1 iKɔrɔntos 10:13 - ɛWee ne ìTsɛm iHywas

¹³ Sɔng idɛ tɛɛsek ga kɛ ku sɛ nyini ivaa ne hame i sang ku tɛɛsek ɛten nɛ nang. ɛTaanggbey ya ne so sɛ kyinak daa ne ibol ɛbhɛ, sɔng aa tek i tɛɛsek nyini ɛli ne ifɛ yaa phyin ihwet mon nang, yaa ne sɛ kɛ tɛɛsek nyini wo, aa ne tɔɔrek nyini ɛli ne aa wuru ɛn te ɛ kyinak ɛn gɛgɛy.

1 iKɔrɔntos 10:13 ပူးပေါင်းရင်းမြစ်များ

2 ɛBiturus 2:9

iPhɛ ɛlɛy, nikɔn nɛnaa wo kɛ ne tɔɔrek njwɛɛn wu te njwɛɛn seng wu ɛTaanggbey ya i yɛɛ ne phɔt ninaa ne tel ɛnik ɛbhɛ na nɛ nibhɛ so ndɔ ne tɛrɛk ga ihywee-ihywee de. ɛTaanggbey ya ne ta yɛɛ ɛli ne aa hyep nibebhe na phyii bhɛ hɔn ɛtuk ne hyɛ ɛshara gha.

2 ɛTimɔti 4:18

ɛTaanggbey yaa phɔt me ndɔ ne ibebhe de gbik, ɛ hyel ne mee ncaang ɛbhɛ hɔn ne igbɔm ɛdaa ne irywa da. Te nang ɛTaanggbey ye ne ndiinday ne ishay-ishay. Ɛɛy.

2 iTasɔlɔnika 3:3

ɛDaray ne so sɛ kyinak daa ne ibol ɛbhɛ. Aa nang nyini ihwet, ɛ ta kyɛngɛse nyini ɛlɔ ɛShɛtan na, ɛBebhe gha.

iBirani 12:4

Ndɔ ne cwaasek ghe mon da ne ɛfɔt to, sɔng iphɛ kɛ ku hɔn ɛli ne ɛ kɛ lok ɛn neyi mon nang.

1 iTasɔlɔnika 5:24

ɛHaa ne ɛ kɛ yel-le nyini wo, ɛ so sɛ kyinak daa ne ibol ɛbhɛ, aa ne mɔn ɛlɛ wo.

ɛLuka 22:46

ɛYɛso gha ne yaak nibhɛ, “iKyee phɛ kɛ te ˆɛ so ɛn nwa baa? Seme ɛn, te ˆɛ roo ɛn, aa yung ho ɛn ndɔ ne itɛrɛk ga.”

2 iKɔrɔntos 1:10

ɛTaanggbey ya kaa phɔt njwi ɛnu ne iku ibebhe yɛdee wo. Aa ne phɔt njwii. Njwi kɛ ne sit ɛbhɛ ne irwisɛ daa ɛli ne ɛ sɛ ta phɔt njwii dɔng.

Nikɔn ne kɛ Phaal 3:10

Daa ɛli ne ɛ kɛ bo ɛbɔk ka ɛ hyep ibol nge de, nzɛ ne ma hyep pɛ nten ne nggbang ngɛdee nggyɛ wo ne mpɛ sɛ yɛɛs ninaa ɛzay ya gbik ko te phɔwɔ nibhɛ wo.

Nikɔn ne kɛ Phaal 2:10

Sɔng ɛ phok ɛnik ne nggbang ngga ne ɛ yungaa sɔ wo nang. Nzi tɔng ngɛ ɛShɛtan na yaa bo ɛbyin mon ɛbhɛ rop nibhɛ ndɔ ne ijwee ne nyang te ɛ sɛ ɛ phɔwɔ nyini, ne ɛ sɔ ɛn nggbang ngga nituk ɛnduwubɔ. Kyinak ndɔ ne ìnang ne itin mon de, kɛsim i phoo yɛ, naa ne nang ngɛ ɛkɔn ne ito ne igbɔm ne iken.

1 ɛBiturus 4:19

iPhɛ ɛlɛy, ninyi na nɛ nibhɛ ne sɔ nggbang ngga daa ɛli nɛ nibhɛ mɔn ɛkɔn na ne ɛ so icwas ɛTaanggbey da, tɛ nibhɛ ne see ito ne mɔn ɛkɔn ɛyɛnɛng, nibhɛ tek irway nibhɛ ndɔ ne iwɔ ɛTaanggbey yo ne ɛbhɛ kɛ ryɔng nibhɛ, ɛ so sɛɛ kyinak daa ne ibol ɛbhɛ.

