1 iKɔrɔntos 1:7 - ɛWee ne ìTsɛm iHywas

⁷ iPhɛ ɛlɛy, sɔng ɛ kɛ ne wɔs ɛn ɛdɛ ɛwɛng ne ikabyik ka ɛli ne ɛ kɛ sit ɛn irwisɛ ɛ hyep ɛn ibhɛ kyii ɛDaray njwɛɛn ɛYɛso ɛKiriti yegha nang.

1 iKɔrɔntos 1:7 ပူးပေါင်းရင်းမြစ်များ

ɛMacu 25:1

“Nten nɛdee nggyɛ wo, igbɔm ɛdaa ne irywa da sɛ ne so te ibol ninɔn nilyilyap ɛnduwubɔ nɛ nibhɛ kaa bo ifitila nibhɛ, nibhɛ phɛɛs ne say ne ɛyiyaa ne yɛl.

ɛLuka 12:36

tɛ ninyi nɛ nibhɛ hyep ɛkyɛɛ ne ijwee nibhɛ ne ɛ yɛk ne idira ne tom ɛyɛl. Yaa ne sɛ ɛ kɛ bhɛ kyii, ɛ kɛ hale ɛnu ne izuk ka, nibhɛ ne shii phaal ɛbhɛ nɛ.

ɛLuka 17:30

ɛLɛy ne iphɛ sɛ ne so ɛtuk ka ne ɛNgɔn ɛNyi gha sɛ tɔɔl le wo.

iRooma 8:19

Gbik nikɔn na ne kɛ ryɔng ngo i has irway nibhɛ hyep ɛli ne ɛTaanggbey ya yaa tɔɔrek ninɔn ɛbhɛ na wɛsɛrɛk ɛzay ya.

iRooma 8:23

Sɔng nikɔn na ne kɛ ryɔng ngo zɔng nibhɛ tum mo nang, gbik ne njwɛɛn ne mang. Njwɛɛn no ne njwɛɛn kɛ ku sɛ iKabyik ɛTaanggbey de ne iphɛ so ɛkɔn ɛyisɛ yɛ ndɔ nikɔn na ne kɛ nang njwɛɛn no, njwɛɛn i tum ndɔ ne irway njwɛɛn, njwɛɛn i has irway i hyep te ɛTaanggbey bo njwɛɛn i teye ninɔn ɛbhɛ, ɛ ta phɔt ibek njwɛɛn nɛdee wo.

1 iKɔrɔntos 4:5

iPhɛ ɛlɛy sɔng ne ɛ hyɛ ɛn ɛshara gha nten nɛ tɔ wo nang, hyep ɛn te ɛDaray ya kyi bhɛ kyii nyɛɛn. Ɛbhɛ sɛ phaal nikɔn na nɛ ninyi na kɛ rɛɛ ndɔ gbyik ka, ɛ ta te i seng icwas ne irway ninyi na. Nten nɛdee nggyɛ wo ɛrɔngɔ sɛ ne ji say idɛp ɛTaanggbey da cɛcɛɛy ne ɛtomɛ ɛbhɛ.

2 iKɔrɔntos 12:13

ɛYa nkiinɛ ne ˆɛ lap ɛn nyini ne ɛbyin ninaa ne roos saa? Yaa yɔng ɛli ne nggaa sang sim ɛ phyik ɛn mɛɛn ne ijam bee? Ne ɛ hana ɛn mɛ ɛn nɛ!

iGalatiya 5:5

Njwit to ne njwi shɛɛ ishwɛɛ ne iKabyik ga, njwi kɛ yɛk ne irway sɛ lenɛ ne ìnang ne itin ndɔ ɛKiriti gha; ɛTaanggbey ya say njwii wu njwi so cik ɛli ne ɛ kaa ku sim-mɛ wo.

iFilibi 3:20

Njwɛɛn ne soye ninaa ne igbɔm ɛdaa ne irywa. Njwɛɛn i ne hyep ɛHaa ne Phɔt njwɛɛn ɛDaray ɛYɛso ɛKiriti yegha ne aa le daa ne irywa wo.

iKɔlɔsi 3:4

Sɛ ne sɛ ɛKiriti gha ne ɛbhɛ ɛ soye iken mon de kɛ tɔɔl le, ˆɛ sɛ ne ma tɔɔl nyini ne ɛbhɛ ndɔ ne ito-ndiinday ɛbhɛ de.

1 iTasɔlɔnika 1:10

ɛ ta i hyep ɛn bhɛ kyii ɛNgɔn ɛTaanggbey da daa ne irywa wo. ɛNgɔn na ne ɛTaanggbey ya kaa yiisik ɛbhɛ ndɔ ne ikpuu da. Kaabi ɛYɛso gha ne ɛbhɛ kɛ phɔt njwɛɛn ɛlɔ ne njenjek ge ne ihywɛ yaaso wo.

