Ntûfâm ane-enok na ane abhê mba á rî áfo á bhabha Jisos, á kpó yen nsi a nyíŋi, a yên fə́ne iyîm mbi í fábhe, efup é gyê ábho á kâm mân sê, “Ka etʉri, ńgyê Mmon Obhasi.”
Kən e séŋe áno mbí mfá sê ó kâm ên sê Jisos a ri Krayis, nne nnyo Obhasi a túmi se a bhá yim ngun á sém. Yê nâ a ri Mmon Obhasi. Nji ó yuŋ ên ḿbə́ŋé o kî ên na yê, o kí fon ên ekpin.
É kpére é yâm mân atúi-ofâm mbá é kpô. Á chími sê á rî á yúí yê, ka a gbô ebhín ofú oyoá-biji. Sê a sə́re fə́ne se Obhasi a ri Ńsé owe. Nâ é fap sê a kí ko biji ibhê ekan na Obhasi.
Ńsé fə́ne nnyo a túmi ə̂m a gyími fə́ne noŋ ntî-isê omé yê ḿfoné. Nne owəné nnyo a noghê eyum ejê oyúk cháŋ. Ekpak fə́ne nji yê a ri, nne nnyo a məŋê cháŋ.
“Nâ Mosis nchane nnyo a sə́re ane Isrel se Obhasi tîk a tûm ábho nkara-otîp noŋ yê ḿfoné Mosis. Se nkara-otîp nnyó a kí fap ka ekam ane Isrel ábho áfoné.
É məŋe fə́ne eróŋ sê Mmon Obhasi a bhâ. Nji a bháe, a káre êt aron se é mə́ŋe mfoné-mfoné Obhasi. Mfoné Obhasi nchane, nâ ekpin ejə́ré é rî na yê. É rî eróŋ na Mmon owe Jisos Krayis. Ńgyê mfoné Obhasi nchane, yê nâ á kará êt ekpin ótúm-ótúm.
Kêp ên, a kə́ bha ka átʉ́k-í-ngurobhú, kpe énê tîk a yên yê. Kpe ane mba á yúi yê nná tîk á yên yê fə́ne. Nték ka ngun ndə́m tîk á rʉ́ri ka obhô obhê. Nâ noŋ é kí joé fə́ne ka etʉri. Áno.