Matiyu, echî 6:2 - Ejagham New Testament

² “Nne á ka fon ejûm kən o nyáŋe yê na ńjə́ne, o kâ sə́re ngun ndə́m se ó nyaŋe nne ányo. Nâ noŋ ane áfúbhí á yíma ka óchâm Obhasi na kpe bhaghé mbá ka eték, sê á wóma ane á káre ábho nkat. Deê ń sə́ré ên bəre ta á fon ekəp ábho chénchén ebhú jə́t.

Matiyu, echî 6:2 ပူးပေါင်းရင်းမြစ်များ

Matiyu, echî 15:7

Ane áfúbhí! Nkara-otîp Obhasi nnyo á kamá se Asaya a chorê nchot eye ka echî a kpê na ên se Obhasi se,

Matiyu, echî 16:3

Ofú ó che o kí səre ên sê mbúta tîk a nâ, ka ósô ó rî nkə́p. Ó riŋi ên ekpak nji nne a kí kep ósô a sə́re se ofú tîk ó jóe ka ekpak njí, kən ó ka məŋé ên esə́rə́m echî eriŋ ebhú njí.]

Matiyu, echî 22:18

Kən Jisos a mə́ŋe ńtimî mbí ábho. A sə́re ábho se, “Ane áfúbhí! Ó gaá ên kpá énê?

Matiyu, echî 23:5

“Kpe jen nji ane mbá á yíma, á yíma sê á tóŋe biji. Ájoé áno asík, kêp akpatə́m otâk mbi á kágha mbi ábho onwet Obhasi, á bhobha ka mbûk na ka abhô. Kêp arûm árâm okʉ̂ mma ábho á jə́ma.

Matiyu, echî 23:6

Á korá ekumúm ka ngûm ekumi nnyi ejík ka erom na ka óchâm Obhasi.

Matiyu, echî 24:51

Á bha, a kí chaghe yê ochághé á tûm yê a yên oseŋe na ane áfúbhí. Ḿgbán nnyó tîk a kə̂t ka oseŋe mbí, a rʉ́rá ekpatə́m ekʉ̂, a dík akek.”

Matiyu, echî 5:18

Deê ń sə́ré ên bəre ta ósô na nsi í chîŋ, kpe mmon ikóé ebhín yót nnyo á kí yighí cháŋ, ta chénchén é jên ka ekpak ebhín í nchane é fíi.

Matiyu, echî 6:16

“Ájoé o kí ka njaé se ó jíghí Obhasi, o kâ kə̂t na ochî nsôn-ńsôn noŋ ane áfúbhí á yíma. Á jéna á fará na ochî njaé-ńjáe ane á yén sê ábho á ka njaé á jíghí Obhasi. Deê ń sə́ré ên bəre ta á fon ekəp ábho chénchén ebhú jə́t.

Matiyu, echî 6:3

Kən ájoé ó nyaŋe ntem nnyo a ri ka eket, gyinî ogyiní kpe ntem i ḿbə́ŋé owa o kâ sə́re.

Matiyu, echî 6:5

“Ebhú o kí goré Obhasi, ka yim noŋ ane áfúbhí. Ane áfúbhí á gyíma ka óchâm Obhasi na ndûm éré sê ane chénchén á yén noŋ ábho á góra Obhasi. Deê ń sə́ré ên bəre ta á fon ekəp ábho chénchén ebhú jə́t.

Matiyu, echî 7:5

Ane áfúbhí! Yighî ên kpá nkoghe nnyi a ri ên ka amə̂t kən ó yén ên mbá nono ó yíghi ńtép nnyi a ri ka amə̂t atem.

Mak, echî 12:39

Á korá ekumúm ka ngûm ekumi nnyi ejík ka erom na ka óchâm Obhasi.

Mak, echî 7:6

Jisos a táme ábho se, “Ka ebhú éməné, Asaya a chôt nchot eye ka ekpak a yéne. Ên a ri ane áfúbhí ka etʉri noŋ Asaya a séŋe se, Obhasi a toê se, ‘Ane mbá á jígha ə̂m ka nnyo-ńnyô, ḿbə́ŋé ábho cháŋ na mme.

