Mak, echî 8:6 - Ejagham New Testament

⁶ Jisos a sə́re mân ane mbá se á kúmi okumí ka nsi. Nji á kúmi, a kô nsûm i brêt nnyí enígisá, a káre ekûp mbâ Obhasi. A bhêk, a káre mbâ atóbhá abhê se á kíri á káre ane mbá. Á kô fə́ne á kíri á káre ábho.

Mak, echî 8:6 ပူးပေါင်းရင်းမြစ်များ

Matiyu, echî 26:26

Nji á kûn á kí di édî njí, Jisos a kə̂n édî njí a fî. A káre ekûp mbâ Obhasi, a kíri ńjə́ne a káre mbâ ágbán abhê, a sə́re ábho se, “Kô dî ên. Ḿfa nâ biji ibhámé.”

Mak, echî 8:20

A kpô bhə́p ábho se, “Ebhú nji n kóe nsûm i brêt enígisá n gyê ane ntem-esam ntə̂m-ntə̂m ófó (4,000), o bhûp ên akpât mma á kə́re á súi bikáé í bhík?” Á táme sê, “Inígisá.”

Mak, echî 8:5

Jisos a bhə̂p ábho se, “Ó fon ên nsûm i brêt ébhík?” Á táme yê sê á fon enígisá.

Mak, echî 8:7

Ágbán í Jisos á fôn fə́ne akpât osí áfo. Jisos a kô ḿbə́ne, a káre ekûp mbâ Obhasi, a káre mbâ ábho se á kíri á káre ane mbá.

Luk, echî 12:37

Ogyebhá-ḿbə́ŋé tîk ó jóe na ágbán ntʉ́ghi mbá kpe-eji nji ńsé ábho á chəbhé njəm á kpúghi ábho á rî mbít, á tʉri biji á chighá yê. Deê ń sə́ré ên bəre tîk ńsé ábho a sə̂t ejê éfô, a sə́re ábho á kúmi okumí yê ḿfoné a jíghi ábho édî.

Luk, echî 24:30

Nji ebhú édî é síi, Jisos a kô brêt a káre ekûp mbâ Obhasi, a bhêk ńnyə́ne a káre ábho se á dí.

Jon, echî 2:5

Nnyen a sə́re mân ane mba á kíra aməm se, “Yim ên kpe jen nji a sə́re ên se ó yîm.”

Jon, echî 6:23

Akpi etat mma á dʉ̂ nnyi Tiberiyas á tə́me ka eji nji Jisos a karê nná ekûp mbâ Obhasi kən ane á dî édî.

Ane rom, echî 14:6

Nne nnyo a kíi mfín etat se a ri nnyi yúp, á yimá áno se yê a karé ejík mbâ Ńtâ Jisos Krayis. Nnyo a kí di kpe njə́n-njə́n ejûm, á yimá áno se yê a karé ejík mbâ Ńtâ Jisos Krayis. Ka nan? A kí karé ekûp mbâ Obhasi ka édî njí. Nne nnyo a kí saŋ édî, á yimá áno se yê a karé ejík mbâ Ńtâ Jisos, ka yê fə́ne a kí karé ekûp mbâ Obhasi.

Ane korose, echî 3:17

Kpe jen mân nji o kí yim ên ka echoróm ka nnyo na ka eyimím ka obhô, yîm ên ńjə́ne ka mbiŋ i Ńtâ Jisos Krayis, o kará ên ekûp mbâ Obhasi Ńsé ka mbiŋ i Jisos nnyí.