Matiyu, echî 4:3 - Ejagham New Testament

³ Satan a bhâ sə́re yê se, “Ájoé we a ri Mmon Obhasi, yim atáé mmá á kpíghí édî ó kó, ó dí.”

Matiyu, echî 4:3 ပူးပေါင်းရင်းမြစ်များ

Matiyu, echî 14:33

Ane abhê mba á rî ka okpi, á káre Jisos ekpatə́m eyúp á chorá sê, “Ka etʉri, we a ri Mmon Obhasi.”

Matiyu, echî 16:16

Pita nnyo á kamá fə́ne se Simun a táme yê se, “We a ri Krayis, nne nnyo Obhasi a túmi se a bhá yim ngun á sém. We nâ o ri Mmon i mfoné-mfoné Obhasi.”

Matiyu, echî 26:63

Kən Jisos kpe ejûm á ka támé. Ntûfâm nnyó a kpô chot se, “N kí bhəp wâ ka mbiŋ i mfoné-mfoné Obhasi, chimî ka ochî obhê, ájoé we Krayis, nne nnyo Obhasi a túmi se a yim ngun á sém a? We Mmon Obhasi a?”

Matiyu, echî 3:17

Eyum é fâp nnyi ósô sê, “Ḿfa a ri Mmon okot omé nnyo ḿ foná ekpatə́m ogyebhá-ḿbə́ŋé.”

Mak, echî 1:1

Ḿfa a ri eróghá-ndə́p otîp ogyebhá-ḿbə́ŋé mbi ó kpée na Jisos Krayis nnyo Mmon Obhasi.

Mak, echî 3:11

Kpe fan a jiî, ane mba ojê ó kára oseŋe, á yen yê á kí gbo yê ka akát, á kugha sê, “We a ri Mmon Obhasi.”

Mak, echî 5:7

A kûk káŋ káŋ káŋ se, “Wóó Jisos, Mmon Obhasi ósô! Ó woma jen na mme? Ka mbiŋ Obhasi, ń gore wâ, ka kpə́re ə̂m.”

Luk, echî 1:35

Énjel nnyó a táme se, “Obhasi Ebhare Ntʉgantʉ tîk a bhák mbâ eya, a bhúi wâ na ikom Obhasi ósô. Ka obhô mbí, tîk á bhîŋ mmon nnyo sê Mmon Obhasi. Yê á bhó fon ekpin akôp.

Luk, echî 22:70

A kpo chot áno, chénchén ábho á bhə̂p yê mân sê “Nńn, nâ we mân a ri Mmon Obhasi a?” Jisos se, “Nchot eyəné a ri ka echî.”

Luk, echî 4:3

Satan a sə́re yê se, “Ájoé we a ri Mmon Obhasi, yim ntáé nnyí a kpíghí édî, ó kó ó dí.”

Luk, echî 4:41

Mba ojê ó kára ábho oseŋe, a bhîm a yíghi. A ri kən ó mághe, ó rî ó kúk ane á yúk sê Jisos a ri Mmon Obhasi. Kən Jisos a kí nyan ojê mbí ó kâ kpô chot kpe ejûm, ka ó məŋe sê yê a ri Krayis, nne nnyo Obhasi a túmi se a bhá yim ngun á sém.

Luk, echî 4:9

Satan a kô mân yê a jak ka Jerusarem. Á gyʉ̂t á gyími ta ka ńchí ókʉ́rí achot Obhasi. A sə́re Jisos se, “Ájoé we a ri Mmon Obhasi, nyə̂p gbo ágo ka nsi,

Jon, echî 1:34

Na amə̂t amámé, mme Jon, ń yen. Nâ ńjə́ne mân n kí səre ên bəre nne nnyó a ri Mmon Obhasi.”

Jon, echî 1:49

Nataniye a chôt mân se, “Ntóŋá, we a ri Mmon Obhasi ka etʉri. We a ri ntûfâm ane Isrel.”

