1 iKɔrɔntos 10:14 - ɛWee ne ìTsɛm iHywas

¹⁴ iPhɛ ɛlɛy, nyinɛn no ne nzi sim nyini wo, sɔng ɛ phɛ ɛn cɛcɛk ne ɛlɔ ne re igunkyi de ntsong ngga nang.

1 iKɔrɔntos 10:14 ပူးပေါင်းရင်းမြစ်များ

Nikɔn ne kɛ Phaal 21:8

Ninaa ne ɛnik ka, nɛ ninaa ne sang nang ne itin de, nɛ ninaa mɔn nikɔn ne ishis sa, nɛ ninaa ne phobho ninyi na, nɛ ninaa ne ra nzangas sa, nɛ ninaa ne kyarakyut ta, nɛ ninaa ne re igunkyi de ntsong ngga, nɛ ninaa ne wul irywɛɛk ga, sɛ cwaak nibhɛ ndɔ ɛling ne igboo ne isɔlifa. ɛLing ne igboo gha bhɛ ne soye iku ne ifaa de.”

1 ɛYohana 5:21

Ninɔn nge, nzi bok nyini, shɛɛ ɛn kyaam nɛ nikɔn ne hame nibhɛ soye ɛTaanggbey ne itin na.

1 ɛBiturus 2:11

Nigwaa nge ne nzi sim, nzi bok nyini, daa ɛli ɛ so ɛn ninaa ne ikpoo na ndɔ ɛzay ya, ne ɛ hosop ɛn nyini ne roos ihyop ne ibek ge ne iphɛ so ɛfɔt to. iHyop pɛdee nggyɛ wo i ta itsom ne irway mon da.

Nikɔn ne kɛ Phaal 22:15

Ninyi na nɛ nibhɛ ne so ɛtsim ɛgarang nga sɛ ne so ɛlɛ: ninaa nɛ nibhɛ kɛ bees itso nibhɛ nɛ nikɔn ne ishis, nɛ ninaa ne ikyarakyut, nɛ ninaa ne ra nzangas, nɛ ninaa ne phobho ninyi, nɛ ninaa ne re igunkyi ntsong gbik nɛ ninaa ne saghe ne irywɛɛk nibhɛ ta i wul ifɛ.

2 iKɔrɔntos 7:1

Daa ɛli ne kɛ ku sim njwɛɛn nɛ nikɔn nɛnaa wo gbik ko nigwaa nge ne nzi sim, ne njwɛɛn kuus ito njwɛɛn daa nikɔn na nɛ nibhɛ aa te ibek njwɛɛn de ne irway njwɛɛn da yɛk ivebhe da, te njwɛɛn ku tul en kang lenɛ ne ɛnik ɛTaanggbey ne njwɛɛn bok.

2 iKɔrɔntos 6:17

iPhɛ ɛlɛy wuru ɛn ndɔ nibhɛ, hobhos ɛn nyini nɛ nibhɛ, n phok ɛTaanggbey ya. Sɔng ɛ dat ɛn ibebhe nang, ɛlɛy naa ne ji say nyini.

Nikɔn ne kɛ Phaal 13:8

Gbik ninyi ɛzay ya sɛ́ ne re inyam be ntsong kang nɛ ninaa ne kaa ku haa irɛɛk nibhɛ de ndɔ ne ɛWee ne iKen no. ɛWee ne iKen no soye ɛwoo ɛNgɔn ne ɛpharak ko ne kaa phoo ɛbhɛ wo. Kaa ne ku haa irɛɛk nibhɛ de nten de ne kaa tang ryɔng ɛzay ya.

Nikɔn ne kɛ Phaal 2:14

Gbik ne phɛ ɛlɛy, ne ɛ jung bok nidɛng nikɔn na ncɛt daa ne ito mo ne hame nzi sim. Nidɛng sonɛ ndɔ mon no nɛ nibhɛ kɛ roos ihywee ne imɛmɛ ɛBalamu, ne ɛ kaa mɛmɛ ɛBalak ghe nɛ ɛ te niSɛrɛla na mɔn ɛfɔt, nibhɛ re ire ne kɛ hap igunkyi ne itsanga, nibhɛ ta i ra nzangas.

1 iKɔrɔntos 10:7

Sɔng ɛ te ɛn nyini ninaa ne re igunkyi de ntsong ngga ɛli ne nidɛng nibhɛ kaa so wo nang. Kɛ haa ndɔ ne ɛWee ne iBol ɛTaanggbey yo i bo, “Ninyi na kɛ soos, nibhɛ re, nibhɛ sɔ, nibhɛ phyii yaa yel isham nibhɛ dat nzangas.”