Luk, echî 11:41

Nâ karê ên mân nji díím nji é rî ka okpere mbí na nkuni mbâ akpák, tîk é yîm ên o kâ fôn akôp ka ochî Obhasi.

Luk, echî 11:43

“Tîk é bhîp ên kpe-eji, ên ane echəme Farasi! O korê ên ekumúm ka ngûm ekumi nnyi ejík ka óchâm Obhasi, o korá ên sê ane á káre ên ejík ka ndûm éré.

Luk, echî 12:33

Gurî ên iyîm ibhə́né, karé ên ntí mbâ akpák. Deê ó fôn ên ebham í ntí nji é kí kət nkóŋ. Deê efaŋ ejə́né é jóe ka ngun Obhasi, eji nji é bhó manâ, ka kpe nnyágha-ejʉ̂ nnyo a kí jʉ cháŋ, oké ó bhó bhibhi.

Luk, echî 12:56

Ên ane áfúbhí! Kə́n o kêp ên ósô o kêp ên nsi, o sə́re ên ejûm nji é kí fap. Jen ó ka məŋé ên mân ekpak nji ngun ebhú njí a ri?”

Luk, echî 13:15

Ńtâ Jisos a táme nne-ndûm nnyó se, “Ane baram! Nne owəné kpe nnyón a kí kpat mfoŋ eye, kpe nnyi abhaŋ, kpe anyanyâ ka eji á bhóbha, a jak a jí karé ńnyə́ne ayép a gwó ka ofú oyoá-biji.

Luk, echî 20:46

“Kô ên ebhú na ane abhə́né mba á tóŋa ebhín. Á kóra á jená á fará na awubha-wubha okʉ̂, á korá sê ane á káre ábho ejík ka ndûm éré. Á korá ekumúm ka ngûm ekumi nnyi ejík ka erom na ka óchâm Obhasi.

Luk, echî 6:24

“Tîk é bhîp ên kpe-eji, ên ane-efaŋ, ka mfá-mfá ó di ên ejə́né ekpin.

Luk, echî 6:42

O kí yim nan ó sə́re ntem se á tóŋé eyə̂t ó yíghi yê ńtép nji nkoghe a ri ka ejâ eyə̂t? Ane áfúbhí! Yighî ên kpá nkoghe nnyi a ri ên ka amə̂t kən ó yén ên mbá nono ó yíghi ńtép nnyi a ri ka amə̂t atem.”

Jon, echî 13:29

Echî aŋ? Juda nâ á fik ntí. Atem á kí kere mân sê Jisos á səra yê se a nam iyîm mbi ábho á wóme ka erom. Na kpe é rô joé áno, nâ ebhú tat Jisos a sə́re Juda se a karé mkpât ejûm mbâ akpák.

Jon, echî 5:41

“Ḿ bó nok bəre ngun á kât ə̂m.

Jon, echî 5:44

O kí yim ên nan ó yûŋ ên ḿbə́ŋé ó kí na Obhasi, nji o noghá ên ngá sê ngun á kât ên. Ó maghe ên ewómóm nkat mbâ mfoné Obhasi.

Jon, echî 7:18

Ájoé nne á chorá achot amê yê ḿfoné, á woma a ri ejík ejê. Kən ájoé á chorá se ejík é jóe é káre a ri nne nnyo a túmi yê, ntʉ́ghi nne ányo nne áfúbhí asík. Ekpin ejê é rî ka nnyen-i-mbá.

Etûm ágbán~í jisos, echî 10:2

A ri nne nnyo á korá achot Obhasi. Yê na ndə́p-i-njû eye fép á jígha Obhasi kpe-eji. A kí noghâ nnyen enoghóm se yê a nyáŋé ane Jus mba á rî ka eket, á gorá fə́ne Obhasi chénchén ebhú.

Etûm ágbán~í jisos, echî 10:31

A chôt se, ‘Konerus, Obhasi a yûk agore amâ, a yên ntûm onyáŋá-ane eya.

