Matiyu, echî 3:2 - Ejagham New Testament

² “Yóŋe ên ḿbə́ŋé, maghê ên obhí obhə́né, ka otúi Obhasi ó bha.”

Matiyu, echî 3:2 ပူးပေါင်းရင်းမြစ်များ

Matiyu, echî 10:7

Choŋ osə́ré ên ábho sê otúi Obhasi ó bha.

Matiyu, echî 11:20

Jisos a róghe mân efámám nték nnyi yê a yîm ntûm okpógha-biji a tî a chîŋ ochíŋ. Echî aŋ? Ane nték ányi á ká maghé obhí ábho.

Matiyu, echî 12:41

Ka ofú ngun etáŋám, ane Ninefa á kí gyimi á sə́re sê ó gbo ên. Echî aŋ? Ebhú á yúghi okpígha-ejûm í Jona, á mághe obhí ábho. Kən deê mân ń sə́ré ên bəre nne a ri mfá nnyo a faŋê a chíŋi Jona.

Matiyu, echî 13:11

Jisos a táme ábho se, “Obhasi a káre ên aron se ó mə́ŋe ên ejûm ebhə̂t nji é rî ka otúi ósô, kən ane mba ngá, á ká karé.

Matiyu, echî 13:24

Jisos a kpô sə́ré ane egan nji tat se, “Otúi Obhasi ó rî noŋ nne nnyo a kóe ejûm noŋ érési a bhê ka ebhin ejê.

Matiyu, echî 13:31

Jisos a tûp egan nji tat a káre ábho se, “Otúi Obhasi ó rî noŋ nkap etat nnyi á kamá se mósta. Nne a kô a bhê ka ebhin ejê.

Matiyu, echî 13:33

A kpô túp egan etat a káre ábho se, “Otúi Obhasi ó rî noŋ yîs nnyi nne-nkáé a kí yim brêt a kô a kpê na fráwa brêt, a chə́bhe ta a nʉ̂t a súi ngûm.”

Matiyu, echî 13:47

Jisos se, “Otúi Obhasi ó rî fə́ne noŋ ntûfúk nnyi á túbhi ka aya, nsí kpe nnyə́n kpe nnyə́n, a kô.

Matiyu, echî 13:52

Jisos a chôt mân se, “É fap sê kpe nnyón ntóŋa-ebhín nnyo a kpíi a mə́ŋe nchot otúi Obhasi a ri noŋ mfone njû nnyo a kí yighí iyîm mbi í kpóe ntí, kpe mbi fê, kpe mbi tə̂m, ka mmon-i-njû nnyo yê a kíi, a tóŋé ane.”

Matiyu, echî 18:23

Echî aŋ? Otúi Obhasi ó rî áno noŋ egan í ntûfâm yót nnyo a timî se yê a jeghé nchot arə́m mma ágbán abhê á fíi yê.

Matiyu, echî 20:1

Jisos se, “Otúi Obhasi ó rî noŋ nne etat nnyo a fonê ebhin ejê. A bhâ mághe njû eye na ofú-ofú a jí wom ane etûm á bhá yîm ebhin njí.

Matiyu, echî 22:2

“Otúi Obhasi ó rî noŋ ntûfâm yót nnyo a yaghê ane se á bhá erom ebháé mmon owe.

Matiyu, echî 23:13

“Tîk é bhîp é chîŋ na ên, ane áfúbhí, atóŋá-ebhín na ane echəme Farasi! Ó gbʉa ên ane mbá á kâ gyê otúi Obhasi, ên áfoné egyéém ó bhó gye na kpe ó kâm ên ane etat mba á nógha egyéém, á gyé.

Matiyu, echî 25:1

Jisos se, “Ebhú áji é si, otúi Obhasi ó kí joé noŋ egan abhon asop ófó etat. Ofú bhə́t asop mbá á kóe ńtʉ́ríkáŋ ábho na atʉ́ á jí kpúghi nne-ndûm yót nnyo a kí ko nkáé.

Matiyu, echî 25:14

A kpô gaé se, “É kí joé noŋ nne-ndûm yót nnyo a kí maghé a ji ejen, a bhiŋ ágbán abhê a kíri iyîm a káre ábho á bhábhé ta yê a bhá.

Matiyu, echî 4:17

É róghé ka ebhú áji, Jisos a jená a sə́rá ane se á yóŋé ḿbə́ŋé, á mághe obhí, ka otúi Obhasi ó bha.

