Matiyu, echî 10:2 - Ejagham New Testament

² Ńgyê obhiŋ ágbán í Jisos ófó na ábháe. Ndaŋa-mbá a ri Simun nnyo á bhíŋa sê Pita na mmon-i-nnyen owe Andru. Abhon í Sebedi ábháe, Jems na Jon.

Matiyu, echî 10:2 ပူးပေါင်းရင်းမြစ်များ

Matiyu, echî 17:1

Nji mfín eságasá a chíŋi, Jisos a bhîŋ Pita na Jems na Jon nnyo mmon-i-nnyen i Jems, a kô ábho ásá á jâk ka ósô ekpatə́m egúí.

Matiyu, echî 20:20

Nnyen abhon í Sebedi a kô abhon abhê a bhák mbâ Jisos, a bhə́ne yê ka akát a góre yê se a yim ejûm etat a karé yê.

Matiyu, echî 26:37

A kô Pita na abhon í Sebedi ábháe mbá á jak. Ekpatə́m onoghá-ḿbə́ŋé na nsae a súi Jisos ka biji.

Matiyu, echî 4:18

Nji Jisos a kí jen ka mkpe aya Gariri, a yên ayúá-osí ábháe, a ri abhon-í-nnyen atem. Yót á kamá se Simun nnyo á bhíŋa fə́ne sê Pita. Mmon-i-nnyen owe á kamá se Andru. Ábho mbá ábháe á rî á yúa osí ka aya na ntûfúk.

Matiyu, echî 4:21

Jisos a kpô ji ochî, a jî yên abhon-í-nnyen mba tat ábháe, Jems na Jon, abhon í Sebedi. Á rî na ńsé ábho ka okpi á tʉrá atû-ofúk ábho. Jisos a bhîŋ ábho.

Mak, echî 1:29

Nji Jisos a yimî nne nnyó a sôn, a mághe a jak ka njû Simun na Andru, Jems na Jon á tôp yê á jak.

Mak, echî 13:3

Nji Jisos a kun ka Egui Orif na ane abhê, ókʉ́rí achot Obhasi ó rî njəm i mbá, Pita na Jems na Jon na Andru á bhə̂p yê njəm-ńjə̂m sê,

Mak, echî 6:30

Ágbán í Jisos á chə́bhe njəm mbâ ejen nji á dʉ̂. Á bhâ sə́re yê chénchén iyîm mbi ábho á yími na ekpak nji á kpíi ane achot Obhasi.

Luk, echî 11:49

A ri ka obhô mbí nâ Obhasi ka oməŋá-ejûm obhê a toê se, tîk yê a tûm ábho akará-otîp na ágbán, kən tîk á yúi etʉ̂, á káre mba tat ekpatə́m oseŋe.

Luk, echî 22:14

Ebhú é kpó to é bhík nji á kí di, Jisos a yə̂p a jak a jî kúmi na ágbán abhê ófó na ábháe.

Luk, echî 22:8

Jisos a tûm ágbán abhê, Pita na Jon, ka eték. A tíbhi ábho se, “Choŋ otʉrí ên eji, jighî ên ibhə́ré iyîm edíím Erom í Ntə̂m Osʉ́ŋ.”

Luk, echî 5:10

Abhon í Sebedi ábháe, Jems na Jon ka atem í Simun, biji í mân ábho eróŋ kpe-eji na ejûm nji á yéne. Kən Jisos a sə́re Simun se, “Ka fûp, é róghé ka égyé, tîk o tʉ̂k ane á tóbha ə̂m.”

Luk, echî 9:10

Ágbán í Jisos á chə́bhe njəm nnyi ejen á bhâ sə́re yê ekpak nji ejen é chíŋi. A kô ábho á jak ka eték etat nji á bhíŋa sê Besayida, nne etat á ka tóp.

Jon, echî 12:22

Firip a jî sə́re Andru, á chə̂m ábho ábháe á sə́re Jisos.