1 ɛYohana 1:9

Wu njwɛɛn kɛ ne tɔng ɛTaanggbey yegha ɛfɔt njwɛɛn no, ne ɛ so ɛhaa ne sɛ kyinak daa ne ibol ɛbhɛ, ne ɛ ta so ɛhaa ne itin, aa ne hana njwɛɛn ne ɛfɔt njwɛɛn no ɛ kuus iyɔm ne icik njwɛɛn de gbik.

1 iKɔrɔntos 1:9

ɛTaanggbey ya so ɛhaa ne sɛ kyinak daa ne ibol ɛbhɛ, ɛ kɛ yel-le nyini te ɛ rop ɛn ìtsɛm ne ɛNgɔn ɛbhɛ ɛDaray njwɛɛn ɛYɛso ɛKiriti.

iBirani 11:11

Kaa lenɛ ne ìnang ne itin de, ɛBaraying nga ne yɛk ɛngɔn. Ɛ kaa ne yɛk ɛngɔn na nten de ne ɛ kaa helem, ɛSaratu gha ma soye ɛkuru. Ɛ kaa ne nang ne itin nɛ wu ɛTaanggbey ya so i sɛ say ibol ɛbhɛ ne ɛ kɛ ku rop.

iBirani 10:23

Nɛ njwɛɛn ta kyinak gɛgɛy daa ne sit irwisɛ yɛdaa nggyɛ wo ne njwɛɛn ku bok ko, i ta bol lo, daa ɛli ne ɛTaanggbey ya ne ɛbhɛ kɛ ku sim njwɛɛn nɛwo so sɛ kyinak daa ne ibol ɛbhɛ.

ɛLuka 11:4

Hana njwii ne ɛfɔt mos so, ɛli ne njwi kɛ ma hana ninaa nɛ nibhɛ kɛ mɔn njwii ɛfɔt to. Sɔng ɛ sim njwi ho ndɔ ne itɛrɛk ga nang.’ ”

iBirani 6:18

ɛTaanggbey ya kɛ nang nikɔn ifaa, ibol ne ɛ kɛ rop ne iLɛlɛm ihywa. Sɔng i ne yɛɛ ne hyere nikɔn nɛnaa nggyɛ wo nang, daa ɛli ne sɔng ɛTaanggbey ya i yɛɛ ne hyɛ irywɛɛk nang. iPhɛ ɛlɛy, njwɛɛn no ne kɛ tel bhɛ kyɛngɛy ɛlɔ ɛbhɛ gha, njwɛɛn yaa ne yɛɛ ne kyinak ne ihwet i hyep ibol ɛbhɛ de ne ɛ kɛ ku rop po ne njwɛɛn kɛ sit irwisɛ da.

Nikɔn ne kɛ Phaal 19:11

Ne n yaang irywa wo phere, ɛrɔghɔ sonɛ. I bok ɛsaa yɛ ɛHaa ne sɛ Kyinak ne iBol ɛbhɛ ne ɛHaa ne iTin. Ɛ ne bol ɛshara ɛbhɛ gha ne itsom ɛbhɛ de cik.

ɛLuka 16:26

Kang ne iphɛ ɛlɛy, kɛ ne hobhose njwɛɛn ne ɛgbaang ne izɛn. Sɔng ɛnyi yaa yɛɛ ne le ɛbɛ wo ɛ berey gɔɔ ɛlɔ mon na nang; sɔng ɛnyi yaa ne ma yɛɛ ne le ɛlɔ mon na, ɛ berey ɛlɔ mos sa nang.”

ɛTomɛ 27:44

Tɛ ɛbyin nɛ nɛ nibhɛ doo ne idan de ne wumus ibap ne itson nɛ ɛbyin nikɔn na nɛ nibhɛ kɛɛ so ndɔ ɛgyirigyi inɛn na tɛ nibhɛ roos nibhɛ wuusi ndɔ ɛling nga nibhɛ phɛ ne ivel ncaang.

ɛMacu 6:13

Sɔng ɛ sim njwii ho ne itɛrɛk ga nang, yang kyɛngɛse njwii ndɔ ne ntsɛntsɛng igywebhe ɛShɛtan de.’