1 iKɔrɔntos 1:27 - ɛWee ne ìTsɛm iHywas

²⁷ ɛTaanggbey ya kɛ kasa nikɔn niwamang ɛzay ya te ɛ bak ninaa ne ntsɛntsɛng nga ncwa; ɛTaanggbey ya kɛ ne ta kasa nikɔn nikyɔkyɔt ɛzay ya te ɛ bak ninaa ne ihwet ta ncwa.

1 iKɔrɔntos 1:27 ပူးပေါင်းရင်းမြစ်များ

ɛYakub 2:5

Phok ɛn nigwaa nge ne nzi sim, ɛDaray ya kɛ sang kasa nihala ɛzay yɛnaa wo tɛ nibhɛ teye ninaa ne iryat ndɔ ne ìnang ne itin ne i? Nibhɛ bhɛ sang soye ninaa nɛ nibhɛ sɛ re isha ne igbɔm ba ne ɛ kɛ ku sim-mɛ daa ninaa nɛ nibhɛ i sim ɛbhɛ woo?

ɛMacu 11:25

Nten nɛ de nggyɛ wo, ɛYɛso gha kaa boote ɛ yɔngɔ, “ɛTaa, ɛDaray ɛdaa ne irywa ne ɛzay gbik, n bok irway ihwala ne igyɛ, daa ɛli ne ɛ kɛ rɛɛ ninaa ne ntsɛntsɛng nga, nɛ ninaa ishweng nga ibol mo de, ɛ ji tɔɔrek ninɔn mo iphɛ.

1 iKɔrɔntos 1:20

Ninaa ne ntsɛntsɛng nga so ɛbi? Ninaa ne kpɛl iMɛmɛ ɛMuusaa ba ne so ɛbii? Ninaa nɛ nibhɛ wɛɛ te nibhɛ yɛɛ nikɔn na gbik ko ne so ɛbii? ɛTaanggbey ya kɛ ku tɔɔrek wu ntsɛntsɛng ɛzay yɛdaa wo so iwamang.

ɛLuka 21:15

Nzɛ nang nyini ivol ne ntsɛntsɛng ɛli ne hame ɛdɛ ɛhaa ne iphup mon na sɛ yee ne hyere ibol mon de, ɛ ta re ishamas ne nyinɛn.

2 iKɔrɔntos 4:7

Gbik ne iphɛ ɛlɛy, njwit to ne njwi bok iryat ne iKabyik kɛdee wo njwi ne so te iron ne itsom zɔng. Njwi kɛ te ɛlɛ wo te njwi tɔɔrek wu ɛTaanggbey ya ɛbhɛ bok ndiinday gbik, sɔng njwit nang.

ɛMacu 21:16

Nibhɛ ne yaak ɛYɛso yegha, “Ɛ phok ɛkɔn na nɛ ninɔn nɛnaa wo ibol lee?” ɛYɛso gha ne kyii nɛ ɛ yaak nibhɛ, “Ɛɛy, ɛ kɛ ku shɛɛ tang tɔng ɛn ɛWee ne iBol ɛTaanggbey ne ɛbhɛ bo, ‘Ɛ kɛ mɛmɛ ninɔn nishɛrɛng ngɛ, nɛ ninɔn nishesheng, tɛ nibhɛ dɛp pɛ wo naa?’ ”

2 iKɔrɔntos 10:10

ɛByin ninyi na bo; “iWee ɛBulus da so nzaratat, ivol lɛ ne ta bok ihwet. I ne sɛ ɛ so ɛlɔ njwɛɛn na, ne ɛ so lyaak, ivol ɛbhɛ da ne so hywɛɛ.”

ɛMacu 9:9

Kɛ ne sɛ ɛYɛso gha kɛ bo nikɔn ɛnggyɛ wo, ne ɛ yaang ɛdɛ ɛhaa ne saasel ijam ne ivel la ne i bok ɛbhɛ ɛMacu ɛ so ɛnu ɛtomɛ ɛbhɛ. ɛYɛso gha ne yaak ɛbhɛ, “Roos me.” ɛMacu gha ne yilitsik ɛ roos ɛYɛso yegha.

ɛTomɛ 17:18

Nidɛng nikyɛɛ ne icwam ne kaa i bok nibhɛ niBikuriya nɛ niSitɔkya kaa ne i re ishamas ne ɛBulus sa. Nidɛng ne yɔngɔ, “iKyee ne ɛnyi ne irwɛrɛ yɛghaa wo i sim aa bol le?” Nidɛng ne ji yɔngɔ, “Njwii wɛɛ te ɛ bol ibol nidɛng nitaanggbey de ne hame nibhɛ so ɛbɛ wo.” Nibhɛ kaa bol ɛlɛ wo daa ɛli ne ɛBulus sa kɛ tɔng nibhɛ ibol ɛYɛso ne idee ne yiisik tsik ne ikpuu.

ɛTomɛ 7:54

Kɛ ne sɛ nibhɛ kɛ phok ɛlɛ wo, nibhɛ ne te njenjek gbom nibhɛ yaa tɛnɛ ikɛn.

ɛTomɛ 7:35

“ɛMuusaa yɛghaa wo, ɛbhɛ so ɛMuusaa ɛdaan nɛ nɛ niSɛrɛla na kaa mbaray ɛbhɛ, nibhɛ bok ɛbhɛ, ‘Ɛhay ɛbhɛ kɛ yɛk kɛ nɛ ɛ teyɛ ɛgɔm mos sa, ne ɛhaa ne bol njwi ɛshara ghaa?’ ɛMuusaa ɛdaan nɛghaa wo ne ɛTaanggbey ya kɛ ne tom ɛbhɛ te ɛbhɛ teye ɛndiinday nibhɛ, ne ɛhaa ne aa bhɛ tul nibhɛ lenɛ ne ɛmalɛka ɛTaanggbey ya ne kɛ bhɛ wuru ɛbhɛ ndɔ ne ilem ne igboo wo ne ifɛ re ihon no.

1 iKɔrɔntos 1:21

ɛTaanggbey ya ndɔ ne ntsɛntsɛng ɛbhɛ de ɛ kɛ ring ninyi ɛzay ya ne seng ɛbhɛ lenɛ ne ntsɛntsɛng nibhɛ. ɛTaanggbey ya kɛ yang mɔn ɛtomɛ ne ibol de nɛ ninyi na i bok iphɛ, “iBol iwamang ngge,” ne njwii sanga wo, ɛ phɔt ninaa nɛ nibhɛ kɛ nang ne itin nɛ ne iphɛ.

1 iKɔrɔntos 2:12

Sɔng kɛ ne nang njwɛɛn ikabyik ɛzay yɛdee bɛ nang. Kɛ nang njwɛɛn iKabyik ne iphɛ le ɛlɔ ɛTaanggbey, te njwɛɛn seng nikɔn na ne ɛTaanggbey ya kɛ nang njwɛɛn ne irway itɔrɔk.