Jon, echî 13:23

Ḿgbán yót nnyo Jisos a korê a kun kpít na yê.

Jon, echî 20:2

A bhéne a jak mbâ Simun Pita na ḿgbán i Jisos nnyo Jisos a korê, a jî sə́re ábho se, “Á yighi Ńtâ Jisos ka oyəm. É ka məŋé mbá á yíghi yê á kî.”

Jon, echî 21:2

Simun Pita na Tomas nnyo á bhíŋa sê Ofât na Nataniye nnyo a dʉ eték í Kana ebhat í Gariri na abhon í Sebedi na atóbhá Jisos ábháe mba tat, á chə́me ka eji jə́t.

Jon, echî 21:20

Pita a kpíghi a yên ḿgbán nnyo Jisos a korê nná, noŋ á bhak. Ḿgbán nnyó nâ a nuŋî nná a kúni Jisos echî ka ngaŋ ka ebhú á dîk édî. Yê yót nâ a bhə́bhe nná Jisos se, “Ntûfâm, énê nnyo tîk a gúri wâ?”

Jon, echî 21:24

A ri ḿgbán i Jisos nnyó nâ a sə́re achot mmá. Yê fə́ne nâ a séŋe ḿmáne. É məŋe sê nji a séŋe é rî ka echî.

Jon, echî 6:67

Jisos a bhə̂p mân ágbán abhê ófó na ábháe se, “Ên fə́ne aŋ? O kí wom ó mághe ên ə̂m eróŋ a?”

Jon, echî 6:70

Jisos a bhə̂p ábho se, “To mme nâ n sáŋe ên ófó na ábháe? Deê ń sə́ré ên bəre nne owəné yót a ri ndûm i nyima-obhí.”

Jon, echî 6:71

A chorê áno a kpê na Juda nnyo mmon i Simun Iskariyot. Kpe noŋ yê eróŋ a ri ḿgbán yót ka ágbán ófó na ábháe mba á tóbha Jisos, yê nâ a kí gurí Jisos.

Jon, echî 6:8

Ḿgbán owe nnyo tat, a kamá se Andru, mmon-i-nnyen i Simun Pita, a chôt se,

Etûm ágbán~í jisos, echî 1:13

Nji á síi njû nnyi á kúma, á gyʉ̂t á jak ka ábho mmon-i-njû ka ósô enyóŋ. Á rî ábho ófó na yót, Pita na Jon na Jems na Andru na Firip na Tomas na Batromiyu na Matiyu na Jems nnyo mmon Afiyus na Simun nnyo á chóra sê kpe ekʉ̂ kə́n a kâm ka okot eték ejê na Juda nnyo mmon i Jems etat.

Etûm ágbán~í jisos, echî 1:26

Á tûp ebháŋé, é gbô é káre Matiyas. Á kô yê fə́ne a chə̂m ágbán mba ngá ófó na yót.

Etûm ágbán~í jisos, echî 12:2

A fî Jems nnyo mmon-i-nnyen i Jon, a gbût echî.

Etûm ágbán~í jisos, echî 3:1

Ofú bhə́t, ka ńkánínká ésá na nchên, Pita na Jon á jak ka ókʉ́rí achot Obhasi sê á góre yê.

1 Ane korin, echî 15:7

A fâp Jems ka ochî, a kpô fáp fə́ne ka ochî ágbán abhê chénchén.

Ane efesus, echî 4:11

Yê nâ a karê bikəp mbâ ane. A karê etʉ̂ ane se á jóe ágbán abhê, etʉ̂ á kará otîp Obhasi, etʉ̂ se á jená ka ngûm á səra ane otîp ogyebhá-ḿbə́ŋé, etʉ̂ se á bhabha ane Obhasi, etʉ̂ fə́ne se á kpik ábho ekpin ejê.

