Mak, echî 5:7 - Ejagham New Testament

⁷ A kûk káŋ káŋ káŋ se, “Wóó Jisos, Mmon Obhasi ósô! Ó woma jen na mme? Ka mbiŋ Obhasi, ń gore wâ, ka kpə́re ə̂m.”

Mak, echî 5:7 ပူးပေါင်းရင်းမြစ်များ

Matiyu, echî 16:16

Pita nnyo á kamá fə́ne se Simun a táme yê se, “We a ri Krayis, nne nnyo Obhasi a túmi se a bhá yim ngun á sém. We nâ o ri Mmon i mfoné-mfoné Obhasi.”

Matiyu, echî 26:63

Kən Jisos kpe ejûm á ka támé. Ntûfâm nnyó a kpô chot se, “N kí bhəp wâ ka mbiŋ i mfoné-mfoné Obhasi, chimî ka ochî obhê, ájoé we Krayis, nne nnyo Obhasi a túmi se a yim ngun á sém a? We Mmon Obhasi a?”

Matiyu, echî 4:3

Satan a bhâ sə́re yê se, “Ájoé we a ri Mmon Obhasi, yim atáé mmá á kpíghí édî ó kó, ó dí.”

Matiyu, echî 8:29

Nji á yéne Jisos, á kûk káŋ káŋ káŋ sê, “Wóó Mmon Obhasi, ó woma jen na êt. O bháe ó bhá kpə́re êt kpá kən mfoné ebhú é sí a?”

Mak, echî 1:24

“Wóó! Jisos, mmon i Nasaret, ó woma ó yîm jen na êt? O bháe áno ó bhá yúí êt a? Ń diŋi ekpak í nne nnyo we o ri. We a ri Obhô-orûm Obhasi.”

Mak, echî 14:61

Jisos á ka támé kpe eyum. A kpô bhə́p yê se, “We nâ Krayis, nne nnyo Obhasi a túmi se a yim ngun á sém a? We nâ Mmon Obhasi, yê nnyo chénchén ejík é jóe é káre yê a?”

Mak, echî 3:11

Kpe fan a jiî, ane mba ojê ó kára oseŋe, á yen yê á kí gbo yê ka akát, á kugha sê, “We a ri Mmon Obhasi.”

Mak, echî 5:6

Nji nne nnyó a yéne Jisos a kə́ bha ńgô, a bhéne a jî bhə́ne yê ka akát.

Mak, echî 5:8

Echî nji á chorá áno é rî sê Jisos ta a kí səre ojê mbí se ó fáp ó mághe nne-ndûm nnyó.

Luk, echî 1:32

Mmon nnyó tîk a jóe ekpatə́m í nne, á bhiŋá yê sê Mmon Obhasi ósô. Ńtâ Obhasi a kí yim mmon nnyó a joé ekpatə́m í ntûfâm ekpak éməné ńsé owe Debhit a joê.

Luk, echî 4:34

“Jisos, mmon i Nasaret, ó woma jen na êt eé! O bháe ó bhá yúí êt tîk. Ḿ məŋe nne nnyo we o ri. We a ri Obhô-orûm Obhasi.”

Luk, echî 6:35

Ka fon ên ekpin áno. Deê ó kôt ên ane ebhan abhə́né. Tóŋe ên ábho onobhá-eji. Bho ên ábho kən o kâ kî ên amə̂t sê á fé ên. Ó yim ên ka ekpak njí, ekəp ejə́né ka Obhasi ósô tîk é faŋ, tîk o chə́bhe ên abhon abhê, ka yê a kí toŋe onobhá-eji mbâ ane mba kpe o yimî jen é bhó sui ábho kpe ejûm, na mbâ ayimá-ndibhí.

Luk, echî 8:28

Nji a yéne Jisos, a gbô yê ka akát, a kûk káŋ káŋ káŋ se, “Wóó Jisos, Mmon Obhasi ósô, ó woma jen na mme? Ń gore wâ, ka kpə́re ə̂m.”