2 iKɔrɔntos 11:11

Nzi bol ɛlɛ wo wu hang nzi sim nyini naa? ɛTaanggbey i yɛɛ ɛli ne nzi sim nyini wo.

iRooma 12:19

Nigwaa en, sɔng ɛ tal ɛn irwyen da nang, yang tek ɛn ɛTaanggbey ye nɛ ɛbhɛ tal nyini nɛ te ɛli ne kɛ ku haa i bo; “ɛDaray ya i bo, ‘Mee nzo ɛhaa ne tal irywen da, ɛDaray ya bo, me na tal lɛ nɛ.’ ”

iFilibi 4:1

iPhɛ ɛlɛy, nyinɛn nigwaa nge ne nzi sim, ˆɛ so ɛn ne irway nge, nzi has irway ne yaang nyini, ɛ so ɛn irway ihwala nge gbik ne ɛkɔn ne ito ne igbɔm nge daa ɛtomɛ nge. Nzi roro ne nyinɛn, kyinak ɛn ne ihwet ndɔ ɛDaray ya, nyinɛn no ne nzi sim mo.

2 iKɔrɔntos 12:15

iPhɛ ɛlɛy naa ne phoo gbik ɛkɔn na ne n bok daa mon no ne irway ihwala, naa ma yung nang ito nge. Wu nzi ne sim nyini gbom ɛlɛ wo aa ne ji sim ɛn mɛɛn ncɛt bɛ?

ɛFilimɔn 1:1

ɛWee yɛwoo wo le ɛlɔ ɛBulus, ne kɛ rop ɛbhɛ ne nyang ɛlɔ ne mɔn ɛtomɛ ɛYɛso ɛKiriti gbik ne ɛgwaa njwɛɛn ɛTimɔti. Ɛbhɛ phɛɛs ɛlɔ ɛFilimɔn, ɛtaay ɛtomɛ mos ne njwii sim,

2 iKɔrɔntos 12:19

Sɔng ɛ yung wɛɛ ɛn te njwii mɔn nikɔn na te njwi kyɛngɛse itso mos ɛlɔ mon na nang. ɛTaanggbey ɛbhɛ ɛ so ɛshɛɛda mos wu itin nɛ ne njwii tɔng ɛli ne ɛKiriti sɛɛ tɔng, te njwi byinɛ nyini ne njwii sim.

ɛTomɛ 15:20

Te njwɛɛn yang haa nibhɛ ɛwee te yaak nibhɛ wu hang nibhɛ re ɛn ire ne ikpii, hang nibhɛ ra ɛn nzangas, hang nibhɛ ne re inwam ne kɛ sang hyɛ i tul neyi yɛ, wu hang nibhɛ ne re neyi.

1 iKɔrɔntos 5:11

Nzi ne haa nyini nɛ nzi bok nyini, sɔng ɛ byinki ɛn ito ne ɛgwaa gha ne ɛ so ɛhaa ne roos sa, ɛ kyi ta i ra nzangas de, ɛ bok idɔphiri de, ɛ re igunkyi de ntsong ngga, ɛ towos ninyi na, ɛ tes ziizii nɛ nikɔn ne sɔ na, ɛ hyel ɛyi gha nang. Sɔng ɛ sim ɛn ɛ ma yung re ɛn ire ne ihywee ninyi yɛdee nggyɛ wo nang.

1 iKɔrɔntos 10:15

Nzi bol nɛ nyinɛn tɛ ninyi nɛ nibhɛ bok ihywɛɛ, ne ɛ phɛl ɛn ito mon te ɛ yaang ɛn ɛkɔn na ne nzi bol.

1 iKɔrɔntos 10:19

iKyee ne nzi bol ɛbɛ woo? ɛKɔn na ne kɛ hyɛ igunkyi de nɛ wo ɛbhɛ ɛ so ɛkɔn naa? Hang igunkyi de iphɛ soye ɛkɔn?

iBirani 6:9

Nigwaa nge ne nzi sim, ɛli ne njwii kyi bol ɛlɛ wo, njwi ne yɛɛ ncɛncɛng wu ɛ mɔn ɛn nikɔn niyɛnɛng nɛ nibhɛ kɛ tɔɔrek wu ɛ kɛ phɔrɔt ɛn.