1 iKɔrɔntos 1:5 - ɛWee ne ìTsɛm iHywas

⁵ Daa ɛli ne ndɔ ɛKiriti gha ne kɛ nang nyini iryat daa nikɔn na gbik, iryat ne ivol gbik ne ishweng.

1 iKɔrɔntos 1:5 ပူးပေါင်းရင်းမြစ်များ

ɛTomɛ 2:4

iKabyik ɛTaanggbey de ne yɛɛs ndɔ ɛrɔngɔ nɛ hyɔrɔ, nibhɛ ne yaa bol ne ihwak ilwem ɛli ne iKabyik ge kɛ nang ɛrɔngɔ.

iRooma 11:12

Wu ɛfɔt nibhɛ kɛ ne yɛɛs ɛzay ya ne Niwɛng nga, wu itaasek nibhɛ da kɛ ne ta yɛɛs ninaa ne hame nibhɛ so niYahodawa na nɛ Niwɛng nga, Niwɛng ngɛ sɛ ne ji so ɛlii nten de ne kɛ shwaak ɛnu niYahodawa na ne ɛTaanggbey kaa ku yɔngɔ woo?

iRooma 15:14

Nigwaa ɛn, me ne ito nge nzi yɛɛ ɛli ne ɛ kɛ jam ɛn gbom, ɛ bok ɛn ishweng ngga gbik ɛli ne aa yɛɛ ne mɛmɛ ɛn nigwaa mon nɛ.

iRooma 15:4

Gbik nikɔn na ne kɛ haa ndɔ ne ɛWee ne iBol ɛTaanggbey yo kɛ haa te mɛmɛ njwɛɛn nɛ te njwɛɛn sit irwisɛ daa ɛli ne ɛWee ne iBol ɛTaanggbey yo kɛ nang njwɛɛn ɛbɔk, ɛbhɛ ne ta tes njwɛɛn itsɔngɔl gɛgɛy.

1 iKɔrɔntos 12:10

iKabyik ge kɛ ne nang ɛdɛng izɛɛng ne mɔn nikɔn ne kparat, iphɛ ne nang ɛdɛng izɛɛng ne tɔng ibol ɛTaanggbey, iphɛ ne nang ɛdɛng ishweng ne hosop ikpabyik, iphɛ ne nang ɛdɛng izɛɛng ne bol ne ilwem kang-ka-kang, iphɛ ne nang ɛdɛng izɛɛng ne kpɛl ɛkɔn ne kɛ bol ndɔ ne ilwem ba.

1 iKɔrɔntos 12:8

iKabyik ɛTaanggbey de kɛ nang ɛdɛng ivol ne ntsɛntsɛng, iKabyik idaan nɛ ne ma ta nang ɛdɛng ishweng.

1 iKɔrɔntos 13:2

Nzɛ kyi bok izɛɛng ne bol te ɛnɛbi, n da yɛɛ ne seng ɛkɔn na ne ɛ so gying, n da bok ishweng nikɔn na gbik, n da bok ìnang ne itin ne iphɛ bok ihwet ne iphɛ sɛ yɛɛ ne shoom ivarang, wu ne n sang bok ishwim ba, sɔng ne nzo ɛkɔn nang.

1 iKɔrɔntos 13:8

Sɔng ishwim ba bok ɛgak nang. Nzi tɔng nyini izɛɛng ne bol ɛnɛbi de sɛ taal le, ibol ne ilwem ba sɛ birit, ishweng ngga sɛ ne taal le.

1 iKɔrɔntos 14:26

Nigwaa en, ɛkɔn na ne nzi bol lo ɛbhɛ ghaa lɛ, i sɛ ɛ kɛ sɛm ɛn nyini ɛlɔ ne re ntsong ngga, ɛdɛng yaa ne bok iywel, ɛdɛng ne i mɛmɛ ninyi nɛ, ɛdɛng ne tɔɔl ɛkɔn na ne ɛTaanggbey kɛ phaal ɛbhɛ nɛ, ɛdɛng ne bol ne ihak ilem, ɛdɛng ne ji kpɛl ɛkɔn na ne i bol ne ihak ilem be. iPhɛ ne so nggbinggbing te mɔn nikɔn nɛnaa wo gbik ɛli nɛ nibhɛ yaa phyik ninaa ne roos sa.

1 iKɔrɔntos 8:11

ɛLɛy ne ishweng mo da yaa ne ji kyi te ɛdɛ ɛgwaa mon na ne ɛKiriti gha kɛ ku ɛlɔ ɛbhɛ gha ɛ ho.

2 iKɔrɔntos 4:6

ɛTaanggbey ya ne ɛ kaa yɔngɔ, “Te iwɛwɛy tol ndɔ gbyik,” ɛbhɛ kɛ ne te iwɛwɛy de i tol ndɔ ne irway mos da te ne i tol ninyi na, nibhɛ seng ito-ndiinday ɛTaanggbey de ɛyisɛ ɛKiriti gha.

