Matiyu, echî 16:3 - Ejagham New Testament

³ Ofú ó che o kí səre ên sê mbúta tîk a nâ, ka ósô ó rî nkə́p. Ó riŋi ên ekpak nji nne a kí kep ósô a sə́re se ofú tîk ó jóe ka ekpak njí, kən ó ka məŋé ên esə́rə́m echî eriŋ ebhú njí.]

Matiyu, echî 16:3 ပူးပေါင်းရင်းမြစ်များ

Matiyu, echî 11:5

Ó yen ên atáná-amə̂t á yen mbá, abhə́né á rui ngyím, amaŋá-ofunum á son, ayághá-atûŋ á kí yuk mbá, ane mba á kpóe á chəbhe njəm ka ekpin, akpák ane á yuk otîp ogyebhá-ḿbə́ŋé Obhasi.

Matiyu, echî 15:7

Ane áfúbhí! Nkara-otîp Obhasi nnyo á kamá se Asaya a chorê nchot eye ka echî a kpê na ên se Obhasi se,

Matiyu, echî 22:18

Kən Jisos a mə́ŋe ńtimî mbí ábho. A sə́re ábho se, “Ane áfúbhí! Ó gaá ên kpá énê?

Matiyu, echî 23:13

“Tîk é bhîp é chîŋ na ên, ane áfúbhí, atóŋá-ebhín na ane echəme Farasi! Ó gbʉa ên ane mbá á kâ gyê otúi Obhasi, ên áfoné egyéém ó bhó gye na kpe ó kâm ên ane etat mba á nógha egyéém, á gyé.

Matiyu, echî 4:23

Jisos a jená a fará nték i Gariri, a kpík ane ka óchâm Obhasi, a sə́rá otîp ogyebhá-ḿbə́ŋé otúi Obhasi, a yimá ane-emaŋé ka mkpak ka mkpak á soná.

Matiyu, echî 7:5

Ane áfúbhí! Yighî ên kpá nkoghe nnyi a ri ên ka amə̂t kən ó yén ên mbá nono ó yíghi ńtép nnyi a ri ka amə̂t atem.

Luk, echî 11:44

Tîk é bhîp ên kpe-eji, ka o ri ên noŋ oyəm mbi ó ká fon eriŋ, nne a kí chem a chîŋ á bhó məŋé se a ri ejûm akôp.”

Luk, echî 12:56

Ên ane áfúbhí! Kə́n o kêp ên ósô o kêp ên nsi, o sə́re ên ejûm nji é kí fap. Jen ó ka məŋé ên mân ekpak nji ngun ebhú njí a ri?”

Luk, echî 13:15

Ńtâ Jisos a táme nne-ndûm nnyó se, “Ane baram! Nne owəné kpe nnyón a kí kpat mfoŋ eye, kpe nnyi abhaŋ, kpe anyanyâ ka eji á bhóbha, a jak a jí karé ńnyə́ne ayép a gwó ka ofú oyoá-biji.

Ane ibru, echî 5:14

Nne nnyo a kí kpighâ achot Obhasi mma á sóne oson, a ri nne-nkúí ka achot mmá. A tôp achot mmá ka ofú ka ofú a mə́ŋe ejûm ebhí na ejûm eno.