1 iKɔrɔntos 11:22 - ɛWee ne ìTsɛm iHywas

²² Ɛ sang ɛn idee ne aa re ɛn ɛ sɔ ɛn nɛ ne ndɔ yɛwo naa? Hang ɛ kɛ bɛɛs ɛn idira ninaa ne roos ɛTaanggbey yegha, ne ɛ mɔn ɛn ninaa nɛ nibhɛ sang ɛkɔn na kang ngo naa? Naa ne yaak nyini ɛli? Naa ne dɛp nyini daa ɛkɔn nɛghaa woo? Kwa! Sɔng na dɛp nyini nang.

1 iKɔrɔntos 11:22 ပူးပေါင်းရင်းမြစ်များ

ɛTomɛ 20:28

Wɛɛ ɛn nyini yɛnɛng, tɛ nɛ ta wɛɛ ɛn ᐩigyol ɛTaanggbey de ne iKabyik ɛTaanggbey de kɛ yɛk nyini nɛ te ɛ wɛɛ ɛn no. Hyep ɛn ninaa ne roos ɛTaanggbey ya ne ɛ kɛ say nibhɛ nɛ neyi ɛNgɔn ɛbhɛ na.

1 iKɔrɔntos 10:32

Sɔng ɛ te ɛn nyini ɛkɔn na nɛ niYahodawa na, nɛ ninyi ne hame nibhɛ soye niYahodawa na gbik ne idira ninaa ne roos ɛTaanggbey yegha yaa yaang nibhɛ mɔn ɛfɔt to nang.

1 ɛTimɔti 3:15

Wu kɛ ne bees me nten, ɛwee yɛwoo wo yaa ne teyɛ ɛ seng ihywee ne ishwɛɛ da ne njwɛɛn yaa shɛɛ ndɔ ne ijwee ɛTaanggbey yo, ne iphɛ so idira ninaa ne roos ɛTaanggbey ne iKen na, ɛkangashi gha gbik ne ɛtum ne itin de.

1 ɛTimɔti 3:5

Wu ɛnyi gha i doo ne boos ijwee ɛbhɛ wo, aa ne mɔn ɛlii ɛ yɛɛ ne wɛɛ idira ninaa ne roos ɛTaanggbey yedee?

1 iKɔrɔntos 11:17

Daa ne ibol lɛdee wo, sɔng naa dɛp nyini nang, daa ɛli ne sɔng itumɛ mon i mɔn ɛkɔn ne ɛ kɛ jam nang, iphɛ yang mɔn ɛkɔn ne ɛ kɛ sang jam.

1 iKɔrɔntos 11:2

Nzi dɛp nyini daa ɛli ne ɛ tas ɛn ne mee ndɔ nikɔn na gbik, ɛ ta boos ɛn ikpii ne imɛmɛ nge da byirik, kancɛng ɛli ne nggɛ nang nyini wo.

1 iKɔrɔntos 15:9

Mee nggɛ taasek n shɛs ndɔ ninɔn ne tom ma gbik, sɔng nggɛ ma yung hɔn ɛli ne sɛ yaak me ɛngɔn ne tom ma nang, daa ɛli ne nggɛ baasek idira ninaa ne roos ɛTaanggbey de nggbang.

1 iKɔrɔntos 11:34

Wu ɛnyi gha ne ɛ so kpyak, te nɛ ɛ re ire de ne ijwee ɛbhɛ ɛlɔ ne itumɛ mon da ya yung hɔ nyini ɛshara. Daa ɛbyin nikɔn na nang, sɛ sɛ̀ nggɛ yɛɛs nzɛ ne kyi tɔng nyini.