1 iKɔrɔntos 10:16 - ɛWee ne ìTsɛm iHywas

¹⁶ ɛHyihyangas ɛwɛng nga ne njwɛɛn i tɔɔrek ɛTaanggbey yegha irway ihwala da i kyi sɔ wo kɛ te njwɛɛn kɛ teye nidaan nɛ ndɔ neyi ɛKiriti gha. iBɛrɛdi de ne njwɛɛn i kpɛl i re wo kɛ te njwɛɛn kɛ teye nidaan nɛ ndɔ ne ibek ɛKiriti de.

1 iKɔrɔntos 10:16 ပူးပေါင်းရင်းမြစ်များ

ɛLuka 22:17

ɛYɛso gha ne ji bo ɛhyihyangas sa ɛ tɔɔl ɛTaanggbey ye irway ihwala ɛ ji yɔngɔ, “Ngga ɛn te ɛ hosop ɛn ndɔ mon.”

ɛTomɛ 2:42

Nibhɛ ne nang irway nibhɛ gbigbik daa nikɔn na ne ninɔn ne tom ma mɛmɛ nibhɛ nɛ wo, nibhɛ ne i byingis ìtsɛm, nibhɛ re ire ɛlɔ ɛdaan, nibhɛ ne jii roro.

ɛTomɛ 2:46

iZenge ne ihwɛlɛ, nibhɛ ne i tumɛ ɛn ndɔ ɛsaa ne iDeng nga, nibhɛ ne i roos idee-idee nibhɛ re en ire ndɔ ne izinɛ ne ishwɛ ne irway ilyaak.

ɛTomɛ 20:11

Ne sɛ ɛBulus sa kɛ kyii ɛ wara daa ne ijwee ne irywa wo, ne ɛ kpɛlɛ ibɛrɛdi de njwi re. Ne sɛ ɛtsim mɛ ne ɛ kɛ bol nɛ ninyi na ihwɛlɛ phyii wuru, ne ɛ ji hyel.

ɛTomɛ 20:7

Ne sɛ irwirywɛ ɛtuk ne idaan nɛ ndɔ ne isaati de, njwit ninaa ne roos sa kaa ne so ɛlɔ ɛdaan njwi yaa re ire ɛDaray de. ɛBulus sa ne bol nɛ ninaa ne roos sa ihwɛlɛ wuru daa ɛli ne ɛ sim ɛ sɛ cwiil ihwɛlɛ yɛ ɛ hyel.

1 iKɔrɔntos 1:9

ɛTaanggbey ya so ɛhaa ne sɛ kyinak daa ne ibol ɛbhɛ, ɛ kɛ yel-le nyini te ɛ rop ɛn ìtsɛm ne ɛNgɔn ɛbhɛ ɛDaray njwɛɛn ɛYɛso ɛKiriti.

1 iKɔrɔntos 10:15

Nzi bol nɛ nyinɛn tɛ ninyi nɛ nibhɛ bok ihywɛɛ, ne ɛ phɛl ɛn ito mon te ɛ yaang ɛn ɛkɔn na ne nzi bol.

1 iKɔrɔntos 12:13

Daa ɛli ne gbik njwɛɛn no, hang ɛYahodawa yɔɔ, hang ma sang so ɛYahodawa yɔɔ, hang nikpuru yɔɔ, hang ninɔn ne ijwee yɔɔ, kɛ yɛk njwɛɛn ne ibatisima idaan ne ikabyik idaan, njwɛɛn kɛ teye ibek idaan. Kɛ ne ta nang njwɛɛn iKabyik idaan ndɔ ne irway njwɛɛn.

iBirani 3:14

Njwɛɛn kɛ ne byinki ito njwɛɛn ne ɛKiriti gha wu njwɛɛn kɛ boos ìnang itin ne ibol njwɛɛn da gɛgɛy ɛli ne njwɛɛn kaa tsa wo phyii bhɛ taal.

1 ɛYohana 1:3

Njwii tɔng nyini ibol ɛkɔn de ne njwi kɛ yaang, njwi ta phok, te ɛ ma byinki ɛn ìtsɛm be ne njwit. ìTsɛm mos de ne so ne ɛTaa gha gbik ne ɛNgɔn ɛbhɛ ɛYɛso ɛKiriti.

1 ɛYohana 1:7

Wu njwɛɛn i ne hyel ndɔ ne iwɛwɛy de ɛli ne ɛTaanggbey ya so iwɛwɛy de, njwɛɛn i ne byingis ìtsɛm be nɛ nigwaa. Neyi ɛNgɔn ɛbhɛ ɛYɛso ɛKiriti na i ne kuus ɛfɔt njwɛɛn no gbik.