Matiyu, echî 9:4 - Ejagham New Testament

⁴ Jisos a mə́ŋe nji ábho á kéra, a bhə̂p ábho se, “É yími nan kən o kí fon ên ntʉ́ghi íkíkéré ibhí mfí?

Matiyu, echî 9:4 ပူးပေါင်းရင်းမြစ်များ

Matiyu, echî 12:25

Kən Jisos a mə́ŋe nji é rî ábho ka ḿbə́ŋé, a sə́re ábho se, “Kpe mbə́n otúi eték mbi ó kirí ka ngûm ka ngûm, ḿbâ á noghá na atem, ḿba á noghá na ḿbâ, otúi ábhi ó bhó gyimi. Kpe ndə́p-i-njû nnyə́n nnyi a kirî, á noghá na atem, ndə́p-i-njû ányi a kí chat.

Mak, echî 12:15

É káre kən e kâ káre! Kən Jisos a yên oka nchot ábho a táme ábho ka ebhə̂p se, “Ó gaá ên kpá énê? Kô ên ntí bhák ên, mme ń yén.”

Mak, echî 2:8

Jisos ta a mə́ŋe nji ábho á kéra, a bhə̂p mân ábho se, “Jen é yími kən o kérá ên ka ekpak njí?

Luk, echî 11:17

Jisos ngá a mə́ŋe ejûm nji ábho á fóne ka ḿbə́ŋé. A táme ábho se, “Kpe mbə́n otúi eték mbi ó kirí ka ngûm ka ngûm, ḿbâ á noghá na atem, ḿba á noghá na ḿbâ, otúi ábhi ó kí kət chichi. Kpe ndə́p-i-njû nnyə́n nnyi a kirî, á noghá na atem, ndə́p-i-njû ányi a kí chat.

Luk, echî 5:22

Kən Jisos a mə́ŋe íkíkéré ábho, á bhə̂p ábho se, “Jen nji o kí fon ên ekpak íkíkéré mfí?

Luk, echî 6:8

Kən Jisos a ríŋi íkíkéré ábho, a bhîŋ nne ékpoê-obhô nnyó se, “Duî ngyím, fap bhák ngá mbá-ochî.” Nne nnyó a rúi ngyím a jak.

Luk, echî 7:40

Kən Jisos a bhîŋ yê se, “Simun, ḿ fon ejûm nji n kí səre wâ.” Simun a kâm se, “Ńsé, sə́ré ə̂m.”

Jon, echî 16:19

Jisos a mə́ŋe se á kí wom á bhə́p yê ebhə̂p, a chôt mân se, “Ń səre ên bəre mkpât ebhú ó ro yén ên ə̂m. É kpo kət mkpât ebhú, tîk o yên ên ə̂m. To nâ nji ó chorá ên áno na atem?

Jon, echî 16:30

É məŋe mân mfá-mfá sê ó məŋe chénchén ejûm, echî nji e kí kpo bhəp wâ kpe ejûm cháŋ. Ńji é yim êt é kam sê we o dʉ mbâ Obhasi o bhák.”

Jon, echî 21:17

Ka osúí ntə̂m ésá Jisos a kpô bhə́p Pita se, “Simun, mmon i Jon, ó kot ə̂m a?” Nsae a súi Pita ka ḿbə́ŋé nji Jisos a bhə́bhe yê ebhə̂p njí jə́t ntə̂m ésá. A sə́re Jisos se, “Ntûfâm, we ó məŋe chénchén ejûm, ó məŋe se ń kot wâ.” Jisos a chôt mân se, “Nâ gyeê ane abhámé.

Jon, echî 6:61

Kən Jisos a mə́ŋe se á kí gəm yê, a bhə̂p ábho se, “O kí yam ên ḿbə́ŋé na nchot amé tîk?

Jon, echî 6:64

Kən kpe noŋ o yúghi ên áno, etʉ̂ ên ó bhó ki ên ḿbə́ŋé na mme. Nâ echî é yími kən n sə́re ên bəre kpe nne yót cháŋ nnyo a kə́ bha mbâ amé nji Obhasi á ka kak yê obhô.” Ta ka eróghá-ndə́p, Jisos a mə́ŋe ane mba tîk á bhó ki ḿbə́ŋé na yê, na nne nnyo tîk a gúri yê.

Etûm ágbán~í jisos, echî 5:9

Pita a bhə̂p yê mân se, “Jen kən we na ndûm owa ó kam ên sê ó gáe ên Ntʉgantʉ Obhasi? Yûk, n kí səre wâ bəre ane mba á kə́ne ndûm owa á rî ka nnyo-mbá, á kí kən wâ eróŋ á jî.”

Ndem~i jon, echî 2:23

N kí yui atóbhá abhê. Ka ekpak njí, atóbhá abhámé chénchén ka bichəme ka ngûm ka ngûm, tîk á mə́ŋe mân sê mme a ri yê nnyo á məŋá nji nne á kera ka echî na nji é rî nne ka ḿbə́ŋé. N kí karé fə́ne kpe énê ka ekpak etûm nji nne a yimî.