1 iKɔrɔntos 1:2 - ɛWee ne ìTsɛm iHywas

² Ɛbhɛ phɛɛs ɛlɔ ninaa ne roos ɛgarang iKɔrɔntos, ne ɛlɔ ninyi ne kɛ tek ɛTaanggbey ye nɛ ndɔ ɛYɛso ɛKiriti. Ne ɛlɔ ninyi ne kɛ yel-le nibhɛ tɛ nibhɛ teye ninaa ɛTaanggbey gbik nɛ ninyi nilɔ na kang-ka-kang nɛ nibhɛ yeres daa ne irywɛɛk ɛDaray ɛYɛso ɛKiriti ne ɛ so ɛDaray nibhɛ gha gbik ne ɛhaa njwɛɛn na.

1 iKɔrɔntos 1:2 ပူးပေါင်းရင်းမြစ်များ

ɛTomɛ 10:36

Ɛ yɛɛ ɛn ibol de ne ɛ kaa tom niSɛrɛla na nɛ wo, iphɛ phɛ so ibol iyɛnɛng ne irway ne laal da ne ɛYɛso ɛKiriti gha kaa yɛɛs nɛ wo. ɛYɛso ɛKiriti gha ɛbhɛ ne ɛ so ɛDaray ninyi na gbik.

ɛTomɛ 15:9

Sɔng ɛTaanggbey ya kaa tɔɔrek wu njwɛɛn lap bhe nibhɛ nibhɛ wo nang daa ɛli ne ɛ kuus irway nibhɛ da ifɛ te wɛwɛy lenɛ ne ìnang ne itin nibhɛ.

ɛTomɛ 18:1

ɛTsim mɛ ɛlɛy ɛBulus sa ne tek iTina de ɛ phɛ ne iKɔrɔntos.

ɛTomɛ 22:16

iKyee ne ɛ tɔɔ hyep bhe? Yilitsik te i yɛk kɛ ne ibatisima de te kuus ɛfɔt mo lenɛ ne yel-le irywɛɛk ɛDaray yo.’

ɛTomɛ 26:18

te ɛbhɛ phaal nibhɛ irwisɛ tɛ nibhɛ tek igbyik ge nibhɛ yɛɛs ne iwɛwɛy, nibhɛ tek igbɔm ɛShɛtan da nibhɛ yɛɛ ne igbɔm ɛTaanggbey. Te ne hana nibhɛ ne ɛfɔt nibhɛ wo nibhɛ sɛ ɛwɛng nga ne sɛ nang gbik ninaa nɛ nibhɛ kɛ te ne iwɛwɛy ya daa ɛli nɛ nibhɛ kɛ nang ne itin nɛ wo.’ ”

ɛTomɛ 9:13

ɛHananiya gha ne kyii nɛ ɛ yɔngɔ, “ɛDaray, ninyi na gbom kɛ ku tɔng me ibol ɛnyi yɛdee nggyɛ wo, ɛli ne ɛ baasek ninyi mo na nggbang ngga ne iYɛrushɛlɛm be.

ɛTomɛ 9:14

iPhɛ dee ɛ kɛ ne yɛɛs ɛbɛ wo daa ne igbɔm nindiinday nibo na wu te ɛ wumus gbik ninyi na nɛ nibhɛ yeres daa ne irywɛɛk mo wo nɛ ɛbɛ wo.”

ɛTomɛ 9:21

Gbik ninyi na nɛ nibhɛ kɛ phok ibol ɛbhɛ de ne wum en zii, nibhɛ ne yaa bol nibhɛ bo, “Sɔng ɛnyi yɛghaa wo ɛbhɛ kaa baasek ninyi na nɛ nibhɛ yeres irywɛɛk kɛwoo wo ne iYɛrushɛlɛm be nggbang ngga nang nge? Sɔng ɛbhɛ ɛ kɛ ne ta yɛɛs ɛbɛ wo te ɛ wumus nibhɛ ɛbhɛ nang nindiinday nibo na ne iYɛrushɛlɛm be nang nge?”

iRooma 1:7

Nyinɛn no ne ɛ so ɛn iRooma de ne ɛTaanggbey ya i sim nyini ɛ kɛ ta yel-le nyini te ɛ shɛɛ ɛn kang, Te izɛɛng ne irway ne laal ɛTaanggbey ne ɛ so ɛkyɛɛ njwɛɛn gbik ne ɛDaray ɛYɛso ɛKiriti shɛɛ ne nyinɛn.

iRooma 10:12

Ɛlɛy, sɔng niYahodawa na ne labhe nɛ ninyi na ne hame nibhɛ soye niYahodawa na nang. ɛDaray ɛdaan nɛghaa wo ɛbhɛ so ɛDaray ninyi na gbik, ɛbhɛ ɛ ne ta sit gbik ɛnyi gha ne ɛ kɛ yel-le ndɔ ne irywɛɛk ɛbhɛ ne ɛwɛng gbom.

