Matiyu, echî 2:2 - Ejagham New Testament

² Nji á bháe, a bhâ jóe á bhəbha ane sê “Mmon i mfê nnyo á jíi mfá, nnyo ntûfâm ane Jus, a ri fan? E yéne írʉnândʉ ósô mfi í tóŋe eriŋ ojî obhê ka ebhat ejə́ré, é bha áno sê é bhá kúp yê.”

Matiyu, echî 2:2 ပူးပေါင်းရင်းမြစ်များ

Matiyu, echî 2:3

Nji Ntûfâm Erot a yúghi nchot nnyí, ḿbə́ŋé a bhîp ka etím. Kpe nnyón nne ka Jerusarem eróŋ, a fôn efup.

Matiyu, echî 21:5

“Sə́re abhon eték í Sayon se ntûfâm ábho a kə́ bha. A kə́ bha ka ekone ka njəm i mfoŋ-anyanyâ nnyi chiîŋ.”

Matiyu, echî 27:11

Nji á kóe Jisos á bhak ka ochî ntûfâm nnyo a fiî ikom eték, ntûfâm nnyó a bhə̂p yê se, “We nâ o ri ntûfâm ane Jus a?” Jisos se, “Nn̂, é rî ka ekpak o chorê.”

Luk, echî 19:38

Á kúgha sê, “Deê enare Ńtâ Obhasi é jóe na Ntûfâm nnyo a kə́ bha ka mbiŋ eye. Deê ekone é jóe ka ósô, ejík é jóe é káre wâ.”

Luk, echî 2:11

Deê ń sə́ré ên bəre ka ofú mbi égyé, ka eték í Debhit, á ji nne nnyo tîk a yîm ane á sêm ka obhí. Mbiŋ eye a ri Krayis Ntûfâm, nne nnyo Obhasi a túmi se a yim ngun á sém.

Luk, echî 23:3

Piratus a bhə̂p mân Jisos se “We nâ o ri ntûfâm ane Jus a?” Jisos se “Nn̂, é rî ka ekpak o chorê.”

Luk, echî 23:38

Á kô ekpághé-étí á sêŋ ka ńjə́ne sê, “Ḿfa a ri ntûfâm ane Jus.” Á kûm ńjə́ne njəm-ósô ego Jisos.

Jon, echî 1:49

Nataniye a chôt mân se, “Ntóŋá, we a ri Mmon Obhasi ka etʉri. We a ri ntûfâm ane Isrel.”

Jon, echî 12:13

Á gbût amâŋ-abhî á fî, á jak á jí kpúghí yê. Á kughá sê, “Ekûp na ejík é jóe é káre Obhasi. Deê enare Ńtâ Obhasi é jóe na nne nnyo a kə́ bha ka mbiŋ eye. Deê enare Obhasi é jóe na Ntûfâm ane Isrel.”

Jon, echî 18:37

Piratus a bhə̂p yê se, “Nâ we a ri ntûfâm a?” Kən Jisos a táme se, “Nchot eya a ri ka echî. Á jíi ə̂m m bák ka ngun bəre ḿ bá sə́ré ane mfoné nchot Obhasi. Kpe énê nnyo a kamê na mfoné nchot nnyí a kí yuk nchot amé.”

Jon, echî 19:19

Piratus a sêŋ ejûm, á yághe njəm-ósô ego nji á kúmi Jisos. A séŋe se, “Jisos nnyo nne Nasaret, ntûfâm ane Jus.”

Jon, echî 20:28

Tomas a táme se, “Ntûfâm omé! Obhasi omé!”

Jon, echî 5:23

Se ngun ndə́m á jíghí Mmon noŋ á jígha yê. Nne nnyo á ka jíghí Mmon nâ á ka jíghí Ńsé nnyo a túmi Mmon.”

Jon, echî 9:38

Nji nne nnyó a kpô yúk, a chôt se, “Ntûfâm, ń yuŋ ḿbə́ŋé amé ń ki na we.” A tə̂m mân achî-arúŋ áfo ka nsi a káre Jisos ekûp na ejík.

Ane ibru, echî 1:6

Ebhú Obhasi a kí tum ndaŋa-mbá Mmon owe nnyó ka ngun, a chôt se, “Deê chénchén baénjel abhámé á jíghí Mmon nnyó.”

Ndem~i jon, echî 22:16

“Mme, Jisos, ń tum énjel omé mbâ eya noŋ ntî-isê a bhá səre nchot nnyí mbâ bichəme atóbhá abhámé. Mme nâ n di noŋ Irʉk, mme a ri Eyábhé-mmon í Debhit, mme a ri Írʉnândʉ Echî-ofú mfi í yâk kpe ekpak.”