1 iKɔrɔntos 12:10 - ɛWee ne ìTsɛm iHywas

¹⁰ iKabyik ge kɛ ne nang ɛdɛng izɛɛng ne mɔn nikɔn ne kparat, iphɛ ne nang ɛdɛng izɛɛng ne tɔng ibol ɛTaanggbey, iphɛ ne nang ɛdɛng ishweng ne hosop ikpabyik, iphɛ ne nang ɛdɛng izɛɛng ne bol ne ilwem kang-ka-kang, iphɛ ne nang ɛdɛng izɛɛng ne kpɛl ɛkɔn ne kɛ bol ndɔ ne ilwem ba.

1 iKɔrɔntos 12:10 ပူးပေါင်းရင်းမြစ်များ

1 iKɔrɔntos 14:39

iPhɛ ɛlɛy nigwaa nge, ne ɛ yɛk ɛn ihyop ne tɔng ivol ɛTaanggbey de te ɛnɛbi gha, sɔng ne ɛ kyɛngɛ ɛn ne bol ne ihwak ilwem ba nang.

1 ɛYohana 4:1

Nyinɛn nigwaa nge ne nzi sim, sɔng ˆɛ nang ɛn ne itin nɛ ne gbik ɛnyi gha ne ɛ bo wu i bok ikabyik ɛTaanggbey de nang. Yang tɛrɛk ɛn nibhɛ te ˆɛ seng ɛn hang iphɛ le ɛlɔ ɛTaanggbey ya yɔɔ, daa ɛli nɛ ninabawa ne irywɛɛk gbom kɛ shwalat ndɔ ɛzay ya.

ɛMarakus 16:17

Sɛ ne nang ninyi na nɛ nibhɛ kɛ say ibol nge de ito-ndiinday ne mɔn nikɔn ne kparat gbom: Nibhɛ sɛ bo irywɛɛk nge wo nibhɛ tuul nɛ niphoo ndɔ ninyi. Nibhɛ sɛ ne ta bol ne ihwak ilwem ne hame kɛ ku mɛmɛ nibhɛ nɛ.

iGalatiya 3:5

ɛTaanggbey ya kaa nang nyini iKabyik ɛbhɛ de ɛ ta mɔn nikɔn ne kparat ta ndɔ mon. Ɛ wɛɛ te ɛTaanggbey ya kɛ mɔn ɛlɛ wo daa ɛli ne ɛ roos ɛn ɛShara da gbik ghe? Hang kɛ lenɛ ne ibol iyɛnɛng ngge ne ɛ kɛ phok ɛn ɛ nang ne itin nɛ wo?

ɛMarakus 16:20

Ninɔn ne icwam ɛYɛso na ne wuusi nibhɛ leesel ndɔ nilɔ na gbarang, nibhɛ bhɛ sanga ɛnu ne ibol iyɛnɛng nga. ɛDaray ya ne i mɔn ɛtomɛ nɛ nibhɛ. Ne ɛ nang nibhɛ ito ne mɔn nikɔn ne kparat gbom te hante ibol nibhɛ de ne ihwet, te i seng wu iphɛ le daa ɛlɔ ɛTaanggbey.]

Nikɔn ne kɛ Phaal 2:2

Nzi yɛɛ nikɔn na ne ɛ kɛ mɔn, nzi yɛɛ ɛtomɛ gha ne ɛ kɛ kyangase nɛ, ne ɛbɔk ka ne ɛ bok. Nzi yɛɛ ɛli ne hame ɛ bok ɛbɔk ka nɛ nibebhe ninyi na, nzi ne yɛɛ ɛli ne ɛ kɛ tɛrɛk ninyi na nibhɛ bo wu i soye ninɔn ne tom ma, kaabi nibhɛ sang kyii soye nɛ wo, ɛ ji seng wu nibhɛ soye ne nibo ne irywɛɛk ka.

1 iTasɔlɔnika 5:20

Sɔng ˆɛ bɛɛs ɛn ìnang ninyi da nɛ nibhɛ tɔng ibol ɛTaanggbey de nang.