iRooma 3:22

iCik kɛdee wo ne iphɛ le ɛlɔ ɛTaanggbey ya, i sɛ iphɛ lenɛ ne kɛ nang ne itin nɛ ne ɛYɛso ɛKiriti. ɛTaanggbey ya i nang gbik ninaa nɛ nibhɛ kɛ nang ne itin nɛ icik kɛdee wo, sɔng ɛ kasa nang,

iRooma 8:28

Njwii yɛɛ ndɔ nikɔn na gbik ɛTaanggbey ya mɔn ninyi na nibhɛ sim ɛbhɛ nikɔn niyɛnɛng, ninyi na ne kɛ yel-le tɛ nibhɛ shwaak nikɔn na nɛ nibhɛ kɛ te i yel-le nibhɛ wo.

1 iKɔrɔntos 1:30

ɛTaanggbey ya ɛbhɛ kɛ te ɛ so ɛn ndɔ ɛYɛso ɛKiriti gha, ɛbhɛ ta te ɛKiriti gha teye ntsɛntsɛng njwɛɛn. Kɛ ne lenɛ ne ɛKiriti gha ɛTaanggbey ya say njwɛɛn wu njwɛɛn so cik ɛnu ɛyisɛ ɛbhɛ, njwɛɛn ta teye ninyi ne wɛwɛy ɛTaanggbey ya, njwɛɛn ta teye ninyi ne kɛ phɔt.

1 iKɔrɔntos 10:32

Sɔng ɛ te ɛn nyini ɛkɔn na nɛ niYahodawa na, nɛ ninyi ne hame nibhɛ soye niYahodawa na gbik ne idira ninaa ne roos ɛTaanggbey yegha yaa yaang nibhɛ mɔn ɛfɔt to nang.

1 iKɔrɔntos 12:27

Gbik mon no ne ɛ sɔ ɛn nyini ibek ɛKiriti, ɛrɔngɔ ne soye ɛdɛ ɛlɔ ne ibek kɛ.

1 iKɔrɔntos 8:6

gbik ne iphɛ ɛlɛy, ɛlɔ njwɛɛn na, ɛTaanggbey ya ne so ɛdaan. Ɛbhɛ ɛ so, ɛTaa gha ne ɛ kɛ ryɔng nikɔn na gbik, ɛhaa ne ishwɛɛ njwɛɛn da lenɛ ne ɛbhɛ, ɛDaray ya ta so ɛdaan, ɛbhɛ ɛ so ɛYɛso ɛKiriti gha ne kɛ lenɛ ne ɛbhɛ i ryɔng nikɔn na gbik, i ta lenɛ ne ɛbhɛ njwɛɛn sonɛ wo.

2 iKɔrɔntos 1:1

ɛWee yɛwoo wo le ɛlɔ ɛBulus ne ɛ so ɛngɔn ne tom ɛYɛso ɛKiriti, lenɛ ne icwas ɛTaanggbey, ne ɛgwaa njwɛɛn ɛTimɔti. Nzi haa idira ninaa ne roos ɛTaanggbey ye nɛ nibhɛ so ne iKɔrɔntos gbik ne ninyi ɛTaanggbey ya nɛ nibhɛ so ne ivel ne iKaya.

2 iKɔrɔntos 4:5

Sɔng njwii tɔng ibol ne ito mos nang, njwii yang tɔng ibol ɛYɛso ɛKiriti de njwii bo wu ɛbhɛ ɛ so ɛDaray, njwit to njwi ne ji so nikpuru mon lenɛ ɛYɛso gha.

iGalatiya 1:2

Nigwaa na gbik ne njwi sonɛ nibhɛ ɛbɛ wo i kyiisi nyini ninaa ne roos ne iGalatiya na.

iFisus 5:26

ɛKiriti gha kɛ mɔn ɛlɛ wo te ɛ tul ɛTaanggbey ye idira ninaa ne roos de kang lenɛ ne ibol ɛbhɛ, ɛtsim mɛ ne ɛ kɛ kuus nibhɛ ne inɛn.

1 iTasɔlɔnika 1:1

ɛWee yɛwoo wo le ɛlɔ ɛBulus, ne ɛSila gbik ne ɛTimɔti ɛbhɛ phɛɛs ɛlɔ idira ninaa ne roos ne iTasɔlɔnika nɛ nibhɛ soye ninaa ɛTaanggbey ne ɛ so ɛTaa, nibhɛ ta soye ninaa ɛDaray ɛYɛso ɛKiriti. Te izɛɛng ne irway ne laal shɛɛ ne nyinɛn.

1 iTasɔlɔnika 4:7

ɛTaanggbey ya kɛ yel-le njwɛɛn te njwɛɛn shɛɛ kang, sɔng i shɛɛ ishwɛɛ ne irwirwik nang.

