1 iKɔrɔntos 1:10 - ɛWee ne ìTsɛm iHywas

¹⁰ Nigwaa en, nzi roro ne nyinɛn ndɔ ne irywɛɛk ɛDaray njwɛɛn ɛYɛso ɛKiriti, nzi bo te ɛnu mon teye ɛdaan nɛ. Sɔng ɛ hosop ɛn nyini wo nang, yang byinki ɛn nyini te icwas mon te ijwaan nɛ, ivol mon ta te ijwaan nɛ.

1 iKɔrɔntos 1:10 ပူးပေါင်းရင်းမြစ်များ

ɛMacu 9:16

“Sɔng ɛnyi gha bo nggyɛt ne ɛtura ɛphas ne ɛbhɛ tɔ tang hɔwɔɔy ɛ baa ne ɛtɛl lo nang, wu ɛ kɛ mɔn ɛlɛ wo yaa ne sɛ nggyɛt da kɛ hɔwɔɔy, ibong ne ɛtura de ne kyii ta hantey yɛ.

ɛMarakus 2:21

ɛYɛso gha ne boote nɛ nibhɛ ɛ yaak nibhɛ, “Sɔng ɛnyi gha bo nggyɛt ne ɛtura ɛphas ne ɛbhɛ tɔ tang hɔwɔɔy ɛ baa ne ɛtɛl lo nang. Wu ɛ kɛ mɔn ɛlɛ wo, yaa ne sɛ nggyɛt da kɛ hɔwɔɔy, ibong ne ɛtura de ne kyii hantey yɛ.

ɛMarakus 3:24

iVel da ne ifɛ bok iphup, sɔng ifɛ yaa ne kyinak kang.

ɛYohana 10:19

iVol lɛbaa wo ne te niYahodawa na nibhɛ ta hosop en ndɔ nibhɛ dɔng.

ɛYohana 17:23

Nzo ndɔ nibhɛ, ne ɛ ma so ndɔ mee. Tɛ nibhɛ ne byinkit gbik te ɛzay ya seng wu igyɛ ɛ kɛ tom me, wu ɛ sim nibhɛ ɛli ne ɛ ma sim me wo.

ɛYohana 7:43

ɛLɛ wo nɛ ninyi na kaa ne hobhos icwas nibhɛ da daa ne ibol ɛYɛso de.

ɛYohana 9:16

Nidɛng niFarisawa na ne yɔngɔ, “ɛNyi gha ne ɛ kɛ mɔn ɛkɔn neghaa wo, sɔng ɛ le daa ɛlɔ ɛTaanggbey yang, daa ɛli ne ɛ mbaray tang shɛɛ ne iWɛsɛ ba.” ɛByin nɛ ne yɔngɔ, “Yaa ne mɔn ɛlii ɛhaa ne ɛfɔt ta yɛɛ ne mɔn nikɔn ne kparat tɛnaa woo?” iPhɛ ɛlɛy nibhɛ ne hobhos en.

ɛTomɛ 4:32

Gbik ninaa ne roos sa kaa ne ku bok irway ijwaan ne icwas ijwaan, sɔng ɛdɛng kaa bok ɛkɔn kang nang. Gbik ɛkɔn na ne ɛrɔngɔ bok ɛ kaa ne so ɛhaa nibhɛ ɛte.

iRooma 1:13

Nigwaa ɛn, nzi sim te ɛ sɛ seng ɛn wu nggɛ bo nten nzi sim te na yɛɛs ɛlɔ mɔn na, kɛ ne ring me nɛ. Nggaa sim te nzɛɛ sɛ nidɛng ndɔ mon no nibhɛ teye ninaa ne roos, te ɛli ne nggɛ sɛ ndɔ ɛbyin ninyi na ne hame nibhɛ soye ninaa ne roos sa.

iRooma 12:1

iPhɛ ɛlɛy nigwaa en, daa ɛli ne ɛTaanggbey ya kɛ san iyɔm mon de gbom mo, nzi ne roro ne nyinɛn gbom: nang ɛn ɛTaanggbey yegha ibek mon gbik, te ɛkɔn ne kɛ hap ɛbhɛ ne itsanga, ɛ so ɛken, kɛ tul kang, ɛ kɛ jam ɛbhɛ. ɛNggyɛ wo ɛbhɛ so re ntsong ne itin da ne aa nang ɛbhɛ wo.

