1 iKɔrɔntos 1:20 - ɛWee ne ìTsɛm iHywas

²⁰ Ninaa ne ntsɛntsɛng nga so ɛbi? Ninaa ne kpɛl iMɛmɛ ɛMuusaa ba ne so ɛbii? Ninaa nɛ nibhɛ wɛɛ te nibhɛ yɛɛ nikɔn na gbik ko ne so ɛbii? ɛTaanggbey ya kɛ ku tɔɔrek wu ntsɛntsɛng ɛzay yɛdaa wo so iwamang.

1 iKɔrɔntos 1:20 ပူးပေါင်းရင်းမြစ်များ

ɛMacu 13:22

iHywee de ne ihywɛ kɛ ne ho ndɔ ne itsutsɔ da ne so te ninyi na ne i sɛ nibhɛ kɛ phok ibol ɛTaanggbey de nang, icwas nikɔn ɛzay, ne tɔk iryat ne cwaal nibhɛ, iphɛ ring ibol de ne hɔn ndɔ ne irway nibhɛ da, sɔng iphɛ ne tang yɛk ɛkɔn nang.

ɛYohana 12:31

ɛLyilyɛghaa wo ne yaa bol ɛzay ya ɛshara gha; ɛlyilyɛghaa ne yaa ji roos ɛgɔm ɛzay yɛghaa wo ne igbom ɛbhɛ da.

ɛTomɛ 17:18

Nidɛng nikyɛɛ ne icwam ne kaa i bok nibhɛ niBikuriya nɛ niSitɔkya kaa ne i re ishamas ne ɛBulus sa. Nidɛng ne yɔngɔ, “iKyee ne ɛnyi ne irwɛrɛ yɛghaa wo i sim aa bol le?” Nidɛng ne ji yɔngɔ, “Njwii wɛɛ te ɛ bol ibol nidɛng nitaanggbey de ne hame nibhɛ so ɛbɛ wo.” Nibhɛ kaa bol ɛlɛ wo daa ɛli ne ɛBulus sa kɛ tɔng nibhɛ ibol ɛYɛso ne idee ne yiisik tsik ne ikpuu.

iRooma 1:20

Sɔng ɛTaanggbey ya, ɛli ne ɛ so wo, gbik ne igbom ne ihwet ne inat ɛbhɛ de so ɛli ne i yaang ne irwisɛ nang. Kɛ ne lenɛ ne nten de ne kɛ ryɔng ɛzay ya kɛ ne seng iTaanggbey ɛbhɛ de ndɔ nikɔn ɛzay ya wɛsɛrɛk, ninyi na ne yaang. iPhɛ ɛlɛy sɔng nibhɛ ne ta bok ɛkɔn nɛ nibhɛ yaa ta yɔngɔ nang.

iRooma 1:22

Gbik ɛli nɛ nibhɛ wɛɛ tɛ nibhɛ bok ntsɛntsɛng ngge, nibhɛ ne kyi so niwamang.

1 iKɔrɔntos 1:19

Kɛ ku haa ndɔ ne ɛWee ne iBol ɛTaanggbey yo i bo: “Naa bunga ntsɛntsɛng ninyi de, nɛ nibhɛ wɛɛ te nibhɛ bok ntsɛntsɛng ngge. Naa ne ta bees ishweng ninyi na nɛ nibhɛ wɛɛ te nibhɛ bok ishweng ngga nibhɛ te buruburu.”

1 iKɔrɔntos 1:26

Nigwaa en, taate ɛn nɛ ɛli ne ɛ kaa so ɛn nten de ne ɛTaanggbey ya kaa yel-le nyini wo. Ncɛt tɛ ndɔ mon no zɔng nibhɛ kaa bok ntsɛntsɛng ɛli ne ɛzay ya kɛ bo ntsɛntsɛng ngge, ncɛt tɛ zɔng nibhɛ kaa bok iryat ɛli ne ɛzay ya kɛ bo iryat de, ncɛt tɛ zɔng nibhɛ kaa ne ta so ninɔn ne igbaang ninyi.