2 iTasɔlɔnika 1:1

ɛWee yɛwoo wo le ɛlɔ ɛBulus, ne ɛSila gbik ne ɛTimɔti ɛbhɛ phɛɛs ɛlɔ ne idira ninaa ne roos ne iTasɔlɔnika, nɛ nibhɛ soye ninaa ɛTaanggbey ne ɛbhɛ ɛ soye ɛKyɛɛ njwɛɛn gbik ne ɛDaray ɛYɛso ɛKiriti.

1 ɛTimɔti 2:8

Ndɔ ne ijwira ninaa ne roos da, nzi ne sim tɛ niras sa sɛ i bol ne ɛTaanggbey, iphɛ ne so nggbinggbing niras sɛ soye ninaa ne ishwɛɛ nibhɛ kɛ jam ɛTaanggbey yegha. Yaa ne sɛ nibhɛ kɛ tɔɔk ibɔ de nibhɛ yaa bol ne ɛTaanggbey ya, tɛ nibhɛ ne mɔn ɛlɛy wɛlɛng njenjek ne ishamas.

1 ɛTimɔti 3:15

Wu kɛ ne bees me nten, ɛwee yɛwoo wo yaa ne teyɛ ɛ seng ihywee ne ishwɛɛ da ne njwɛɛn yaa shɛɛ ndɔ ne ijwee ɛTaanggbey yo, ne iphɛ so idira ninaa ne roos ɛTaanggbey ne iKen na, ɛkangashi gha gbik ne ɛtum ne itin de.

2 ɛTimɔti 1:9

Ɛbhɛ kɛ phɔt njwii, ɛ ji yel-le njwii te njwi shɛɛ ɛbhɛ kang. Sɔng yel-le yɛdaa wo ne le daa ɛkɔn ne njwi kɛ mɔn nang, iphɛ yang lenɛ ne yɔngɔ ɛbhɛ ne izɛɛng ɛbhɛ ne ɛ bok daa mos. Kaa ne nang njwii izɛɛng ngɛdee wo lenɛ ne ɛYɛso ɛKiriti ne ile ne tang tum ɛzay.

2 ɛTimɔti 2:19

Gbik ne iphɛ ɛlɛy, ibol ɛTaanggbey de kɛ ne ku see ye te ikɛɛ ɛtum ne ijwee gɛgɛy. Kɛ ku baa ne icwɛɛm, i haa ne ibol de ne iphɛ bo, “ɛTaanggbey ya i ku yɛɛ ninaa ɛbhɛ na.” Gbik ne “ɛNyi gha ne ɛ bo wu i soye ɛhaa ɛDaray ya, te ɛ shɛɛ kyakyak ne ɛtomɛ ɛbebhe gha.”

2 ɛTimɔti 2:22

Tel lɛ ihyop igywebhe ne ifas da te ɛ see ito ne roos icik, ne ìnang ne itin, ne ishwim gbik ne irway ne laal. Mɔn ɛlɛ wo nɛ ninaa nibhɛ yeres daa ne irywɛɛk ɛDaray yo ne irway iwɛwɛy.

iBirani 10:10

Daa ɛli ne ɛKiriti gha kɛ mɔn ɛkɔn na ne ɛTaanggbey ya i sim mo, kɛ ne tul njwɛɛn kang lenɛ ne ɛYɛso ɛKiriti gha i nang ibek ɛbhɛ de te hap ne itsanga de ɛdaan na zɔng ngo.

iBirani 13:12

ɛLɛy ne ɛYɛso gha kaa ne ma bhɛ sɔ nggbang ngga ɛtsim ɛgarang nga, te ɛ te ninyi na iwɛwɛy nɛ neyi ɛbhɛ.

iBirani 2:11

ɛYɛso gha ne ɛbhɛ ɛ so ɛhaa ne te ninyi na wɛwɛy, ɛbhɛ wo nɛ ninyi na ne ɛ kɛ te nibhɛ wɛwɛy yo soye ninɔn ɛkyɛɛ ɛdaan. iPhɛ phɛ kɛ te sɔng ɛYɛso gha ne bok ncwa ne yaak nibhɛ nigwaa ne nang.

ɛYahuza 1:1

ɛWee yɛwoo wo le ɛlɔ ɛYahuza ne ɛ so ɛkpuru ɛYɛso ɛKiriti, ɛ ta so ɛgwaa ɛYakub. Ɛbhɛ phɛɛs ɛlɔ ninyi na ne ɛTaanggbey kɛ yel-le, nɛ nibhɛ shɛɛ ndɔ ne ishwim ɛTaanggbey ne ɛ so ɛTaa, ninaa ne ɛYɛso i hyep nibhɛ.

Nikɔn ne kɛ Phaal 19:16

Kɛ haal ne ɛtura ɛbhɛ gbik ne igbap ɛbhɛ irywɛɛk kɛwoo bɛ, “ɛGɔm ngɔm, ɛDaray nidaray.”