iRooma 12:16

Shɛɛ ɛn ncaang ndɔ mon no. Sɔng ɛ tɔɔsek ɛn ito nang yang sim ɛn ɛ shɛɛ ɛn nɛ ninyi na nɛ nibhɛ soye nitaasek. Sɔng ɛ wɛɛ ɛn te ɛ phyin ɛn ɛbyin ninyi na ne ntsɛntsɛng ge nang.

iRooma 15:30

Nigwaa ɛn, nzi roro nɛ nyinɛn ndɔ ne irywɛɛk ɛDaray njwɛɛn ɛYɛso ɛKiriti ne ishwim ba ne iKabyik ge naas so, phyik ɛn mɛɛn ne bol ne ɛTaanggbey ndɔ ɛtomɛ yɛghaa wo ne nzi kyangas me nɛ wo.

iRooma 16:17

Nigwaa ɛn, nzi bok nyini te ɛ wɛɛ ɛn nyini yɛnɛng ɛlɔ ninyi na nɛ nibhɛ te nyini ɛ hosop ɛn nyini wo, nibhɛ yɛɛset ne imɛmɛ ifas ne ifɛ soye nikɔn kyibhɛ nɛ nibhɛ labhe nɛ nikɔn na ne kɛ ku mɛmɛ nyini nɛ wo. Shɛɛ ɛn kyakyak nɛ nibhɛ!

1 iKɔrɔntos 1:11

Nigwaa en, nidɛng ndɔ ne ijwee ɛKulu kɛ tɔng me nibhɛ bo wu ishisim so ndɔ mon.

1 iKɔrɔntos 11:18

iDee ɛyisɛ yɛ, nzi phok wu i sɛ ˆɛ kɛ sɛm ɛn nyini ndɔ ne idira ninaa ne roos ɛTaanggbey de, ihosop en ne kyii lel, nggɛ ne ma nang ne itin nɛ ne ɛbyin ne ivol lɛ.

1 iKɔrɔntos 12:25

iphɛ ɛlɛy, nilɔ ne ibek ka kɛ ne byinkit nibhɛ teye nidaan nɛ ɛli ne ɛrɔngɔ yaa phyik ɛtaay.

1 iKɔrɔntos 3:3

daa ɛli ne ɛ tɔ shɛɛ ɛn tɛ ninyi nɛ nibhɛ roos icwas ɛten ɛsii nɛ. Wu ɛnkyis sa ne ishisim be tɔ ndɔ mon no, iphɛ kɛ ne tɔɔrek wu ɛ tɔ roos ɛn icwas ɛten ɛsii nɛ, ɛ shɛɛ ɛn ɛli ne ɛzay ya sim.

1 iKɔrɔntos 4:16

iPhɛ ɛlɛy, nzi ne roro ne nyinɛn, mɛmɛ ɛn nɛ ne mee.

2 iKɔrɔntos 10:1

Mee ne ɛBulus so ne ito nge nzi roro ne nyinɛn, mee wo ne i bo wu nzo hywɛɛ wo ne i sɛ nzo nɛ nyinɛn no, ne ji yɔng wu nzo nzaratat to ne i sɛ n sang so ne nyinɛn no. Nzi ne roro ne nyinɛn ndɔ ne irywɛɛk ɛKiriti ne ɛ so ihywɛɛ ɛ ta so lyaak.

2 iKɔrɔntos 13:11

ɛTsim mɛ nigwaa nge, te n tek nyini ncaang. See ɛn ito te ɛ tɔk ɛn ihyɔrɔ, phok ɛn ibol de ne nggɛ roo nyini wu te ɛ roos ɛn no, te icwas mon teye ijwaan nɛ, shɛɛ ɛn ne irway ne laal. ɛLɛ wo ne ɛTaanggbey ya ne ɛbhɛ ɛ so ɛTaanggbey ne ishwim ba ne irway ne laal da yaa shɛɛ ne nyinɛn.

2 iKɔrɔntos 13:9

Njwii bok irway ihwala ne i sɛ njwi so kyɔkyɔt to ɛ ji bok ɛn ihwet da. iPhɛ ɛlɛy njwii bol ne ɛTaanggbey te ɛ te ɛn hyɔrɔ.

2 iKɔrɔntos 5:20

iPhɛ ɛlɛy, njwi ne so ninyi ne ɛKiriti gha kɛ tom; ɛTaanggbey ya ne bol ne nyinɛn lenɛ ne njwit. Njwi roro ne nyinɛn ndɔ ne irywɛɛk ɛKiriti, sim ɛn te ɛTaanggbey ya hyere nyini te ɛ te nyini nitaay ɛbhɛ sɔng ninaa ne iphup ɛbhɛ nang.

