1 iKɔrɔntos 1:26 - ɛWee ne ìTsɛm iHywas

²⁶ Nigwaa en, taate ɛn nɛ ɛli ne ɛ kaa so ɛn nten de ne ɛTaanggbey ya kaa yel-le nyini wo. Ncɛt tɛ ndɔ mon no zɔng nibhɛ kaa bok ntsɛntsɛng ɛli ne ɛzay ya kɛ bo ntsɛntsɛng ngge, ncɛt tɛ zɔng nibhɛ kaa bok iryat ɛli ne ɛzay ya kɛ bo iryat de, ncɛt tɛ zɔng nibhɛ kaa ne ta so ninɔn ne igbaang ninyi.

1 iKɔrɔntos 1:26 ပူးပေါင်းရင်းမြစ်များ

ɛYakub 2:5

Phok ɛn nigwaa nge ne nzi sim, ɛDaray ya kɛ sang kasa nihala ɛzay yɛnaa wo tɛ nibhɛ teye ninaa ne iryat ndɔ ne ìnang ne itin ne i? Nibhɛ bhɛ sang soye ninaa nɛ nibhɛ sɛ re isha ne igbɔm ba ne ɛ kɛ ku sim-mɛ daa ninaa nɛ nibhɛ i sim ɛbhɛ woo?

1 iKɔrɔntos 2:8

Sɔng ɛdɛ ɛgɔm ɛzay yɛghaa wo kɛ ne ku seng ntsɛntsɛng ngɛdee wo nang, daa ɛli ne sɛ yɔng nibhɛ kɛ seng ngo, sɔng nibhɛ saa ne gangat ɛDaray ne ito-ndiinday yegha nang.

1 iKɔrɔntos 1:20

Ninaa ne ntsɛntsɛng nga so ɛbi? Ninaa ne kpɛl iMɛmɛ ɛMuusaa ba ne so ɛbii? Ninaa nɛ nibhɛ wɛɛ te nibhɛ yɛɛ nikɔn na gbik ko ne so ɛbii? ɛTaanggbey ya kɛ ku tɔɔrek wu ntsɛntsɛng ɛzay yɛdaa wo so iwamang.

ɛLuka 10:21

Nten nɛdee nggyɛ wo nang, iKabyik ɛTaanggbey de kaa ne yɛk ɛYɛso irway ihwala hyɔrɔ. Ne ɛ ji yɔngɔ, “ɛTaa, ɛDaray ɛdaa ne irywa ne ɛzay gbik. N bok irway ihwala ne igyɛ, daa ɛli ne ɛ kɛ rɛɛ ninaa ne ntsɛntsɛng nga nɛ ninaa ne ishweng ngga ibol mo de, ɛ ji tɔɔrek ninaa ne sang yɛ iphɛ. Ɛɛy, ɛTaa ɛlɛy ne ɛ kaa ku i sim iphɛ sɛɛ te.”

ɛLuka 1:3

iPhɛ ɛlɛy igyɛ ne ndiinday ɛTiyɔfɔlɔs, nggɛ ne phɛl ibol lɛ hywɛɛ, lenɛ nɛ ne ɛtum mɛ. Nzi ne yaang iphɛ kɛ ma jam mɛ te n tɔng ngɛ iphɛ ɛli nɛ nikabhak kɛ so.

1 iKɔrɔntos 2:13

iPhɛ ɛlɛy, sɔng njwii ne bol ivol da ne ntsɛntsɛng ne ɛten ɛsii i mɛmɛ nɛ nang, njwii yang bol ivol ne iKabyik i mɛmɛ nɛ nten de ne njwii kpɛl nikɔn ne iKabyik ka ɛlɔ ninaa nɛ nibhɛ so ninaa ne iKabyik ka.

2 ɛYohana 1:1

ɛWee yɛwoo le ɛlɔ ɛndiinday ɛYohana, ɛbhɛ phɛɛs ɛlɔ ɛgyinɛ ne ijwee ne ɛTaanggbey kɛ kasa gbik nɛ ninɔn ɛbhɛ ninaa ne nzi sim gbom. Sɔng mee zɔng nzi sim nibhɛ wo nang, gbik nɛ ninyi na nɛ nibhɛ ma yɛɛ itin ne bol ɛTaanggbey de.

iFilibi 4:22

Gbik ninyi ɛTaanggbey ya i kyiisi nyini, yang ji so ninaa nɛ nibhɛ so ne ijwee ɛgɔm ɛKɛɛsat ta.

ɛTomɛ 17:34

Gbik ne iphɛ ɛlɛy, nidɛng ninyi na ncɛt ne nang ne itin nɛ ne bol ɛBulus de. Ndɔ nibhɛ wo, ɛDiyɔniyus ne ɛ kaa soye ɛdɛ ndiinday ne itɔrɔng ne iGol-ɛRes de kaa sonɛ, ɛdɛ ɛkuk ka ne kaa i bok ɛbhɛ ɛDimaris ne ma sonɛ, nidɛng ninyi na gbom ne ma sonɛ.

ɛTomɛ 13:12

Ne sɛ ɛgɔm-na gha kɛ yaang ɛlɛ wo, ne ɛ wum me zii daa ɛkɔn na ne ibol iDaray de kɛ mɛmɛ nɛ wo, ne ɛ nang ne itin nɛ.

ɛTomɛ 13:7

ɛNɛbi ne irywɛɛk kɛgha nggyɛ wo kaa ne so ɛtaay ɛSajus ɛBulus ne ɛ soye ɛgɔm-na ne iKuburus sa. ɛGɔm-na yɛghaa nggyɛ wo kaa ne ntsɛntsɛng, ne ɛ yel-le ɛBanabas segha ne ɛShawulu gha ɛ sim te ɛ sɛɛ phok ibol ɛTaanggbey de.

iRooma 11:29

Sɔng ɛTaanggbey ya i sunu irway ɛbhɛ daa ɛnyi gha ne ɛ kɛ ku kasa ɛ yel-le ɛ sit ɛbhɛ ne ɛwɛng nga nang.