Mak, echî 8:34 - Ejagham New Testament

³⁴ Jisos a bhîŋ ekam ane nji é rî áfo a kpê na atóbhá abhê, a sə́re ábho se, “Ájoé nne a kí wom a tóp ə̂m, deê a kép biji ibhê se kpe ejûm á ka fáp, a kə́n achî-achot, kpe é rî nji ekʉ̂, a tóp ə̂m.

Mak, echî 8:34 ပူးပေါင်းရင်းမြစ်များ

Matiyu, echî 10:38

“Kpe énê nnyo á ka kam a kə́n achî-achot ka obhô obhámé, kpe é rî nji ekʉ̂, á ka bhik ejoóm nne omé.

Matiyu, echî 16:24

Jisos a sə́re mân atóbhá abhê se, “Ájoé nne a kí wom a tóp ə̂m, deê a kép biji ibhê se kpe ejûm á ka fáp, a kə́n achî-achot, kpe é rî nji ekʉ̂, a tóp ə̂m.

Matiyu, echî 27:32

Nji á kí jen á jak, á kpúghi nne Sirin yót ka mbá nnyo á kamá se Simun. Á fî yê ka ikom, á tábhe ego njí mbâ Jisos, á káre yê sê a kə́n.

Mak, echî 10:21

Kən Jisos a yûŋ amə̂t a kêp nne nnyó na okot, a sə́re yê se, “Ejûm é rî jə́t nji o nyə́ne ó ka yim. Choŋ ogurî iyîm ibhâ chénchén mbi o fonê. Karê ntí ámi mbâ akpák. Tôp ə̂m mân. Tîk o fôn efaŋ ka ósô.”

Mak, echî 7:14

Jisos a kpô bhiŋ ekam ane njí a sə́re se, “Yûk ên nchot amé chénchén ên, məŋê ên echî.

Luk, echî 13:24

“Kpe énê, deê a nok ka nnyen onogha-ejûm a chíŋ ka mbá nnyi a chébhe ochép, ka n kí səre ên bəre ane etî-etî tîk á nôk sê á chíŋ á gyé, kən á bhó gye.

Luk, echî 14:33

Jisos a jéghe mân se, “Ka ekpak njí jə́t, nne owəné nnyo á ka taŋé efaŋ ejê chénchén, á bhó bhik ejoóm nne omé.”

Luk, echî 18:22

A kpo to a yúk a sə́re yê se, “É kət ejûm jə́t nji o kí jeghé oyim. Choŋ ogurî chénchén iyîm ibhâ mbi o fonê, kirî ntí mbâ akpák, tîk o fôn efaŋ ka ósô. Ó jeghé oyim, top ə̂m mân.”

Luk, echî 20:45

Nji ane chénchén á kí yuk achot mma Jisos á chorá, a sə́re atóbhá abhê se,

Luk, echî 9:23

Jisos a sə́re mân ane mba á rî áfo chénchén se, “Ájoé nne a kí wom a tóp ə̂m, deê a kép biji ibhê se kpe ejûm á ka fáp, a kə́n achî-achot chénchén ofú, kpe é rî nji ekʉ̂, a tóp ə̂m.

Jon, echî 10:27

Obhúi mbi ó joé obhámé, ó yúgha eyum ejámé. Ḿ məŋe ḿbə́ne, ó tóbha ə̂m fə́ne.

Jon, echî 19:17

á káre ego nji á kí ji yê okúm sê a kə́n. A kə̂n fə́ne a jak na ábho ta a sî eji etat nji á bhíŋa sê Ékə́p-Echî. Ka eyum ane Ibru á bhíŋa sê Gogota.

Etûm ágbán~í jisos, echî 14:22

Á jená á fará ngûm nnyí á kaghá atóbhá Jisos ḿbə́ŋé. Á səra ábho sê á kâ mághe nchot Obhasi. Sê a ri achot mma á tə́ma áno ábho etî-etî nâ nne a ri a yén kən a gyé otúi Obhasi.

Ane rom, echî 6:6

É məŋe sê etəm ekpin ejə́ré, á kum ka ego na Jisos Krayis sê á yúí ekpin obhí njí, á yíghi êt ka osʉ́ŋ obhí.

Ane rom, echî 8:17

Ka eji e ri abhon abhê, tîk e fôn énoê iyîm mbi yê a kíi mbâ ane abhê. Tîk e chə̂m fə́ne na Jisos Krayis e fôn nji Obhasi a kíi yê. E kí chəm na Jisos Krayis ka bhaghé ngyím? Ájoé é fon nkiri ka oseŋe obhê, e kí fon fə́ne nkiri ka ogyebhá-ḿbə́ŋé obhê.

1 Ane korin, echî 15:31

Atem-abhon-í-nnyen, n kí səre ên bəre kpe sê ekʉ̂ ń ka chaé mbá-njəm kpe ka ofú bhə́t. Nâ noŋ fə́ne ń gyebhá áno ḿbə́ŋé ka echî ejə́né ka nji ó chəme ên na Jisos Krayis nnyo a ri Ntûfâm owəré.

1 Ane korin, echî 8:13

Nâ mân ájoé édî nâ é yíma ntem-mmon-i-nnyen omé a gbo, ńjə́ne ń do dí, n kâ yîm yê a gbo.

