Matiyu, echî 5:7 - Ejagham New Testament

⁷ Deê ogyebhá-ḿbə́ŋé ó jóe na ane mba á kí ri nsôn na atem-ane, Obhasi tîk a rî ábho nsôn.

Matiyu, echî 5:7 ပူးပေါင်းရင်းမြစ်များ

Mak, echî 11:25

Ebhú ó gyimi ên o kí goré ên Obhasi, ri ên nsôn gyinî obhí chénchén mbi ane á yími ên. Ó yim ên áno, Obhasi Ńsé owəné ka ósô, tîk a rî nsôn a sû mbi o yimî ên yê. [

Luk, echî 6:35

Ka fon ên ekpin áno. Deê ó kôt ên ane ebhan abhə́né. Tóŋe ên ábho onobhá-eji. Bho ên ábho kən o kâ kî ên amə̂t sê á fé ên. Ó yim ên ka ekpak njí, ekəp ejə́né ka Obhasi ósô tîk é faŋ, tîk o chə́bhe ên abhon abhê, ka yê a kí toŋe onobhá-eji mbâ ane mba kpe o yimî jen é bhó sui ábho kpe ejûm, na mbâ ayimá-ndibhí.

Ane rom, echî 11:30

Ebhú áji, ên ó bhó yuk nchot Obhasi. Kən mfá-mfá, Obhasi a rî ên nsôn, ka ane Jus á ká yuk yê.

1 Ane korin, echî 7:25

Ḿ ba mân mbâ ane mba á ká məŋé nchot ebháé kpá. Nchot nnyi n kə́ bha nná ochot, ebhín Obhasi asík. A dʉ ə̂m ka ḿbə́ŋé noŋ nne nnyo Ńtâ Jisos a tóŋe onobhá-eji á ka fup.

2 Ane korin, echî 4:1

É dʉ̂ mân áno a ri ka nsôn nnyi Obhasi a rî êt kən a káre êt etûm njí, nâ ńjə́ne e nyə́ne e nyoghá biji.

Ane efesus, echî 4:32

Deê ó tóŋe ên onobhá-eji mbâ atem, o rík ên nsôn o gyiná ên obhí mbi atem á yíma ên. Nâ ekpak nji Obhasi á rik fə́ne nsôn a suk obhí obhə́né ka obhô Jisos Krayis.

Ane korose, echî 3:12

Ên a ri ane Obhasi. A korê ên okot kən a sâŋ se ane abhê. Nâ ri ên atem nsôn, tóŋâ ên onobhá-eji, ka yúŋa ên biji, kô ên ekpin ka tebhe, kə́bhâ ên ḿbə́ŋé.

1 Timoti, echî 1:13

A kóe ə̂m se ḿ bik, á ka kí echî se ebhú áji ń chorá obhí m kpek na yê, n yúá ane abhê, n túk yê. Kən Obhasi a rî nsôn a sû obhí obhámé. Echî é rî sê ebhú áji ń ka kí ḿbə́ŋé na yê, ń ka məŋé nji ń yimá.

1 Timoti, echî 1:16

Ka echî njí nâ é yími kən Obhasi a kí ri ə̂m nsôn. Echî aŋ? Se Jisos a kó ə̂m, mme nnyo n yimî obhí n chíŋi ochíŋ, a tóŋé ane se okə́bhá-ḿbə́ŋé obhê ntə̂m cháŋ. Ńji tîk é jóe noŋ eriŋ mbâ ane chénchén mba tîk á kî ḿbə́ŋé na yê á fôn ekpin ótúm-ótúm.

Ane ibru, echî 4:16

Deê êt mân e kâ fôn efup, é jî ên e kpírá otúi onobhá-eji Obhasi, a ri êt nsôn, a tóŋé êt fə́ne onobhá-eji mbi ó kí nyaŋe êt ka ebhú Satan a kí gaé êt.

Ane ibru, echî 6:10

Echî aŋ? Obhasi á ka joé nne amoe. Á bhó gyini ntûm eyəné na okot mbi o tóŋe ên yê nji o nyáŋe ên ane abhê. Nâ ekpak nji fə́ne o nyə́ne ên o yimá.

Jems, echî 2:13

Echî aŋ? Ájoé nne á bhó ri ntem nsôn, Obhasi a kí taŋ yê, á bhó ri nsôn. Kən nne nnyo á rik ntem nsôn, Obhasi á bhó bhibhi yê esup.

Jems, echî 3:17

Kən oməŋá-ejûm ósô ó ká fon akôp. Nâ ndaŋa-mbá ejûm. Ó jóa fə́ne na ekone, ó joá nyamḿ, ó toŋa onobhá-eji, ó rik nsôn. Ó məŋá ḿbə́ne ka ntûm i nno. Ó ká fon áfúbhí, ó bhó bhibhi ntem.

1 Pita, echî 2:10

Ebhú áji ó ka joé ên ane Obhasi, kən mfá-mfá ó chəbhe ên ane abhê. Ebhú áji Obhasi á ka ri ên nsôn, kən mfá-mfá a rî ên nsôn.