Mak, echî 4:19 - Ejagham New Testament

¹⁹ kən íkíkéré ngun na ekot í ntí na achot ekpin ka mkpak ka mkpak í bhó karé mbá otîp mbí ó kúí ka ḿbə́ŋé ábho.

Mak, echî 4:19 ပူးပေါင်းရင်းမြစ်များ

1 Timoti, echî 6:17

Tʉ ane mba á gbóe efaŋ ka ngun nnyí obhô ka otûŋ se á kâ kêp ane ábho fóŋ. Á kâ kî ḿbə́ŋé ka ntí, ka ń kí yop ane. Deê á kí ḿbə́ŋé a ri na Obhasi nnyo a kí karé êt chénchén iyîm se é fôn ogyebhá-ḿbə́ŋé.

Ane firipi, echî 4:6

Nne a kâ chóghe ḿbə́ŋé ka ejûm kpe jə́t. Kən nji o kí goré Obhasi, deê nne a bhə́p Obhasi a karé yê ejûm nji a wóme. Nne a kí bhəp, deê a bhə́p na ekpatə́m ekûp.

Matiyu, echî 19:23

Jisos a kpíghi mân mbâ atóbhá abhê a chôt se, “Deê ń sə́ré ên bəre tîk é sôn é chiŋ kən nne-ntí a yén otúi Obhasi.

Jon, echî 15:2

Kpe nnyə́n ndâp nnyi á bhó kap, Ńsé omé a kí gbut a yíghi. A tʉ́ri ndâp nnyi á kabhá okap se a kap a kpe okpe.

Luk, echî 21:34

“Fiî ên biji ibhə́né o kâ kâk ên echî kpe-eji ka íkíkéré ngun nnyí, na énə́mé aməm egwóóm na achot erom edíím. Ó kət ên o yimá ka ekpak njí, ofú ábhi tîk ó kpúghi ên gbantə́m noŋ ntam,

Luk, echî 10:41

Kən Ńtâ Jisos se, “Mata! Mata! O kí karé biji ibhâ oseŋe ka iyîm etî-etî.

2 Pita, echî 1:8

Nâ ekpin nji o fonê ên efiím. Ó fon ên fə́ne ńjə́ne esúi-esúi, é kí yim ên o jóe ên son-son, ache ó bhó chaghé ên ka nchot i Ntûfâm owəré Jisos Krayis nnyo ó məŋe ên.

2 Timoti, echî 4:10

Echî aŋ? Demas a tôp ekot í ngun, a mághe ə̂m, a jî nnyi Tesaronika. Kresen a jî nnyi Garasiya, Tayitus nnyi Damatiya.

Jʉt, echî 1:12

Ka obhô ekpin ábho, ane mbá á bhâk na atû ka ekumi ejə́né nji ó chəmé ên o kí di ên édî ka okot. Echî etat á bhâk cháŋ a ri édî. Nji á bha, oya ábho ḿbə́ne-mbənê nâ á kébha, echî é bhó yup ábho. Á rî noŋ ngûm nnyi a bhə̂t, ó yen se mbúta a kə́ bha ona, kən mfêp a kí nok, ngûm a chə́bhe njəm a bhât. Á rî noŋ étí-nkap nji ka ebhú nkap, ńjə́ne é bhó kap, arʉk fə́ne á kí bhaghé yê ka ndə́p fép. Nâ é fap sê étí njí é kpo ntə̂m-ntə̂m ébháe.

Matiyu, echî 3:10

Kpe mfá-mfá, efúk é rî ka obhô nji á kí gbut átí na arʉk-arʉk, á túp ka nsi. Kpe njə́n étí mân nji é ká kap nnyen i nkap, á kí gbut á túp ka erəmta-ngûn.

Matiyu, echî 13:22

“Nkap nnyi a gboê ka ajoŋe nâ ane mba á kí yuk otîp Obhasi, kən íkíkéré ngun na ekot í ntí í bhó karé mbá otîp mbí ó kúi ka ḿbə́ŋé ábho.

Mak, echî 4:18

Etʉ̂ ane á rî noŋ nkap nnyi á wúbhi ka ajoŋe. Á kí yuk otîp Obhasi,

Ane rom, echî 12:2

Deê nne a kâ kpô tóp ekpin í ngun nnyí. Deê Obhasi a yóŋé ên ḿbə́ŋé, a yim ên o kérá ên ekpak etat nji fê. Ka ekpak njí, tîk o gáe ên o yên ên ejûm nji Obhasi a wóme. Tîk o yên ên fə́ne ejûm nji é kí joé nono, é gyebhá yê ka ḿbə́ŋé, é rî fə́ne ka mfoné mbá.

Ane efesus, echî 2:2

Ka ebhú áji, o tóbhe ên a ri achot abhí ngun nnyí, o yúghi ên fə́ne ntûfâm ikom ejírim ka ngurobhú, nâ ńtʉgântʉ mbí nnyi á yimá áno etûm ka ḿbə́ŋé ane mba á bhó yuk Obhasi.

Ane efesus, echî 6:12

Enok njí é ka joé na ntem-nne, kən é rî a ri na otúi kpe mbə́n na ikom eték kpe mfə́n na ikom ejírim ka ngun na ikom atʉ́ ka ósô.