Matiyu, echî 14:3 - Ejagham New Testament

³ Ebhú Jon a ri mbít, Erot a káre ikom, á fî Jon á kâk ka ókúmí. É dʉ̂ ka obhô Erodiyas, nkáé mmon-i-nnyen owe Firip.

Matiyu, echî 14:3 ပူးပေါင်းရင်းမြစ်များ

Matiyu, echî 11:2

Jon nnyo mfúgha-ane-ayép a ri ka ókúmí ka ebhú njí. A yûk esə́re Krayis, nne nnyo Obhasi a túmi se a yim ngun á sém. A yûk esə́re ntûm nnyi á yimá. A tûm mân etʉ̂ atóbhá abhê

Matiyu, echî 14:6

Ka ofú Erot a fiî erom se á jíghí ofú mbi á jíi yê, mmon Erodiyas nnyo nne-nkáé a fâp a bhə̂n ebhə̂n ka ochî ane chénchén. Ḿbə́ŋé a gyébhe Erot kpe-eji.

Matiyu, echî 4:12

Ebhú Jisos a yúghi se á kak Jon ka ókúmí, a mághe a jak ebhat í Gariri.

Mak, echî 6:14

Kən Ntûfâm Erot a yûk esə́re Jisos nji ta é jen é jabhe ngûm. Etʉ̂ ane á kí səre sê a ri Jon nnyo mfúgha-ane-ayép nâ a chəbhê njəm ka ekpin, nâ ńjə́ne a fonê áno ikom a yimá iyîm okpógha-biji.

Mak, echî 6:17

É fábhe nan? Ebhú Jon a ri mbít, Erot a káre ikom se á fî yê á kâk ka ókúmí. É dʉ̂ ka obhô Erodiyas, nkáé mmon-i-nnyen owe Firip nnyo yê a tabhê a kô.

Mak, echî 6:19

Toŋ Erodiyas a kâk Jon ka ḿbə́ŋé. A róghe mân mbá ewómóm nnyi yê a kí yui Jon, kən á ka yén.

Mak, echî 6:22

Kən mmon Erodiyas nnyo nne-nkáé a fâp a bhə̂n ebhə̂n ka erom njí. É gyébhe Erot na ane mba á bháe erom kpe-eji. Ka ogyebhá-ḿbə́ŋé mbí, a chími a sə́re mmon nnyó se, “Sə́re ə̂m nji-nji o wóme, n kí karé wâ.

Mak, echî 8:15

Nji á kí bhughi á jak, Jisos a tʉ̂ ábho obhô ka otûŋ se, “Kó ên ebhú na yîs nnyi Erot na ane echəme Farasi á kágha ka brêt ábho.”

Luk, echî 13:1

Ka ebhú njí, etʉ̂ ane á bhâ sə́re Jisos nchot á kpê na ane Gariri mba Piratus a yúi. A yúi ane mbá ka ebhú nji á rî á yua onyam sê á káre Obhasi.

Luk, echî 13:31

Ka ebhú njí, etʉ̂ ane echəme Farasi á bhâ sə́re Jisos sê a bé a yóŋé eji, ka Erot a kí wom a yúí yê.

Luk, echî 23:11

Erot na ane-enok abhê á róghe yê ekaghám ntuŋ, á yimá yê noŋ nnyam. Á kâk yê ḿfô noŋ nnyi ntûfâm, á chə́bhe njəm á tûm mbâ Piratus.

Luk, echî 23:7

Ka mfín ányi ntûfâm ebhat í Gariri a kamá se Erot. A bháe erom áji fə́ne ka eték eyúp í Jerusarem. Nji Piratus a yúghi se Jisos a dʉ ebhat nji Erot a ri ntûfâm, a nyáŋe achot áma a káre se Erot a táŋ.

Luk, echî 3:1

Ka ebhú áji, eyum Obhasi é gyê Jon ka biji. Jon a ri mmon i Sakariya. Nâ osúí nyâ ekû nnyi Taberiyus a ri Ntûfâm i Rom. Pontus Piratus a ri ntûfâm eték ka ebhat í Judiya, Erot a fôn otúi ebhát í Gariri. Mmon-i-nnyen owe nnyo á kamá se Firip a ri fə́ne ntûfâm ebhat í Ituriya na Trakonitus. Otúi ebhat Abiren ó fóne Lisaniyas ebhú áji. Ka ebhú njí, a ri Anas na Kayifas nâ á rî ane-echî akará-agore Obhasi. Ebhú eyum Obhasi é gyée Jon ka biji, a ri ka etə́m.

Luk, echî 8:3

Jowana nnyo nkáé Kusa a ri eróŋ. Kusa a ri nne nnyo á kebha chénchén iyîm ka ókʉ́rí Ntûfâm Erot. Susana na ane-akáé mba tat etî-etî á rî ka ekam ane njí. Nâ ane-akáé mba á bhíbha ntí ábho sê á kâk Jisos na ágbán abhê obhô ka etûm ábho.

Etûm ágbán~í jisos, echî 12:1

A ri ka ebhú njí nâ Ntûfâm Erot a róghe ekpatə́m onyʉk ekarám mbâ etʉ̂ atóbhá Jisos.

Etûm ágbán~í jisos, echî 4:27

Erot á chə́me achî mfá ka Jerusarem, yê na Pontus Piratus na ane Isrel é kpê na ane mba Jus asík. Á chə́me achî á fôn ekubhi ábho kən á yúí Jisos, ḿgbán owa nnyo á ka fon kpe akôp. Yê nnyo o sáŋe o káre otúi.