Matiyu, echî 9:2 - Ejagham New Testament

² Ane etat á kə̂n mbə́né yót ka ekpa, á bhak sê a yim yê a son. Nji Jisos a yéne se ane mbá á ki ḿbə́ŋé na yê, a sə́re mbə́né nnyó se, “Mmon omé, ka fûp, ń di nsôn ń su obhí obhâ.”

Matiyu, echî 9:2 ပူးပေါင်းရင်းမြစ်များ

Matiyu, echî 14:27

Jisos a sə́re mân ábho ntə̂m yə́t se, “Ka fûp ên. Son ên ḿbə́ŋé. A ri mme áno.”

Matiyu, echî 4:24

Esə́re ejê é jábhe ebhát í Siriya ndə́m. Ka obhô mbí, ane á kəna ane-emaŋé ábho á bhak se a yim ábho á sôn. Ane mba ojê ó kára oseŋe, mba á gbôk ichʉk, abhə́né, mba á fóne bimaŋé ka mkpak ka mkpak, Jisos a yîm ábho á sôn.

Matiyu, echî 6:12

Ri nsôn su obhí mbi e yimî noŋ êt fə́ne é rik nsôn e gyiná mbi ane á yíma êt.

Matiyu, echî 8:10

Nji Jisos a yúghi nchot nnyí, biji í mân yê kpe-eji. A sə́re ane mba á tóbha yê se, “Deê ń sə́ré ên bəre ń ka nok oyén nne kpe yót ka eték Isrel ndə́m nnyo a kíi ḿbə́ŋé na Obhasi ka ekpak njí.

Matiyu, echî 8:16

Na egu áji, á kô ane etî-etî mba ojê ó kára oseŋe, á bhak mbâ Jisos. Na eyum í nnyo, Jisos a kí bhim fə́ne ḿbə́ne, a yighá ka biji ane mbá. A yîm fə́ne ane emaŋé chénchén á sôn.

Matiyu, echî 9:22

Nji Jisos a kpíghi a yên nne-nkáé nnyó, a sə́re yê se, “Mmon omé, ka fûp. Ḿbə́ŋé eya nnyi o kíi, a yîm wâ ó son.” Ka ngyím ányi, emaŋé nne-nkáé nnyó é mân.

Matiyu, echî 9:5

Jen nji é rî wát, esə́rə́m nne se, ‘Ń di nsôn ń su obhí obhâ,’ kən nji ń sə́ré yê bəre, ‘Duî ngyím, jen ejen?’

Matiyu, echî 9:6

Kən n kí yim ên ó mə́ŋe sê Mmon-i-ntem-nne a fôn ikom ka nsi nnyí mfi a kí ri nsôn a sû obhí ane.” A sə́re mân mbə́né nnyó se, “Duî ngyím, kə̂n ekpa ejâ, choŋ kʉ́ri.”

Mak, echî 1:32

Na egu áji, ta njúí a tân, á kô ane emaŋé na mba ojê ó kára ábho oseŋe, á bhak mbâ Jisos.

Mak, echî 10:49

Nji Jisos a síi áfo, a gyími. A sə́re ane se, “Bhiŋ ên yê a bhá.” Á jî bhîŋ mân nne nnyó, á sə́re yê sê, “Duî ngyím, son ḿbə́ŋé bhák, a kí bhiŋ wâ.”

Mak, echî 5:34

Jisos a sə́re yê se, “Mmon omé, ḿbə́ŋé eya nnyi o kíi na Obhasi, a yîm wâ o sôn. Deê Obhasi a joé na we, biji í nâ wâ, o kâ kpô maŋé.”

Mak, echî 6:50

ka efup é rî ábho ka ḿbə́ŋé kpe-eji. Kən Jisos a sə́re mân ábho ntə̂m yə́t se, “Ka fûp ên. Son ên ḿbə́ŋé. A ri mme áno.”

Jon, echî 16:33

Ń səra ên áno achot mmá chénchén bəre ó chə̂m ên ə̂m ó fôn ên enare. O kí fon ên oseŋe ka ngun kən fon ên ḿbə́ŋé, ka mme ń ko érûm ka ngun nnyí.”

Jon, echî 2:25

Kpe nne nnyo a kí kpo səre yê kpe ejûm a kpe na nne kpe yót cháŋ, ka yê ḿfoné a mə́ŋe ntit i ḿbə́ŋé ane.

Jon, echî 21:5

Jisos a bhə̂p ábho se, “Abhon abhámé, ó wubhi ên kpe ejûm a?” Á táme sê, “Kpe ejûm.”

Etûm ágbán~í jisos, echî 14:9

Nji nne nnyó a ri áfo a yúghá okpígha-ejûm í Pol, Pol a yên se nne nnyó a kî ḿbə́ŋé na Jisos, kə́n á yîm yê a sôn. Pol a kêp yê ka ochî,

Etûm ágbán~í jisos, echî 19:12

Kpe abhat í ḿfô mma á kə́me yê kən á kô á jî kə́me ane bimaŋé, á sôn. Mba ojê ó kára ábho oseŋe, ojê mbí ó kí maghé ábho.

Etûm ágbán~í jisos, echî 23:11

Atʉ́ á kpó nyak, Ntâ Jisos a bhâ gyími ka mkpe biji Pol a sə́re yê se, “Fon ḿbə́ŋé, ka eji ó gyimi ntî-isê omé ka Jerusarem, o ri ó gyímí fə́ne ka Rom.”

Ane rom, echî 5:11

É ká man njí, é fon fə́ne ogyebhá-ḿbə́ŋé na Obhasi ka obhô Ntûfâm owəré Jisos Krayis, nnyo a yîm êt mfá-mfá é kət ka ekone na Obhasi.

Jems, echî 2:18

Etʉ̂ ane tîk á tô sê, “Ane etat á rî á kamá na Obhasi, mba tat á yimá ntûm i nno.” Táme ên ntʉ́ghi ane mbá sê, “O kí yim ên nan ó sə́ré ên sê ó kam ên na Obhasi nji ó bhó yim ên ntûm i nno. N kí toŋe mân bəre ń kam ka ntûm i nno amé.”