Etûm ágbán~í jisos, echî 10:4

A yûŋ amə̂t a kí kep énjel nnyó na efup. A bhə̂p yê se, “Ńsé, jen?” Énjel nnyó a táme se, “Obhasi a yûk agore amâ, a yên ntûm onyáŋá-ane eya, a tît wâ.

Etûm ágbán~í jisos, echî 11:29

Ka nchot i njaé nnyí, atóbhá Jisos á kére sê kpe nnyón nne, a túp ntí ka ekpak nji yê a fonê, á nyáŋé atem ka Judiya.

Etûm ágbán~í jisos, echî 24:17

“Ḿ maghe Jerusarem nyâ a râp kən bəre ń jî káre ntí mbâ akpák ka ejámé eték, n káre fə́ne Obhasi ekəp.

Etûm ágbán~í jisos, echî 9:36

Ka eték í Jopa nne-nkáé yót a ri nnyo a kíi ḿbə́ŋé na Jisos, a kamá se Tabita. Ka eyum í Grik á bhíŋa sê Dokas. Nne-nkáé nnyó a korê onobhá-eji eyimím kpe-eji, a nyáŋá akpák.

Ane rom, echî 12:8

Ájoé Obhasi se o kaghá atem-ane ḿbə́ŋé, kak ábho. Ájoé a ri atem-ane enyáŋám ka eket ábho, nyáŋe ábho na ḿbə́ŋé eya jáé. Ájoé se ó jóe nne-echî, deê ó fî ekumi otúi ejâ na ḿbə́ŋé-a-ḿbə́ŋé. Ájoé Obhasi a yîm wâ se o tóŋá onono na ntem-nne nnyo a ri ka oseŋe, deê ó yimá na ogyebhá-ḿbə́ŋé.

1 Ane korin, echî 13:3

Kpe n kóe iyîm ibhámé chénchén, n kə̂p akpák, kpe n kamê m kpô ekʉ̂ ngûn, ájoé ń ka fon okot na atem-ane, orʉrí obhámé áfo ka etím cháŋ.

Ane garasiya, echî 2:10

Kən é mághe, á sə́re êt a ri sê e kâ gyíni enyáŋám akpák. Nâ ejûm fə́ne nji m fonê ka ḿbə́ŋé bəre tîk n yimá.

Ane efesus, echî 4:28

Nne owəné nnyo á jʉk ejʉ̂, deê a maghé ejʉ̂, a yim nnyen etûm na abhô amê yê ḿfoné, a fon nji a kí karé mbâ akpák.

1 Ane tesaronika, echî 2:6

É ka sə́ré ên fə́ne, sê kpe ên, kpe ane etat, á kât êt. Noŋ ágbán í Jisos, kə́n é fon ikom mfi e kí to ên ó kó kpe bhaghé ejûm nji e wóme ó bhá, kən êt é ka yim áno.

1 Timoti, echî 6:18

Sə́re ábho á yimá ono. Deê á gbô efaŋ a ri ka ono eyimím. Á kâ sôn obhô, kən á kirá na atem nji á fon na ogyebhá-ḿbə́ŋé.

Farimun, echî 1:7

Ntem-mmon-i-nnyen, məŋê se okot obhâ mbí ó kare ə̂m ekpatə́m ogyebhá-ḿbə́ŋé, ó kak ə̂m ikom. Ka nan? Ekpin ejâ é kare ogyebhá-ḿbə́ŋé mbâ chénchén ane Obhasi.

Ane ibru, echî 13:16

Ka gyíni ên onono eyimím, o kirá ên na atem nji-nji o fonê ên. Nâ ntʉ́ghi ekəp nji é gyébha Obhasi ka ḿbə́ŋé.

1 Pita, echî 4:11

We nnyo Obhasi a karê wâ se o sə́rá otîp, sə́re otîp Obhasi. We nnyo o ri noŋ ḿgbán, tʉ̂k ka ekpak ikom mfi Obhasi a karê wâ. Nji kpe énê a kí yim ka ekpak Obhasi a karê yê, ngun tîk á káre Obhasi nkat ka obhô Jisos Krayis. Deê ejík na ikom chénchén í fôn yê ka ótúm-ótúm. Áno.