1 iKɔrɔntos 13:8

Sɔng ishwim ba bok ɛgak nang. Nzi tɔng nyini izɛɛng ne bol ɛnɛbi de sɛ taal le, ibol ne ilwem ba sɛ birit, ishweng ngga sɛ ne taal le.

iRooma 15:19

ne ihwet ne nyu nikɔn, nɛ nikɔn ne kparat, lenɛ ne ihwet ne iKabyik ɛTaanggbey. iPhɛ ɛlɛy nggɛ le ne iYɛrushɛlɛm n phyii bhɛ hɔn iLirikum nzi sanga iBol iYɛnɛng ɛKiriti de n phyii taal ɛtomɛ yɛghaa wo gbik.

iRooma 12:6

iPhɛ ɛlɛy, te njwɛɛn ne mɔn ɛtomɛ nɛ nikɔn ne izɛɛng kang-ka-kang nga ne ɛTaanggbey ya kɛ nang njwɛɛn lenɛ ne izɛɛng ɛbhɛ de. Wu izɛɛng ɛnyi de so izee ne tɔng ibol ɛTaanggbey, te ne ɛ tɔng ibol ɛTaanggbey de cɛcɛɛy ne ìnang ne itin ɛbhɛ.

ɛTomɛ 19:6

Ne sɛ ɛBulus sa kɛ tek ɛrɔngɔ ne iwɔ daa ne ito, iKabyik ɛTaanggbey de ne yɛɛs nibhɛ, nibhɛ ji yaa bol ne ihwak ilwem, nibhɛ tɔng ibol ɛTaanggbey.

ɛTomɛ 11:28

ɛDɛng ndɔ nibhɛ wo ne kaa bok ɛbhɛ ɛGabus, ne ɛ yilitsik ɛ bol ɛkɔn na ne iKabyik ge kɛ mɔng ɛbhɛ ɛ yɔngɔ, wu sɛ re iyɔm ndɔ ɛzay ya gbom. iBol ɛbhɛ de kaa ne shwaak ghe nten de ne ɛKaladiyus kaa soye ɛgɔm.

ɛTomɛ 5:3

ɛBiturus sa ne yaak ɛbhɛ, “ɛHananiya! iKyee iphɛ kɛ te ɛ sim ɛShɛtan na luk kɛ ɛ rɛɛ ɛbyin ne ijam ne ihwap ba ɛ ji ɛ hyɛ iKabyik ɛTaanggbey de irywɛɛk gaa?

ɛTomɛ 1:8

Ɛ sɛ ne sɛ ɛn ihwet ne sɛ́ sɛ iKabyik ɛTaanggbey de kɛ yɛɛs nyini wo, ɛ sɛ ne sanga ibol nge de ne iYɛrushɛlɛm, ne iYahudiya, ne iSamariya, ne ɛgak ɛzay yo gbik.”

ɛYohana 16:13

Sɛ́ ne sɛ iKabyik ntin de kɛ yɛɛs sang, iphɛ sɛ ne hyel nɛ nyinɛn ndɔ itin de. Sɔng iphɛ sɛ bol ivol ne ito ne iphɛ nang, iphɛ sɛ bol ɛkɔn na ne iphɛ kɛ phok zɔng, iphɛ ne tɔng nyini nikɔn na nɛ nibhɛ tɔ tang yɛɛs.

ɛYohana 14:12

Nzi tɔng nyini itin nɛ, gbik ɛnyi gha ɛ kɛ nang ne itin nɛ ne me wo, aa ne mɔn nikɔn na ne nzi mɔn no. Aa ne mɔn nikɔn na nɛ nibhɛ phyin ninaa wo, daa ɛli ne naa phɛ ɛlɔ ɛKyɛɛ gha.

ɛLuka 24:49

Naa ne bhɛ tom nyini ne ɛHaa gha ne ɛKyɛɛ nge kɛ ku sim-mɛ wo. Ne ɛ shɛɛ ɛn ne iYɛrushɛlɛm be ɛ hyep ɛn te nang nyini ihwet ɛdaa ne irywa ba.”

iBirani 2:4

ɛTaanggbey ya kɛ ne ta hante nang idee ɛbhɛ ishɛɛda lenɛ nɛ nikɔn ne kparat, nɛ nikɔn ne ɛnik, ne ìnang ne iKabyik ɛbhɛ ihywee-ihywee ne ɛ kɛ naas ninyi na lenɛ ɛli ne ɛ sim.

ɛTomɛ 11:27

Nten nɛ de nggyɛ wo nidɛng ndɔ ninabawa na kaa ne le ne iYɛrushɛlɛm be nibhɛ yɛɛs ne iNtakiya de.

1 iKɔrɔntos 11:4

Gbik ɛras sa ne ɛ kɛ ne cwaal ito ɛbhɛ de ɛ bol ne ɛTaanggbey ya, ɛ ta tɔng ibol ɛTaanggbey de, ɛ bɛɛs ɛndiinday ɛbhɛ gha.

1 iKɔrɔntos 14:13

iPhɛ ɛlɛy, ɛnyi gha ne ɛ ne bol ilwem ba, iphɛ ne so nggbinggbing ne ɛ boote ne ɛTaanggbey te ɛ nang ɛbhɛ ito ne kpɛl ivol lɛ.