Mak, echî 5:12 - Ejagham New Testament

¹² Nchəme-ojê nnyí á góre Jisos sê a túm ábho á gyé akûk mmá.

Mak, echî 5:12 ပူးပေါင်းရင်းမြစ်များ

Matiyu, echî 4:24

Esə́re ejê é jábhe ebhát í Siriya ndə́m. Ka obhô mbí, ane á kəna ane-emaŋé ábho á bhak se a yim ábho á sôn. Ane mba ojê ó kára oseŋe, mba á gbôk ichʉk, abhə́né, mba á fóne bimaŋé ka mkpak ka mkpak, Jisos a yîm ábho á sôn.

Matiyu, echî 7:6

“O kâ kə̂n iyîm Obhasi ó káre mbâ ane mba á ká fon ebhú na yê. Ó karé, ó ro məŋé, á kí yim wâ ejûm noŋ kpe njô nnyi o karê nnyen ejûm kən a kpíghi a yûm wâ. O kâ kô nchot Obhasi ó sə́ré ane mba á yíri yê. Ó səre, ó ro məŋé, á kô ńnyə́ne á chêm ka akát noŋ akûk.”

Mak, echî 5:11

Ekpatə́m ekam akûk é rî áfo é dik édî ka mkpe egúí.

Mak, echî 5:13

Jisos a kâm. Nchəme-ojê nnyí á mághe mân nne-ndûm nnyó á jî gyê akûk mmá. Akûk mmá á bhéne á bhə̂t ḿkpábhé egúí, á jî gbô ka aya á tân. Mfan akûk á kí si ejûm bəre ntem-esam ntə̂m-ntə̂m érôn.

2 Ane korin, echî 2:11

Ń yimá áno bəre é gbʉ́í Satan a kâ bhâ ofon orʉrí ka nchot a fâp ka ekam ejə́ré, ka é məŋe ekpak nji yê á koná achot amê.

1 Pita, echî 5:8

Fiî ên biji, joê ên ka ibhábhé, ka Satan nnyo a ri nne-ebhan owəné a kí kuk a fará noŋ nki se yê a wóm nne a dí.