Matiyu, echî 4:23

Jisos a jená a fará nték i Gariri, a kpík ane ka óchâm Obhasi, a sə́rá otîp ogyebhá-ḿbə́ŋé otúi Obhasi, a yimá ane-emaŋé ka mkpak ka mkpak á soná.

Matiyu, echî 5:10

Deê ogyebhá-ḿbə́ŋé ó jóe na ane mba ngun á kí karé ábho onyʉk ka á kí yim ejûm nji Obhasi a wóme, otúi Obhasi a ri mbi ábho.

Matiyu, echî 5:3

“Deê ogyebhá-ḿbə́ŋé ó jóe na ane mba á məŋe sê á rî noŋ akpák ka achot Obhasi, otúi Obhasi a ri mbi ábho.

Matiyu, echî 6:10

Deê otúi obhâ ó bhá. Deê nji we o wóme, é jóe ka nsi noŋ é rî ka ósô.

Matiyu, echî 6:33

Nâ deê ó nót ên kpá otúi obhê na ekpin ka nnyen-i-mbá, tîk yê a káre ên chénchén iyîm mbí.

Mak, echî 1:15

A kí səre ane se, “Ebhú é si, otúi Obhasi ó bha. Yóŋe ên ḿbə́ŋé maghê ên obhí obhə́né. Kam ên na otîp ogyebhá-ḿbə́ŋé Obhasi.”

Mak, echî 1:4

Noŋ Asaya a séŋe, Jon a fâp fə́ne ka etə́m, a fúghá ane ayép a sə́rá ábho otîp Obhasi se á yóŋe ḿbə́ŋé, á mághe obhí ábho, a fúk ábho ayép. Tîk Obhasi a rî nsôn a sû obhí ábho.

Mak, echî 6:12

Ágbán mbá á yə̂p mân á jak. Kpe bhaghé eték nji á síi, á səra ane sê á yóŋé ḿbə́ŋé ábho, á mághe obhí eyimím.

Luk, echî 1:16

Tîk mmon nnyó a yîm ane Isrel etî-etî á chə́bhe njəm mbâ Ńtâ Obhasi ábho.

Luk, echî 11:20

N kí yighí na ikom Obhasi. Kən ájoé ń yighá na ikom Obhasi, nâ məŋé ên mân sê otúi Obhasi ó jen ó si ên.

Luk, echî 13:3

Áno asík! Kən deê ń sə́ré ên bəre ó ka maghé ên obhí obhə́né, o kí kpo ên fə́ne chénchén noŋ ábho.

Luk, echî 13:5

Áno asík! Kən deê ń sə́ré ên bəre ó ro maghé ên obhí obhə́né, o kí kpo ên fə́ne noŋ ábho.”

Luk, echî 15:10

N kí səre ên bəre ka ekpak njí eróŋ, baénjel ka ósô á kí fon ogyebhá-ḿbə́ŋé ekpatə́m nji nyima-obhí yót á fon nsôn a yóŋe ḿbə́ŋé a mághe obhí obhê.”

Luk, echî 15:7

Jisos a jak ochî se, “Ka ekpak njí jə́t, deê ń sə́ré ên bəre nji nyima-obhí yót á fôn nsôn ka biji ibhê a mághe obhí, ekpatə́m ogyebhá-ḿbə́ŋé ó kí joé ka ósô. Ó kí chiŋi mbi ó kí joé nji nsam anyen-ane énî na ane ekû na ánî mba á kéra sê á ká yim obhí kən á fôn nsôn ka biji ábho á mághe ḿbə́ne.”

Luk, echî 16:30

“Nne-ntí nnyó a táme se, ‘Ńsé omé, Abraham, áji é bhó bhik. Ebhú nne nnyo a kpóe okpó a yên, á nyəmé a sə́re ábho, tîk á mághe obhí ábho.’

Luk, echî 21:31

Ka ekpak njí eróŋ, ó yen ên iyîm mbí í kí fap, məŋê ên sê ebhú é kpiri nji otúi Obhasi ó kə́ bha.

Luk, echî 24:47

Tîk á róghe mfá ka Jerusarem á səra nték i ngun chénchén se á mághe obhí ábho, Obhasi a ri nsôn a su ḿbə́ne.

Luk, echî 6:20

Jisos a yûŋ amə̂t a kêp ane mba á tóbha yê, a chôt se “Deê ogyebhá-ḿbə́ŋé ó jóe na ên akpák, ka otúi Obhasi a ri obhə́né.

Luk, echî 9:2

A yíghi ábho a tûm se á jên ka ngûm á səra esə́re otúi Obhasi, á yimá ane á soná.