Jon, echî 20:31

Kən e séŋe áno mbí mfá sê ó kâm ên sê Jisos a ri Krayis, nne nnyo Obhasi a túmi se a bhá yim ngun á sém. Yê nâ a ri Mmon Obhasi. Nji ó yuŋ ên ḿbə́ŋé o kî ên na yê, o kí fon ên ekpin.

Etûm ágbán~í jisos, echî 16:17

A kpô yen êt, a róghe etóbhóm a gyʉá se, “Ane mbá a ri ágbán Obhasi Ósô. Á kpîk áno achot mma á kí yim ên ó sém.”

Etûm ágbán~í jisos, echî 19:13

Etʉ̂ ane Jus á rî mba á jéna á fará á yighá ane ojê ka ḿbə́ŋé eróŋ. Ane mbá á kére á kó mbiŋ i Ńtâ Jisos á nyán ojê ó fáp ane ka ḿbə́ŋé. Á kpughi nne nnyo ojê ó kára yê oseŋe, á kí səre ojê nne nnyó sê, “N kí səre wâ ka mbiŋ i Jisos nnyo Pol á səra ane, fâp.”

Etûm ágbán~í jisos, echî 8:36

Nji á jéna á jak, á sî ka eji ayép etat, nne-ndûm nnyó a bhə̂p Firip se, “Ńgyê ayép, ejûm etat é rî nji é kí gbʉi ə̂m n kâ fûk ayép a?” [

Ane rom, echî 16:20

Obhasi owəré nnyo á kará enare, tîk a yîm ên mân o chêm ên Satan, o sə́ne ka akát mkpât ebhú. Deê onobhá-eji Ntûfâm owəré Jisos Krayis ó jóe na ên.

Ane ibru, echî 2:14

Ka eji abhon Obhasi ábha a ri ane na agyʉ́ŋ na biji, Jisos fə́ne a bháe noŋ nne. A yîm áno se yê á kpo ekʉ̂, tîk a bhíbhi Satan, é dʉ̂ áfo a rô kpó fon ikom na ekʉ̂.

Ane ibru, echî 7:1

Nne nnyó sê Mekisedek éməné nâ a ri ntûfâm ebhat í Serem. A ri nkara-agore Obhasi ósô. Ebhú áji Mekisedek nnyó a kpúghi Abraham ka mbá, nâ ebhú Abraham a dʉ nnyi enok nji a noghê a tábhe érûm atúi-ofâm ebhat a dʉ. Nji Mekisedek a kpúghi yê, a káre yê Abraham enare.

Jems, echî 2:19

Ó kam ên sê Obhasi a ri yót a? É nop, kən kpe ágbán í Satan á kam eróŋ. Nâ ńjə́ne á fubhá yê na ḿbə́ŋé-a-ḿbə́ŋé.

2 Pita, echî 2:4

Baénjel mba á yími obhí, Obhasi á ka maghé ábho, a tûp ábho ka ngun ekpatə́m oseŋe. Á fîn ábho ágo na ejírim á chígha ofú Obhasi a kí taŋ ngun.

1 Jon, echî 3:8

Kən nne nnyo a kí yimâ obhí nâ a fóŋé Satan, ka ta ka eróghá-ndə́p í ngun Satan a ri nyima-obhí. Nâ ejûm nji é kóe Mmon Obhasi a bhák ka ngun. A bháe a bhá bhibhi chénchén etûm í Satan ka ngun nnyí.

Jʉt, echî 1:6

Yê nâ a karê baénjel abhê ekpatə́m eji ekumi, kən baénjel mba tat á ká jighi eji ekumi ábho. Á kpíghi njəm á káre ngûm ekumi ábho. Ka obhô mbí, a bháŋe ábho ka ótúm-ótúm a fîn ka ejírim, á chîk esup ábho ka ntə́ma-njəm ofú. Esup njí tîk é bhîp ábho.

Ndem~i jon, echî 12:12

Ósô na chénchén ane mba á rî ágo, gyebhê ên mân ḿbə́ŋé. Kən ngun na ayép chénchén, é bhip ên, ka Satan a bhə̂t a bhâ ágo na oyámá-ḿbə́ŋé, ka a mə́ŋe se ebhú ejê é ká kpo rap.”