlɔ ɛKiriti gha.

1 iKɔrɔntos 12:12 ပူးပေါင်းရင်းမြစ်များ

iKɔlɔsi 3:15

Te irway ne laal ɛKiriti da hyel ne nyinɛn ndɔ nikɔn na ne ˆaa mɔn ɛn gbik, daa ɛli ne kɛ lenɛ ne irway ne laal lɛdaa wo ɛTaanggbey ya yel-le nyini ndɔ ne ibek idaan. Te ɛ te ɛn nyini ninaa ne tɔɔsel ɛTaanggbey yegha irway ihwala.

1 iKɔrɔntos 12:27

Gbik mon no ne ɛ sɔ ɛn nyini ibek ɛKiriti, ɛrɔngɔ ne soye ɛdɛ ɛlɔ ne ibek kɛ.

iKɔlɔsi 2:19

iHywee ɛnyi yɛdee nggyɛ wo kɛ ne ku hosop bhe ne ɛKiriti gha ne ɛbhɛ so ito ne idira ninaa ne roos de. ɛHaa ne ɛbhɛ bok idira ninaa ne roos de ɛlɔ ɛdaan na, kaabi ibek ɛbhɛ de, ne i lenɛ ne itsibhi de nilɔ yɛ byingis se iphɛ raras ihywee ne raras da ne ɛTaanggbey ya ɛbhɛ ɛ yɛk ngɛ wo.

iFisus 4:4

Ɛ so ɛn ibek idaan, iKabyik ɛTaanggbey idaan nɛ iphɛ so ndɔ mon. ɛLɛy dɔng sit ne irwisɛ ijwaan nɛ ne ta sonɛ ne kɛ yel-le nyini nɛ.

1 iKɔrɔntos 10:17

ɛLi ne ibɛrɛdi de so iphɛ idaan de, njwɛɛn no ne so maa wo, ne ma so ibek idaan, daa ɛli ne ibɛrɛdi idaan nɛ ne njwɛɛn ne i re.

iFisus 5:30

Daa ɛli njwɛɛn soye ibap ne ibek ɛbhɛ.

iKɔlɔsi 1:18

ɛKiriti gha ɛbhɛ so ito ne idira ninaa ne roos de, nibhɛ ne soye ibek ɛbhɛ. Ɛbhɛ so ɛyisɛ yɛ, ɛbhɛ ne ɛ ta so ɛyisɛ yɛ ndɔ ninaa ne yilitsik ne ikpuu da, te ɛbhɛ teye ɛyisɛ ndɔ nikɔn na gbik.

iFisus 5:23

Daa ɛli ne ɛras sa bhɛ soye ito ɛkuk ɛbhɛ de, ɛli ne ɛKiriti gha bhɛ soye ito ne idira ninaa ne roos de, kaabi ibek ɛbhɛ de. ɛKiriti gha ne ito ɛbhɛ, ɛhaa ne phɔt ibek ge.

iFisus 4:12

Ɛ kɛ mɔn ɛlɛ wo te ɛ ryɔng ninyi ɛTaanggbey ya nibhɛ mɔn ɛtomɛ ɛbhɛ, nibhɛ lɔl ibek ɛKiriti de.

iGalatiya 3:16

ɛTaanggbey ya kaa sim-mɛ ne ɛBaraying nga ne ɛngɔn ɛbhɛ. Sɔng ɛWee bo “Ninɔn,” ne i bo ninyi gbarang nang. Ɛbhɛ bo icwaang, te so i bo ɛnyi ɛdaan, ɛbhɛ soye ɛKiriti gha.

iKɔlɔsi 1:24

ɛlyilyɛghaa wo, ne n bok irway ihwala ɛlɔ ne nggbang ngga ne nzi sɔ ɛlɔ mon no. Daa ɛli ne yaa lenɛ ne nggbang ngɛdaa wo n shwaak ɛkɔn na ne ɛ kɛ mak ndɔ ne nggbang ngga ne ɛKiriti gha kaa sɔ ɛlɔ idira ninaa ne roos de nɛ nibhɛ soye ibek ɛbhɛ de.

iFisus 1:23

iDira ninaa ne roos de ne soye ibek ɛKiriti de. iDira ninaa ne roos de i ne te ɛKiriti yegha te hyɔrɔ ɛli ne ɛbhɛ wo ɛ kɛ shwaasek nikɔn na gbik ndɔ nilɔ na gbik ko.

1 iKɔrɔntos 12:7

ɛTaanggbey ya ne tɔɔsel inyu ne iKabyik Ɛbhɛ de so ndɔ ɛrɔngɔ, ɛli ne aa phyik ninaa ne roos sa gbik.

1 iKɔrɔntos 12:20

ɛLi ne iphɛ ne so wo, nilɔ ne ibek ka ne so gbom, ibek ge ne so idaan.