1 iKɔrɔntos 1:27

ɛTaanggbey ya kɛ kasa nikɔn niwamang ɛzay ya te ɛ bak ninaa ne ntsɛntsɛng nga ncwa; ɛTaanggbey ya kɛ ne ta kasa nikɔn nikyɔkyɔt ɛzay ya te ɛ bak ninaa ne ihwet ta ncwa.

1 iKɔrɔntos 1:28

ɛTaanggbey ya kɛ kasa nikɔn na nɛ nibhɛ kɛ taasek, nɛ nikɔn na ne kɛ bɛɛs, nɛ ninaa ne hame nibhɛ so ɛnu ɛkɔn ndɔ ɛzay ya te ɛ sɛ ɛ bunga nɛ nikɔn na nɛ ninaa ɛzay ya i wɛɛ tɛ nibhɛ bhɛ kɛ jam nibhɛ shɛs.

1 iKɔrɔntos 11:32

ɛDaray ya ɛbhɛ ɛ ne bol njwɛɛn ɛshara gha, ɛ gbaat njwɛɛn ɛlɔ ne sɛ yung byinki njwɛɛn ne ɛzay ya hyɛ njwɛɛn ɛshara gha.

1 iKɔrɔntos 2:6

Gbik ne iphɛ ɛlɛy, njwii ne bol nɛ ninyi na nɛ nibhɛ kɛ hɔn ndɔ ne ìnang ne itin nibhɛ ivol ne ntsɛntsɛng ngga. Sɔng ne so ntsɛntsɛng ɛzay yɛdee nang, sɔng ne so izee nigɔm ɛzay yɛdee ne iphɛ sɛ taal le nang.

1 iKɔrɔntos 2:8

Sɔng ɛdɛ ɛgɔm ɛzay yɛghaa wo kɛ ne ku seng ntsɛntsɛng ngɛdee wo nang, daa ɛli ne sɛ yɔng nibhɛ kɛ seng ngo, sɔng nibhɛ saa ne gangat ɛDaray ne ito-ndiinday yegha nang.

1 iKɔrɔntos 3:18

Sɔng ɛluk ɛn ito mon de nang. Wu ɛdɛ mon i wɛɛ te ɛ bok ntsɛntsɛng ɛli ne ɛzay ya kɛ bo ntsɛntsɛng ngge, te ne ɛ yang kyi teye ɛwamang, aa ne ji teye ɛhaa ne ntsɛntsɛng ne itin na.

1 iKɔrɔntos 3:19

Daa ɛli ne ntsɛntsɛng ɛzay yɛdee wo soye iwamang ɛlɔ ɛTaanggbey ya, ɛli ne kɛ ku haa ndɔ ne ɛWee ne iBol ɛTaanggbey yo i bo: “ɛTaanggbey ya i wumus ninaa ne ntsɛntsɛng nga ndɔ ne nggyuk nibhɛ de.”

1 iKɔrɔntos 6:2

Ɛ doo ɛn tɛ ninyi ɛTaanggbey ya bhɛ sɛ bol ɛzay ya ɛshara gha naa? Wu nyinɛn no ɛ sɛ ne bol ɛn ɛzay ya ɛshara gha, ibol ncɛt de iphɛ aa ne ji bɛ nyini woo?

ɛYakub 4:4

Nyinɛn no ne ˆɛ kɛ sang kyinak ɛn daa ibol de ne ɛ kɛ sim ɛn ɛTaanggbey yegha nɛ wo! ˆƐ doo ɛn ɛli ne isaa de ne ɛzay ya soye iphup be ne ɛTaanggbey ya naa? Gbik ɛnyi gha ne ɛ kɛ kasa aa wum isaa de ne ɛzay ya, ɛ kɛ ne teye ɛhaa ne iphup ɛTaanggbey ya.