Mak, echî 7:4 - Ejagham New Testament

⁴ Á ji ogəm á chə́bhe njəm, á bhó di nji á náme ta á sû ka ebho ntóŋé ábho. Á kîk bibhín mbi tat etî-etî, noŋ nne a kí su akuni na akpere na abhí.

Mak, echî 7:4 ပူးပေါင်းရင်းမြစ်များ

Matiyu, echî 23:25

“Tîk é bhîp é chîŋ na ên, ane áfúbhí, atóŋá-ebhín na ane echəme Farasi! Ó suk ên njəm i nkuni ayép na okpere, kən etím é sui na iyîm amoe na obhí chénchén.

Matiyu, echî 23:26

Atáná-amə̂t ane Farasi! Su ên kpá nji é rî ka etím í ńkôp, njəm i ńkôp tîk á bhó fon akôp fə́ne.

Matiyu, echî 27:24

Piratus a kpô yén se yê á noghá chichi, ebhú tat onyʉk tîk ó gbô. A kô ayép, a sû abhô ka ochî ane chénchén, a sə́re ábho se, “Mme obhô obhámé cháŋ ka ekʉ̂ nne nnyó, a ri ên nâ o məŋê ên.”

Mak, echî 7:8

Jisos a sə́re mân ábho se, “Ó maghe ên bibhín mbi Obhasi, ó chəbhe o tóbhá ên mbi ngun.”

Jon, echî 2:6

Ane Jus á fóne ebhín sê ta o sû biji ibhâ, o sû njí, o sû ńjî, o kí fon akôp ka ochî Obhasi. Ka obhô mbí, á kíi ábháŋáwa aságasá mma á kágha ayép ka njû nnyí. Kpe njə́n ébháŋáwa é rî nji kə́n é kô atʉ aməm á sî ejûm noŋ ófó.

Jon, echî 3:25

Áfírí á bhâ gbô, atóbhá Jon na nne Jus yót. Á fíri nchot akôp eyighím ka ekpak ebhín í Mosis é fíi.

Ane ibru, echî 9:10

Iyîm mbí chénchén í fóne ejûm eyimím í kpê a ri na édî, na ejûm egwóóm, na erû ane nji sê á sû iyîm, á sû biji, á kâ fôn akôp ka ochî Obhasi. Bibhín mbí chénchén na erû njí a ri iyîm í ngun, í kóre okóré tata ebhú é sí nji Obhasi a kí yoŋe chénchén achot.

Jems, echî 4:8

Nji o kí di o kpírá Obhasi, Obhasi fə́ne a kí di a kpírá wâ. Ayimá-obhí, su ên abhô amə́né yighî ka obhí. Ane áfúbhí, su ên ḿbə́ŋé eyəné.

1 Jon, echî 1:7

Kən ájoé ekpin ejə́ré é kí jen ka ebhát nji Obhasi yê ḿfoné a ri, nâ é fon ochəma-biji na atem. É joé ekpak njí, nâ agyʉ́ŋ mma Mmon owe Jisos Krayis, á rî ágo á suk chénchén obhí obhə́ré á yighá.