Matiyu, echî 7:7 - Ejagham New Testament

⁷ “Bhə̂p, tîk o fôn. Nôt, tîk o tî. Sûm itə̂m, tîk á rə́bhe wâ.

Matiyu, echî 7:7 ပူးပေါင်းရင်းမြစ်များ

Matiyu, echî 18:19

“Deê ń sə́ré ên m kpê bəre kpe bhaghé ebhú nji ane ábháe mba á tóbha Obhasi á kumí ka eji á kâm sê á góre Obhasi a yim ejûm a karé ábho, Ńsé omé ka ósô a kí yim ńjə́ne a karé ábho.

Matiyu, echî 21:22

Ájoé ó ki ḿbə́ŋé na Obhasi, kpe bhaghé ejûm nji ó goré se yê a karé wâ, o kí fon ńjə́ne.”

Matiyu, echî 6:33

Nâ deê ó nót ên kpá otúi obhê na ekpin ka nnyen-i-mbá, tîk yê a káre ên chénchén iyîm mbí.

Matiyu, echî 7:11

Ájoé ên, ka ane abhí, ó riŋi ên ekpak o kí karé ên iyîm ino mbâ abhon abhə́né, ó kere ên mân sê Ńsé owəné nnyo a ri ka ósô á bhó karé onono mbi ó chíŋi obhô mbâ ane mba á bhə́bhe yê a?

Matiyu, echî 7:8

Ka kpe énê nnyo á bhəp, á kí karé yê; á not, a kí ti; á sum fə́ne itə̂m, á kí rəbhé yê.

Mak, echî 11:24

Ka echî nji aŋ, n kí səre ên bəre ebhú o kí goré Obhasi se a nyáŋé ên kpe ka ejûm, kî ên ḿbə́ŋé se ta ó fon ejûm áji, Obhasi a kí karé ên kpe jen nji o bhə́bhe ên áno.

Luk, echî 13:25

Mfone tîk a rúi ngyím a bhâm itə̂m ifê. Ebhú ó gyimi mân ka éré o súmá, sê, ‘Ńsé, rəbhê êt njû,’ a kí tame ên se, ‘Ń ka məŋé mbá nnyi ên o dʉ.’

Luk, echî 18:1

Jisos a tûp mân egan a tóŋé ábho se deê nne a kâ yíghi ḿbə́ŋé, nne a kə́t a gorá Obhasi chénchén ebhú.

Jon, echî 15:16

Ên asík o sáŋe ə̂m, mme nâ n sáŋe ên n tûm bəre ó jí yîm ên etûm ejámé. Etûm nji o kí yim ên, é bhó bhip ka ótúm-ótúm. Ka ekpak njí, Ńsé omé tîk a káre ên kpe bhaghé ejûm nji o bhə́bhe ên yê ka mbiŋ amé.

Jon, echî 15:7

“Kən ên, ájoé ó kət ên na mme, eyum ejámé eróŋ é kət na ên, o kí bhəp ên kpe bhaghé ejûm nji o korê ên, o ri ó fôn ńjə́ne.

Jon, echî 4:10

Jisos se, “Ebhú sê ó məŋé ekəp nji Obhasi á kará, o mə́ŋe fə́ne nne nnyo á bhəbha wâ áno ayép, kə́n we nâ o kí bhəp ə̂m ń káre wâ ayép mma á kára ekpin.”

Ane rom, echî 2:7

Ane mba á kí kəp ḿbə́ŋé, á yimá nji é rî ka nnyen-i-mbá, sê á wóm ejík na nkat na ekpin nji é ká fon ntə̂m, Obhasi a kí karé ábho ekpin ka ótúm-ótúm.

Ane rom, echî 3:11

Kpe nne yót cháŋ fə́ne nnyo a tʉ́ri oməŋé achot Obhasi, a kí nok se yê a tóp Obhasi.

Ane ibru, echî 11:6

Ó ka kí fə́ne ḿbə́ŋé na Obhasi, eji ó yimá é gyébhe yê ka ḿbə́ŋé cháŋ, ka kpe énê nnyo á woma a jî a kpíri Obhasi, a ri a kam se Obhasi a ri. A ri a kam fə́ne se Obhasi a kí karé ekəp mbâ nne kpe nnyón nnyo á woma a məŋé yê na ḿbə́ŋé-a-ḿbə́ŋé.

Jems, echî 5:15

Ntʉ́ghi egoróm njí, nji nne a kíi ḿbə́ŋé na Obhasi, é kí yim nne a sôn. Ńtâ Jisos Krayis a kí yim yê a chə́bhe njəm a bhák ka biji. Obhí mbi a yimî, Obhasi tîk a rî nsôn a sû ḿbə́ne.

1 Jon, echî 3:22

Yê a kí karé êt kpe bhaghé ejûm nji e bhə́bhe, ka e kí ki ebhín ejê, e yimá fə́ne iyîm mbí ḿbə́ŋé á gyebhá yê.