Mak, echî 9:12 - Ejagham New Testament

¹² A táme se, “Ka etʉri, Erayija a fonê ka ebháám ndaŋa-mbá a bhá tʉrí chénchén achot a kí. Kən á yími nan á sêŋ ka nwet Obhasi sê Mmon-i-ntem-nne tîk a yên oseŋe etî-etî, ane ngun á jîŋ yê.

Mak, echî 9:12 ပူးပေါင်းရင်းမြစ်များ

Matiyu, echî 16:21

Ta ka ofú ábhi, Jisos a chə́bhe a sə́rá ágbán abhê jáé se, “N di ń jî nnyi Jerusarem. Tîk ane-akúí eték na ane-echî akará-agore Obhasi na atóŋá-ebhín á káre ə̂m ekpatə́m oseŋe. Tîk á yúi ə̂m, kən á kən ə̂m n kâ mfín ésá, tîk n nyə́me ka ekʉ̂.”

Matiyu, echî 26:24

Mmon-i-ntem-nne tîk a kpô ka ekpak nji á séŋe, kən tîk é bhîp é chîŋ na nne nchane nnyo a kí gurí yê. Kə́n é nôp é chîŋ á kâ jî ntʉ́ghi nne ányo ojí bhúghí-bhúghí.”

Mak, echî 10:33

a sə́re se, “Yûk ên, é jak áno nnyi Jerusarem. Tîk á fî ə̂m, mme Mmon-i-ntem-nne, á káre mbâ ane-echî akará-agore Obhasi na atóŋá-ebhín. Tîk ane mbá á kími nchot sê á yúí ə̂m, á kô ə̂m á káre mbâ ajéné.

Mak, echî 9:13

Kən n kí səre ên bəre Erayija ta a bhâ, kən ane á yîm nji-nji á kóre na yê noŋ fə́ne á séŋe ka nwet Obhasi.”

Mak, echî 9:31

ka a ri a sə́rá ágbán abhê se, “Tîk á fî Mmon-i-ntem-nne, á káre mbâ ane mba tîk á yúí yê. Kən á kən yê, ka osúí mfín ésá, tîk a chə́bhe njəm ka ekpin.”

Luk, echî 1:76

We mmon omé, Jon, tîk á bhîŋ wâ sê nkara-otîp Obhasi ósô, ka tîk o râŋ mbá o jî tʉ́ri mbá nnyi Ńtâ Obhasi a kí chiŋ.

Luk, echî 23:11

Erot na ane-enok abhê á róghe yê ekaghám ntuŋ, á yimá yê noŋ nnyam. Á kâk yê ḿfô noŋ nnyi ntûfâm, á chə́bhe njəm á tûm mbâ Piratus.

Luk, echî 23:39

Nyima-obhí yót nnyo a tʉ́k ka ejê ego a bhə̂p Jisos se “To we nâ Krayis, nne nnyo Obhasi a túmi nná se ó bhá yîm ngun á sém? Yim máná ó sém na êt eróŋ.”

Etûm ágbán~í jisos, echî 1:6

Kən á bhá kó Jisos á jî nnyi ósô, ágbán í Jisos á rî eji jə́t na yê á bhə̂p yê sê, “Ntûfâm, to mfá-mfá o kí chəbhé njəm ó kó ikom otúi Isrel mbâ ane Rom ó fé ane Isrel?”

Etûm ágbán~í jisos, echî 4:11

Yê a ri ‘Isôk mfi ên agbeghá-ojû o bhumî ên sê í ká nop njû egbeém, ḿfə́ne nâ í bhâ chə́bhe mfoné-mfoné isôk mfi í fíi njû.’