2 iKɔrɔntos 6:1

Daa ɛli ne njwi so ninaa ɛtomɛ ɛTaanggbey ya, njwii ne roro ne nyinɛn, sɔng ɛ say ɛn izɛɛng ɛTaanggbey de ihywɛ te buu nang.

iGalatiya 4:12

Nigwaa en, nzi roro ne nyinɛn, te ɛn te mee wo, te ɛli ne nggɛ ma te tɛ nyinɛn no. Sɔng ɛ kaa mɔn ɛn mɛɛn ɛkɔn ɛkpɛɛ nang.

iFilibi 1:27

Gbik ɛkɔn na ne ɛ kɛ te, shɛɛ ɛn ishwɛɛ da ne ifɛ kancɛng ne ibol iyɛnɛng ɛKiriti de. Shɛɛ ɛn ɛlɛ wo, te yaa sɛ nggɛ yɛɛs ne yaang nyini, hang nggɛ ma sang yɛɛs yɔɔ, te ne n phok wu ˆɛ kɛ kyinak ɛn ne ihwet ndɔ ne ikabyik idaan, ˆɛ kɛ byinki ɛn ito mon ˆɛ tabha ɛn ilong ndɔ ɛtomɛ ne ibol iyɛnɛng ngge te ɛnyi ɛdaan lenɛ ne ìnang ne itin mon da ne bol iyɛnɛng ngge.

iFilibi 3:16

ɛGbaang ɛkɔn nɛ so, ɛlɔ gha ne njwɛɛn kɛ bhɛ tuu te re ɛnu ɛyisɛ ne nɛ ɛlɔ yɛ.

1 iTasɔlɔnika 5:13

Nang ɛn nibhɛ ne ndiinday gbom te ˆɛ sim ɛn nibhɛ ɛlɔ ɛtomɛ yɛghaa nggyɛ wo nɛ nibhɛ i mɔn no. Shɛɛ ɛn ncaang ndɔ mon no.

2 iTasɔlɔnika 2:1

Nigwaa en daa ne ibol ne bhɛ kyii ɛDaray njwɛɛn ɛYɛso ɛKiriti de gbik ne ibol ne tumɛ njwɛɛn te bhɛ sɛme ne ɛbhɛ wo, njwii roro ne nyinɛn,

1 ɛTimɔti 5:21

Nzi bol ne igyɛ ɛnu ɛyisɛ ɛTaanggbey ne ɛYɛso ɛKiriti gbik nɛ nimalɛka ne kɛ kasa wu te ˆɛ roos ikpii ne bol lɛdaa wo wɛlɛng sim ito, ne i sim ɛdɛng ɛ phyin ɛdɛng.

2 ɛTimɔti 4:1

Nzi bol ne igyɛ ɛnu ɛyisɛ ɛTaanggbey ne ɛYɛso ɛKiriti ne ɛbhɛ sɛ bol ninaa ne iken nɛ ninaa ne ikpuu ɛshara, daa ɛli ne sɛ ɛbhɛ kyii ɛ re igbɔm ɛbhɛ da.

1 ɛBiturus 2:11

Nigwaa nge ne nzi sim, nzi bok nyini, daa ɛli ɛ so ɛn ninaa ne ikpoo na ndɔ ɛzay ya, ne ɛ hosop ɛn nyini ne roos ihyop ne ibek ge ne iphɛ so ɛfɔt to. iHyop pɛdee nggyɛ wo i ta itsom ne irway mon da.

1 ɛBiturus 5:10

Yaa ne sɛ ɛ kɛ sɔke ɛn ne nggbang ngga ndɔ nten ncɛt nang, ɛTaanggbey ne ɛ so ɛhaa ne izɛɛng nga gbik ko, ne ɛ kɛ yel-le nyini wo te ɛ sɛ ɛn ihop ndɔ ne ndiinday ne inat ɛbhɛ de lenɛ ne ɛYɛso ɛKiriti gha, sɛ ne te nyini niphas sɛ, ɛ lɔl nyini, ɛ te nyini hyɔrɔ, ɛ ji hante nyini ne ihwet. Ɛbhɛ wo ne ito ɛbhɛ ɛ sɛ mɔn ɛlɛy wo.