Jon, echî 20:31

Kən e séŋe áno mbí mfá sê ó kâm ên sê Jisos a ri Krayis, nne nnyo Obhasi a túmi se a bhá yim ngun á sém. Yê nâ a ri Mmon Obhasi. Nji ó yuŋ ên ḿbə́ŋé o kî ên na yê, o kí fon ên ekpin.

Jon, echî 9:35

Jisos a bhâ yûk se á bhim nne nnyo yê a yimî nná a yên mbá. A jak a jî nôt yê ta a yên. A bhə̂p yê se, “Ó yuŋ ḿbə́ŋé ó kí na Mmon-i-ntem-nne a?”

Etûm ágbán~í jisos, echî 9:20

Pol a kâ ka Damakus na atóbhá Jisos mô mfín a chîŋ, a róghe ntə̂m yə́t egyéém óchâm Obhasi a sə́rá ane nchot i Jisos. Á səra ane se Jisos a ri Mmon Obhasi.

2 Ane korin, echî 1:19

Echî aŋ? Jisos Krayis, ka Mmon Obhasi, nnyo mme na Sayiras na Timoti é səra ên, á ka joé yóŋé-yoŋe-yóŋé. Kən ekpak á chot nâ ekpak á yimá.

Ane garasiya, echî 2:20

A ri noŋ m kpóe na Jisos Krayis ka ego. Nâ mfá-mfá, ekpin nji m fonê, ejámé asík, kən a ri nji Krayis nnyo a ri ə̂m ka biji. Ḿ foná ekpin njí mfá-mfá ka ń ki ḿbə́ŋé na Mmon Obhasi nnyo a korê ə̂m, a káre ekpin ejê se ń sém.

1 Ane tesaronika, echî 3:5

Mme Pol, ń ka kpó kəp ḿbə́ŋé, nâ ńjə́ne n yighî Timoti n tûm bəre a bhá yen ájoé ḿbə́ŋé eyəné á nyə́ne na Jisos. A ri n kí fup bəre Satan a kâ yîm ó yíghi ên ḿbə́ŋé, etûm ejə́ré é tán ka chichi.

Ane ibru, echî 12:16

Deê nne kpe yót a kâ kâk biji ka achot akôp enuŋúm na ane, na kpe a maghé achot Obhasi noŋ Isa nnyo a gurî ńgyímí eye noŋ mmon i ndaŋa-mbá ka ntə̂m édî yə́t.

Ane ibru, echî 4:14

Deê mân e kâ yíghi obhô ka ejûm nji e kamê. Echî aŋ? É fon Jisos Krayis, Mmon Obhasi, ka ntûfâm akará-agore Obhasi nnyo a faŋê a chîŋ ochíŋ. Yê a ri na Obhasi ka ósô.

Ane ibru, echî 7:3

É ka məŋé ńsé na nnyen na kpe ndə́p-i-njû Mekisedek. É ka məŋé fə́ne eróghá-ndə́p eye, ntə̂m eye fə́ne é ka məŋé. A ri noŋ Mmon Obhasi, a kí kət nkara-agore Obhasi ka ótúm-ótúm.

1 Jon, echî 3:8

Kən nne nnyo a kí yimâ obhí nâ a fóŋé Satan, ka ta ka eróghá-ndə́p í ngun Satan a ri nyima-obhí. Nâ ejûm nji é kóe Mmon Obhasi a bhák ka ngun. A bháe a bhá bhibhi chénchén etûm í Satan ka ngun nnyí.

Ndem~i jon, echî 2:10

Ka fôn ên efup ka oseŋe mbi o kə́ bha oyén ên. Ńgyê Satan a kə́ bha okak etʉ̂ ên ka ókúmí, á gáe ên. O kí yen ên oseŋe ka mfín ófó. Kən kpe o yéne ên oseŋe nan, ka yíghi ên ḿbə́ŋé na mme kpe o kí kpo ên okpó. Ó ro yighí ên ḿbə́ŋé, tîk n káre ên ekpin ótúm-ótúm noŋ itam érûm ifə́né.