Ane ibru, echî 3:1

Atem-abhon-í-nnyen, ó fon ên nkiri ka ebhiŋím nji Obhasi a bhiŋî êt ka ósô. Kô ên mân Jisos Krayis noŋ ḿgbán nnyo Obhasi a túmi se a bhá joé ntûfâm akará-agore ka ḿbə́ŋé nnyi e kíi na Obhasi.

1 Pita, echî 1:1

A ri mme, Pita, ka ḿgbán i Jisos Krayis nâ n séŋe nwet nnyí bəre ń túm mbâ eyəné. Ên a ri ane mba Obhasi a sáŋe, ó chəbhe ajéné ka ngun. Ó nyane ên ka ngûm noŋ ane á bée enok, ó kət ên ka ebhat í Pontus na Garasiya na Kapadosiya na Esiya na Bitiniya.

2 Pita, echî 1:1

Nwet nnyí a dʉ mbâ amé, Simun Pita, ka ḿgbán i Jisos Krayis nnyo ń tʉgha. Ń tuma ńnyə́ne mbâ ên mba ó ki ên ḿbə́ŋé na Jisos noŋ êt eróŋ. Ḿbə́ŋé ekíím nnyí a ri ekpatə́m ejûm mbâ eyəré chénchén. E kíi ḿbə́ŋé nnyí ka obhô Jisos nnyo á yimá iyîm ka nnyen-i-mbá. Yê a ri Obhasi nnyo á yimá êt e sémá.

2 Jon, echî 1:1

Mmá nnyo Obhasi a sáŋe, n kí kup wâ na abhon abhâ. A re mme nnyo n di nâ nne-nkúí ka achot Obhasi nâ ń kubha áno. Okot obhámé na ên ó faŋ kpe-eji. Kpe mme átíŋ-atiŋâ asík m fonê ekpatə́m okot mbí na ên. Chénchén ane eróŋ mba á mə́ŋe mfoné nchot nnyi Obhasi, á fon okot mbí na ên.

3 Jon, echî 1:1

Nwet nnyí a dʉ mbâ amé nnyo n di nâ nne-nkúí ka achot Obhasi. Ntem i ḿbə́ŋé omé Gayus, nnyo n korê na ḿbə́ŋé-a-ḿbə́ŋé, n sə́ŋe áno nwet nnyí mbâ eya.

Ndem~i jon, echî 1:1

Achot í nwet nnyí a ri mma Jisos Krayis a tóŋe jáé mbâ ḿgbán owe Jon. A ri Obhasi yê ḿfoné nâ a karê Jisos achot mmá se a tóŋé ágbán abhê, kən Jisos a tûm áno énjel a bhá toŋe Jon. Achot í nchane á rî á kpê na nji é kí fap ka mkpât ebhú.

Ndem~i jon, echî 1:9

Mme a ri Jon, ntem-mmon-i-nnyen owəné. Noŋ ntóbhá Jisos, ń chəm na ên ka oseŋe mbi é yena ka nchot otúi obhê, e kə́bhá ḿbə́ŋé. Á kâk ə̂m ka eji óráné-ngun etat mbi ayép á fáre ka ń kará otîp Obhasi ka ekpak nji Jisos Krayis a tóŋe jáé. Á bhíŋa eji óráné-ngun njí sê Patmos.

Ndem~i jon, echî 18:20

Baénjel ósô, ane Obhasi, ágbán í Jisos na akará-otîp Obhasi, fon ên ogyebhá ḿbə́ŋé, ka Obhasi a bhíbhi yê ka ekpak obhí mbi a yimî na ên.

Ndem~i jon, echî 22:8

Mme Jon nâ n yéne, n yûk iyîm mbí chénchén. Ebhú n yúghi ḿbə́ne, n yên ḿbə́ne, m gbô fə́ne ka ochî énjel nnyo a tóŋe ə̂m achot mmá chénchén, bəre ń káre yê ekûp na ejík.