2 iTasɔlɔnika 1:7

Nyinɛn no ne ɛɛ sɔ ɛn nggbang ngga ɛlyilyɛghaa ɛ sɛ́ ne phɔng ne nyinɛn gbik ne njwit to ne mang. ɛKɔn nɛghaa wo sɛ ne te ɛtuk ka ne ɛDaray ɛYɛso gha sɛ le daa ne irywa wo ɛ tɔɔl le gbik ne igbaang nimalɛka ɛbhɛ ndɔ ne ilem ne igboo.

2 ɛTimɔti 4:8

ɛLyilyɛghaa wo, kɛ ne tek me ɛkɔn ne ito ne igbɔm ne ihywel cik ne ɛbhɛ ɛ so ilong nge. ɛDaray ya ne soye ɛhaa ne bol ɛshara ne ɛcik ka sɛ nang me ɛkɔn ne ito yɛghaa nggyɛ wo ɛTuk ɛDaray ya. Sɔng nɛ some zɔng nang, gbik nɛ ninyi na nɛ nibhɛ hyep nibhɛ has irway tɛ nibhɛ yaang ɛli ne ɛDaray yaa tɔɔl le wo.

ɛTitus 2:13

Njwɛɛn i shɛɛ ɛlɛ wo i hyep ɛtuk ɛwɛng nga ne njwɛɛn kɛ yɛk ne irway da. Nten de ne ito-ndiinday ɛTaanggbey ne nindiinday ɛHaa ne Phɔt njwɛɛn ɛYɛso ɛKiriti gha sɛ tɔɔl le wo.

iBirani 9:28

ɛLɛy ne iphɛ ne ma so, kɛ ne nang ɛKiriti yegha ɛdaan zɔng te ɛ bo ɛfɔt ninyi gbom. Ɛ sɛ ne ta bhɛ kyii, ikyii ne ifaa yɛ, sɔng te ɛ ta ba ɛfɔt to nang, ɛ sɛ yang bhɛ kyii te ɛ phɔt ninaa nɛ nibhɛ hyep ɛbhɛ wo.

1 ɛBiturus 1:13

iPhɛ ɛlɛy, ne ɛ ryɔng ɛn irway mon da ɛli ne aa mɔn ɛn ɛtomɛ gha. Tek ɛn itso mon ɛlɔ ɛdaan, te ɛ yɛk ɛn irway daa ne izɛɛng ngge ne sɛ nang nyini wo nten de ne sɛ phaal igbagha ɛzay ɛYɛso ɛKiriti yegha.

1 ɛBiturus 4:13

Yang yɛk ɛn irway ihwala, daa ɛli ne ɛɛ ma sɔ ɛn ihywee ne nggbang ngga ne ɛKiriti gha kaa sɔ wo, te ɛ sɛ ne ma bok ɛn irway ihwala wɛlɛng ɛgak, nten de ne ɛYɛso gha sɛ wuru ndɔ ne ndiinday ɛbhɛ de.

1 ɛBiturus 5:4

Sɛ ne sɛ ɛDaray ya ne ɛbhɛ so ɛndiinday ninaa ne hyep ᐩigyol la kɛ bhɛ kyii nang, sɛ ne tal nyini ne ɛkɔn ne ito ne igbɔm ne ɛ bok ndiinday ɛɛ sang haatel.

2 ɛBiturus 3:12

Shɛɛ ɛn ishwɛɛ ne has irway ɛTuk ɛTaanggbey ya, te ɛ ma yung mɔn te ˆaa yɛk ɛn nɛ ɛtuk kɛ yɛɛs dodooy. ɛTuk ka ne i sɛ yɛk irywa wo ne igboo wo, ɛtuk ka ne zuzuk ko sɛ te nikɔn na ne kɛ ryɔng ndɔ ɛzay ya gbɛlɛt to.

1 ɛYohana 3:2

Nigwaa nge ne nzi sim, njwɛɛn soye ninɔn ɛTaanggbey ɛlyilyɛghaa wo. Sɔng kɛ ne ku tɔɔl njwɛɛn ɛkɔn na ne njwɛɛn sɛ teye nɛ nang, njwɛɛn i yang yɛɛ wu sɛ́ sɛ ɛKiriti gha kɛ tɔɔl le wo njwɛɛn sɛ ne ma te tɛ ɛbhɛ, daa ɛli ne njwɛɛn sɛ yaang ɛbhɛ ɛli ne ɛ so.

ɛYahuza 1:21

Shɛɛ ɛn ndɔ ne seng wu ɛTaanggbey ya i sim nyini, nten de ne ˆɛ hyep ɛn isan iyɔm ɛDaray njwɛɛn ɛYɛso ɛKiriti de ne iphɛ yaa phɛ ne nyini ne iken ne inat de.