2 iKɔrɔntos 6:10

njwi bok irway ishwii, gbik ne iphɛ ɛlɛy, njwi ne so ne irway ihwala cɛcɛɛy. Njwi so nihala, gbik ne iphɛ ɛlɛy njwi kɛ ne tes ninyi gbom nibhɛ kɛ yɛk iryat. Sɔng njwi bok ɛkɔn nang, gbik iphɛ ɛlɛy nikɔn na gbik ne soye ninaa mos.

2 iKɔrɔntos 8:7

Ɛ ku so ɛn ninaa ɛyisɛ yɛ ndɔ nikɔn na gbik, ndɔ ne ìnang ne itin nɛ, ndɔ ne ivol, ndɔ ne ishweng, ndɔ ne irway ne phyik, gbik ne ishwim ne ɛ tɔɔsel ɛn njwii. iPhɛ ɛlɛy, njwii ne sim te ɛ sɛ ta so ɛn ninaa ɛyisɛ yɛ ndɔ ne izɛɛng ne ìnang ngɛdee wo.

2 iKɔrɔntos 9:11

ɛTaanggbey ya yaa ku i naas nyini te ˆɛ maa naas ɛn ne irway ihwala, tɛ ninyi na gbom ne i tɔɔsel ɛTaanggbey yegha irway ihwala lenɛ ne ìnang mon da nɛ nibhɛ kɛ say yo ɛlɔ mos sa.

iFisus 1:17

Nzi bo wu te ɛTaanggbey ɛDaray njwɛɛn ɛYɛso ɛKiriti gha, ɛTaa ne ito-ndiinday ya nang nyini iKabyik ne ntsɛntsɛng, ɛ ta phaal nyini ito ɛbhɛ te ˆɛ seng ɛn ɛbhɛ yɛnɛng.

iFisus 2:7

ɛTaanggbey ya kɛ ne mɔn ɛlɛ wo te ɛ sɛ ne tɔɔrek izɛɛng walala ɛbhɛ de ne i sang ten ne ɛkɔn na ɛzay ya ne ɛ yaaso wo. iZɛɛng ɛbhɛ yɛdee wo ne ɛ kɛ tɔɔrek njwɛɛn ndɔ ɛYɛso ɛKiriti gha.

iFisus 3:8

Gbik ɛli ne mee nggɛ taasek n shɛs ndɔ ninyi ɛTaanggbey ya, ɛTaanggbey ya kɛ ne nang me izɛɛng ne sanga iBol iYɛnɛng ngɛdee wo ndɔ ninaa nɛ nibhɛ sang so niYahodawa na, ibol ɛwɛng ne ɛ sang ɛgak ne i sɛ lenɛ ne ɛYɛso ɛKiriti.

iFisus 6:19

Ne ˆɛ ma bol ɛn ne ɛTaanggbey ya daa mee te ɛ nang me ibol de ne naa bol wɛlɛng ɛnik, te n tɔng ninyi na ɛduk ne iBol iYɛnɛng nga ne iphɛ so gying ngo.

iFilibi 1:9

Nzi ne bol ne ɛTaanggbey ya nzi bo te ishwim mon da hantey yɛ gbogbom, te ɛ hɔn ɛn ndɔ ne ishweng ɛTaanggbey, ˆɛ yɛɛ ne seng ɛbyin nikɔn na gbik.

iKɔlɔsi 2:3

Ndɔ ɛbhɛ ne kɛ rɛɛ ne iyɛnɛng ne ntsɛntsɛng ge ne ishweng ga gbik.

iKɔlɔsi 3:10

ˆƐ kɛ bo ɛn ishwɛɛ ifas. iShwɛɛ yɛdaa wo ne ɛTaanggbey ya ne ɛbhɛ kɛ ryɔng ngo i ne hanas ne tes ifɛ ifas ndɔ mon no ne ˆɛ so ɛn izazurum ɛbhɛ de te ˆɛ hɔn ɛn ndɔ ne seng ɛbhɛ.

ɛYakub 3:13

ɛHay ɛbhɛ bok ntsɛntsɛng gbik ne ishweng ndɔ mon noo? Te ne ɛ tɔɔrek iphɛ daa ne ishwɛɛ iywɛnɛng gbik nɛ nitomɛ niyɛnɛng ne ɛ mɔn ne irway ilyaak ne i sɛ lenɛ ne ntsɛntsɛng ngge.

2 ɛBiturus 3:18

Yang raras ɛn ndɔ ne izɛɛng gbik ne ishweng ɛDaray njwɛɛn ɛYɛso ɛKiriti, ɛhaa ne phɔt njwɛɛn. Te ne nang ɛbhɛ ne ndiinday ne inat! Ɛɛy.