1 iKɔrɔntos 10:17 - ɛWee ne ìTsɛm iHywas

¹⁷ ɛLi ne ibɛrɛdi de so iphɛ idaan de, njwɛɛn no ne so maa wo, ne ma so ibek idaan, daa ɛli ne ibɛrɛdi idaan nɛ ne njwɛɛn ne i re.

1 iKɔrɔntos 10:17 ပူးပေါင်းရင်းမြစ်များ

iRooma 12:5

Ɛlɛy ndɔ ɛKiriti gha, njwɛɛn no ne njwɛɛn so gbom mo ne so ibek idaan, kɛ ne byingis njwɛɛn tɛ nilɔ kang-ka-kang ndɔ ne ibek idaan de.

iKɔlɔsi 3:15

Te irway ne laal ɛKiriti da hyel ne nyinɛn ndɔ nikɔn na ne ˆaa mɔn ɛn gbik, daa ɛli ne kɛ lenɛ ne irway ne laal lɛdaa wo ɛTaanggbey ya yel-le nyini ndɔ ne ibek idaan. Te ɛ te ɛn nyini ninaa ne tɔɔsel ɛTaanggbey yegha irway ihwala.

1 iKɔrɔntos 12:27

Gbik mon no ne ɛ sɔ ɛn nyini ibek ɛKiriti, ɛrɔngɔ ne soye ɛdɛ ɛlɔ ne ibek kɛ.

1 iKɔrɔntos 12:12

Te ɛli ne ibek ge so iphɛ idaan de, iphɛ ne bok nilɔ na gbom, ɛli nɛ nilɔ yɛ ne so gbom mo, nibhɛ ne so ne ibek idaan. ɛLɛy ne phɛ ne so ɛlɔ ɛKiriti gha.

iFisus 4:25

iPhɛ ɛlɛy yang, ne ˆɛ kɔɔng ɛn irywɛɛk ga! Te ɛrɔngɔ i tɔng ɛhaa ɛcɛcɛk ɛbhɛ itin nɛ daa ɛli ne njwɛɛn so ibap ne ibek idaan nɛ.

iFisus 4:16

Ɛbhɛ ɛ bok igbɔm ndɔ ne idira ninaa ne roos de nɛ nibhɛ so tɛ nilɔ ne ibek ka. Nilɔ ne ibek ka ne kɛ byingis lenɛ ne ᐩitsibhi de, ɛrɔngɔ i mɔn ɛtomɛ ɛbhɛ gha te ibek ge ne i hanas ne hɔnɔs sɛ ndɔ ne ishwim ba.

iFisus 4:4

Ɛ so ɛn ibek idaan, iKabyik ɛTaanggbey idaan nɛ iphɛ so ndɔ mon. ɛLɛy dɔng sit ne irwisɛ ijwaan nɛ ne ta sonɛ ne kɛ yel-le nyini nɛ.

iKɔlɔsi 3:11

Ɛli ne ˆɛ kɛ bo ɛn ishwɛɛ ifas da, sɔng ihosop ne ta tɔ nɛ ndɔ mon no nang. niYahodawa nɛ ninaa ne hame nibhɛ soye niYahodawa, ɛhaa ne kɛ hyɛ ɛbhɛ itee ne ɛhaa ne hame kɛ hyɛ itee, ɛnyi ne ito iben, ne ɛhaa ɛhay nang, ne ɛkpuru ne ɛngɔn ne ijwee nang. Nibhɛ so ɛkɔn ɛdaan nɛ daa ɛli ne ɛKiriti gha ɛbhɛ bok nikɔn na gbik, ɛbhɛ ɛ ta so ndɔ njwɛɛn gbik.

iFisus 3:6

ɛKɔn ɛgying ɛTaanggbey ya so ɛlɛ, te lenɛ ne iBol iYɛnɛng ɛYɛso ɛKiriti de, tɛ ninaa nɛ nibhɛ sang so niYahodawa na teye ninaa ne re isha ɛTaanggbey de gbik nɛ niYahodawa na. Nibhɛ teye ibap ne ibek idaan nɛ, nibhɛ sɛ ihop ndɔ ɛkɔn na ne ɛTaanggbey ya kɛ sim-mɛ lenɛ ne ɛKiriti gha.

iKɔlɔsi 2:19

iHywee ɛnyi yɛdee nggyɛ wo kɛ ne ku hosop bhe ne ɛKiriti gha ne ɛbhɛ so ito ne idira ninaa ne roos de. ɛHaa ne ɛbhɛ bok idira ninaa ne roos de ɛlɔ ɛdaan na, kaabi ibek ɛbhɛ de, ne i lenɛ ne itsibhi de nilɔ yɛ byingis se iphɛ raras ihywee ne raras da ne ɛTaanggbey ya ɛbhɛ ɛ yɛk ngɛ wo.

1 iKɔrɔntos 10:21

Sɔng aa yɛɛ ne sɔ ɛn ɛhyihyangas ɛDaray ya ɛ ta kyi sɔ ɛn ɛhaa niphoo gha nang. Sɔng aa ne yɛɛ ne re ɛn ɛkyee ɛDaray ya ɛ ta kyi re ɛn ɛhaa niphoo gha nang.