Matiyu, echî 5:9 - Ejagham New Testament

⁹ Deê ogyebhá-ḿbə́ŋé ó jóe na ane mba á nógha sê ekone é jóe ka ngun, Obhasi tîk a bhîŋ ábho se abhon abhê.

Matiyu, echî 5:9 ပူးပေါင်းရင်းမြစ်များ

Matiyu, echî 5:45

Ó yim ên ka ekpak njí, tîk o jóe ên abhon í Ńsé owəné Obhasi nnyo a ri ka ósô. Echî aŋ? Yê a kí yim njúí a gbok ane chénchén, kpe ane abhí, kpe ane ano. A kí yim mbúta a nak a bherá ane chénchén, kpe á yíma iyîm ka nnyen-i-mbá, kpe á rôk oyim.

Matiyu, echî 5:48

Nâ deê mân erû ejə́né é jóe ka nnyen-i-mbá noŋ nji Ńsé owəné ka ósô.”

Luk, echî 20:36

Á kí joé noŋ baénjel, ekʉ̂ á bhó kpo. Nji á nyə́me ka ekʉ̂, á chəbhe nâ abhon Obhasi.

Luk, echî 6:35

Ka fon ên ekpin áno. Deê ó kôt ên ane ebhan abhə́né. Tóŋe ên ábho onobhá-eji. Bho ên ábho kən o kâ kî ên amə̂t sê á fé ên. Ó yim ên ka ekpak njí, ekəp ejə́né ka Obhasi ósô tîk é faŋ, tîk o chə́bhe ên abhon abhê, ka yê a kí toŋe onobhá-eji mbâ ane mba kpe o yimî jen é bhó sui ábho kpe ejûm, na mbâ ayimá-ndibhí.

Etûm ágbán~í jisos, echî 7:26

Ntem-ofú, a kpo to a bhá, a yên ane Isrel ábháe á kí nok, kən a jî gyê a sə́re ábho se, ‘Yûk ên! Ên a ri abhon-í-nnyen. Echî nji o kí karé ên atem oseŋe a ri jen?’

Ane rom, echî 12:18

Ka ibhâ biji, nok nnyen enoghóm se ó kúmi ên ka ekone na chénchén ane.

Ane rom, echî 8:14

Kpe énê nnyo Ntʉgantʉ Obhasi nâ á tʉk yê mbá a chə́bhe mmon Obhasi.

Ane rom, echî 8:16

Ntʉgantʉ Obhasi yê ḿfoné a yîm êt é məŋe ka etʉri sê êt a ri abhon Obhasi.

Ane rom, echî 8:19

Obhasi a yîm ngun na chénchén iyîm mbi í rî ka ósô na ka nsi. Ngun nnyí na chénchén iyîm á kí chik na obhô ka ḿbə́ŋé sê yê a tóŋé abhon abhê á yén.

1 Ane korin, echî 6:6

O kí ko ên áfírí amə́né ó jî ên ka ochî ane mba á ká ki ḿbə́ŋé na Jisos.

2 Ane korin, echî 13:11

Atem-abhon-í-nnyen, kən ń jéghe, n kí kup ên bəre, “O kâ ên a?” Choŋ ên ochî na ekpin ejə́né na Jisos Krayis, yûk ên nchot amé. Kam ên na atem. Kumî ên ka ekone na atem. Tîk Obhasi, mfona okot na ekone, a jóe na ên.

2 Ane korin, echî 5:20

Nâ êt mân é chəbhe ane mba á kóe eji Jisos Krayis. Obhasi a kí bhiŋ ên ka otîp mbi é kará ên nná. E kí goré ên ka mbiŋ i Jisos Krayis sê ó fôn ên ekone na Obhasi.

Ane garasiya, echî 5:22

Kən ejímí Obhasi Ebhare Ntʉgantʉ a ri okot, ogyebhá-ḿbə́ŋé, ekone, okə́bhá-ḿbə́ŋé, onobhá-eji, ono etóŋóm, biji ejíghím,

Ane efesus, echî 4:1

Mme nnyo ń chəbhe nne-ókúmí ka obhô Ńtâ Jisos, n kí choe ên mân bəre ó fôn ên ekpin nji é bhíghi ka esáŋám nji Obhasi a sáŋe ên.

Ane firipi, echî 4:2

Ane-akáé mbá ábháe, Eyodiya na Sintiki, n kí goré ên bəre ó yúk ên atem noŋ atem-abhon-í-nnyen mba Ńtâ Jisos.

Ane korose, echî 3:13

O kâ fúbhá ên ḿbə́ŋé. Nne á yim ên obhí, ri ên nsôn, gyinî ên ḿbə́ne. Ńtâ Jisos a rî nsôn a sû obhí obhə́né, nâ yim ên fə́ne ka ekpak njí jə́t na atem.

Ane ibru, echî 12:14

Nok ên ekpak o kí fon ên ekone na ane chénchén, na ekpak fə́ne nji ó bhó fon ên ekpin akôp. Áno asík, nne nnyo a kí yen Ńtâ Jisos cháŋ.