1 Ane korin, echî 9:19

Mme n di ka biji ibhámé, ń ka joé ka osʉ́ŋ í nne kpe yót. Kən kpe noŋ é rî áno, ń yîm biji nsʉ́ŋ ane chénchén bəre ń nôk ane etî-etî á mə́ŋe Jisos Krayis.

Ane garasiya, echî 2:20

A ri noŋ m kpóe na Jisos Krayis ka ego. Nâ mfá-mfá, ekpin nji m fonê, ejámé asík, kən a ri nji Krayis nnyo a ri ə̂m ka biji. Ḿ foná ekpin njí mfá-mfá ka ń ki ḿbə́ŋé na Mmon Obhasi nnyo a korê ə̂m, a káre ekpin ejê se ń sém.

Ane garasiya, echî 5:24

Ntóbhá Jisos Krayis ta a mághe chénchén achot íkíkéré ḿbə́ŋé mmá mma á kóra yê kpe-eji. A kô ḿmáne chénchén a kûm ka ego na Jisos.

Ane garasiya, echî 6:14

Kən mbâ amé, n kâ yûŋ biji kpák təm áfo nchot ekʉ̂ nji Jisos Krayis a kpóe ka ego. Nâ ńjə́ne ń ka kpó fon obhô na ngun, ngun fə́ne á ká kpo fon obhô na mme.

Ane firipi, echî 3:10

Ejûm jə́t nji ń woma a ri eməŋə́m Jisos Krayis, ḿ mə́ŋe fə́ne ikom mfi í rî ka enyəmə́m nji yê a nyəmê ka ekʉ̂. Ń woma ń chə̂m na yê ń yén oseŋe obhê, ń chə́bhe noŋ yê ka ekʉ̂ nji a kpóe.

Ane firipi, echî 3:7

Kən chénchén achot mmá, ń kera bəre ekəp é rî ka etím, toŋ-fan á kí fap chichi ejûm ka obhô Jisos Krayis.

Ane korose, echî 1:24

Ḿbə́ŋé a kí gyebhâ ə̂m ka oseŋe obhámé ka obhô obhə́né. Echî aŋ? N kí nok bəre ń jéghe oseŋe obhámé ka obhô echəme atóbhá Jisos Krayis. Echəme njí é rî nâ biji ibhê. Jisos Krayis yê ḿfoné a yên oseŋe eróŋ ka obhô biji mbí.

Ane korose, echî 3:5

Nâ mân deê ó mághe ên kpe bhaghé ekpin í ngun nji o fonê ên ebhú áji. Iyîm ábhi noŋ achot enuŋ akôp, ekpin akôp-ákôp, ekpatə́m ekot iyîm, íkíkéré ibhí, na okorá-ntí mbi ó rî noŋ ajom etóbhóm.

2 Ane tesaronika, echî 3:11

É chorá áno nchot nnyí, ka é yuk sê etʉ̂ ane abhə́né á rî mba á jána ojan, ejûm etat cháŋ nji ábho á yíma é ká chiŋi a ri nnyo ekaghám ka nchot ane etat.

Tayitus, echî 2:12

Onobhá-eji ábhi ó kí kpi êt sê é mághe ekpin ebhí na ekot iyîm í ngûn. Ó kí kpi êt fə́ne sê é fî biji, e foná ekpin ka nnyen-i-mbá, e yimá iyîm ka ebhú njí mbi í kóra Obhasi ka ḿbə́ŋé.

Ane ibru, echî 13:13

Nâ deê mân é fáp é kpúghí yê ka etím éré, é kó fə́ne ísonê ka ekpak nji yê a kə́bhe ḿbə́ŋé, a kô.

1 Pita, echî 4:1

Deê ó tît ên mân ekpak oseŋe biji mbi Jisos Krayis a yéne, kən ó fôn ên osoná-ḿbə́ŋé noŋ yê. Echî a ri jen? Nne nnyo a kí yen oseŋe ntʉ́ghi mbí, nchot obhí na yê fə́ne a manê áno oman.

1 Pita, echî 4:13

Kó ên oseŋe mbí na ogyebhá-ḿbə́ŋé, ka áfo nâ o kí fon ên eyəné nkiri ka oseŋe mbi Krayis a yéne. Tîk o fôn ên mân ogyebhá-ḿbə́ŋé ka ofú mbi á yim ane á yén ekpatə́m ejík ejê.

2 Pita, echî 1:14

Ḿ məŋe bəre ebhú ejámé é si chén ka ekpak nji Ntûfâm owəré Jisos Krayis a sə́re ə̂m, á ka bhə́t.

1 Jon, echî 3:16

Krayis yê ḿfoné a tóŋe êt ejûm nji á bhíŋa sê okot ka ekʉ̂ nji a kpóe ka echî ejə́ré. Ka ekpak njí, kə́n êt eróŋ e fonê ka ekamám ekʉ̂ ka echî atem-abhon-í-nnyen.

Ndem~i jon, echî 2:10

Ka fôn ên efup ka oseŋe mbi o kə́ bha oyén ên. Ńgyê Satan a kə́ bha okak etʉ̂ ên ka ókúmí, á gáe ên. O kí yen ên oseŋe ka mfín ófó. Kən kpe o yéne ên oseŋe nan, ka yíghi ên ḿbə́ŋé na mme kpe o kí kpo ên okpó. Ó ro yighí ên ḿbə́ŋé, tîk n káre ên ekpin ótúm-ótúm noŋ itam érûm ifə́né.