Etûm ágbán~í jisos, echî 11:18

Pita a kpô bhúp chénchén a sə́re ábho, é gyébhe mân ábho. Á róghe Obhasi nkat ekarám se a kâm fə́ne, se kpe ajéné á yóŋe ḿbə́ŋé, á mághe obhí ábho, á fôn ekpin.

Etûm ágbán~í jisos, echî 17:30

Ebhú áji nji Obhasi a maghê achot se ane á ká məŋé, é chiŋ. Mfá-mfá a chôt se deê kpe énê a yóŋé ḿbə́ŋé a maghé obhí obhê.

Etûm ágbán~í jisos, echî 2:38

Pita a sə́re ábho se, “Deê nne owəné kpe nnyón a yóŋé ḿbə́ŋé a maghé obhí obhê, a fúk ayép ka mbiŋ i Jisos Krayis. Tîk Obhasi a rî nsôn a sû obhí obhê. Tîk a káre ntʉ́ghi nne ányo Obhasi Ebhare Ntʉgantʉ noŋ ekəp.

Etûm ágbán~í jisos, echî 20:21

N sə́rá noŋ ntî-isê bəre ane, kpe ane Jus oo, kpe ajéné oo, á yóŋe ḿbə́ŋé, á mághe obhí ábho, á kpíghí á tóp Obhasi, á kí ḿbə́ŋé na Ntûfâm owəré Jisos.

Etûm ágbán~í jisos, echî 26:20

N jak fə́ne n jî róghe etûm ejámé kpá ka Damakus, kən m bák nnyi Jerusarem, n jên m fáre Judiya ndə́m, n jak fə́ne ka nték ajéné. M kpík ábho bəre á yóŋé ḿbə́ŋé, á mághe obhí ábho, á kép Obhasi. Bəre á yimá fə́ne ntûm nnyi a kí toŋe se nsôn a kí yim ábho na obhí ábho.

Etûm ágbán~í jisos, echî 3:19

Taŋê ên mân obhí obhə́né, tôp ên Obhasi a su ḿbə́ne a yighí, ó fôn ên onará-ḿbə́ŋé ka ochî obhê.

2 Ane korin, echî 7:10

Ka nan? Nsae á joé nnyi Obhasi, nne a fon nsôn a mághe obhí. Ńji é kí yim yê a sém, á bhó səre se, “A tok ə̂m ee.” Kən ó fon nsae sê nnyi ngun nnyí, ányi á bhak na ekʉ̂.

Ane korose, echî 1:13

A yíghi êt ka óséré ikom ejírim, a jî kî êt ka otúi Mmon okot owe.

2 Timoti, echî 2:25

A kí kəp ḿbə́ŋé a tóŋá ane mba á bhó kam na nchot Obhasi ekpak á gbóe. Ebhú tat Obhasi tîk a káre ábho mbá se á yén obhí ábho á mághe ḿbə́ne, á bhá mə́ŋe mfoné nchot eye.

Ane ibru, echî 6:1

Nâ deê mân é jî ochî, e maghá kpá abhon iyîm mbi á kpíi ên ndaŋa-mbá ka nchot i Jisos Krayis. Deê é kúí. É kí joé a ri ebhú ebhíbhím ka esə́rə́m ên sê nne a yóŋé ḿbə́ŋé a maghé ekpin ebhí, a kí ḿbə́ŋé na Obhasi.

2 Pita, echî 3:9

Obhasi á bhó bhibhi ebhú ka eyimím nji-nji yê a chimî noŋ ane etat á kéra. A ri nsôn nâ á yimá yê áno a kə́bhá ḿbə́ŋé. Echî aŋ? Á ka wóm se kpe nne yót a kpó a tán. A wóme se chénchén nne a kpíghí njəm a karé obhí obhê.

Ndem~i jon, echî 2:21

N káre nne-nkáé nnyó ebhú bəre a yóŋé ḿbə́ŋé a maghé obhí obhê, kən á bhó kam.

Ndem~i jon, echî 2:5

Tit ên okot obhə́né ebhú áji kən ó gbo ên ka ekpak njí! Yóŋe ên ḿbə́ŋé, maghê ên obhí obhə́né, chəbhê ên njəm o yimá ên ka ekpak ó yimá ên ndaŋa-mbá. Áno asík, n kə́ bha ḿ bá yíghi ejighi-eyâŋ nji é rî ka mbiŋ eyəné, ka eji é gyím.