Mak, echî 3:5 - Ejagham New Testament

⁵ É yâm Jisos ka ḿbə́ŋé kpe-eji. A yûŋ amə̂t a kêp ábho a fáre, kən nsôn a yîm yê kpe-eji na ekpatə́m osoná-echî ábho. A kpíghi mân achot mbâ nne-emaŋé nnyó se, “Nyabhê obhô obhâ.” A nyábhe fə́ne, obhô ó sôn.

Mak, echî 3:5 ပူးပေါင်းရင်းမြစ်များ

Matiyu, echî 12:13

A kpíghi mân a sə́re nne-emaŋé nnyó se, “Nyabhê obhô obhâ.” Nne nnyó a nyábhe fə́ne, obhô ó sôn noŋ mbi ngá.

Mak, echî 3:4

A bhə̂p mân ane mbá se, “Ebhín ejə́ré é tóe se é yîm jen ka ofú oyoá-biji? É yîm ono kən obhí, é nyáŋé ekpin í nne kən é bhíbhí obhíbhí?” Ane mbá á ká tame yê kpe nchot.

Luk, echî 13:15

Ńtâ Jisos a táme nne-ndûm nnyó se, “Ane baram! Nne owəné kpe nnyón a kí kpat mfoŋ eye, kpe nnyi abhaŋ, kpe anyanyâ ka eji á bhóbha, a jak a jí karé ńnyə́ne ayép a gwó ka ofú oyoá-biji.

Luk, echî 17:14

Nji Jisos a yéne ábho, a sə́re ábho se, “Choŋ ên mbâ nkara-agore Obhasi a kép ên.” Á kpó to á yə̂p á kí ji, ofunum ábho ó mân.

Luk, echî 6:10

Nji a bhə́bhe ebhə̂p njí, a yûŋ amə̂t a kêp ane mbá chénchén a fáre. A kpíghi mân, a sə́re nne emaŋé nnyó se, “Nyabhê obhô obhâ.” A yîm fə́ne ekpak njí, obhô ó sôn.

Jon, echî 9:7

A sə́re yê se, “Choŋ osu ochî obhâ ka mmon ayép í Siroyam.” (Siroyam a fábhe se, Átúmi-otúm.) Nne nnyó a jî sû ochî obhê, a chə́bhe njəm a kí yen mbá.

Ane rom, echî 11:25

Atem-abhon-í-nnyen, ejûm é rî ágo ka etím achot mmá fép. N kí wom bəre ó ríŋi ên, o kâ kére ên áfo sê ó məŋe ên ó chiŋi abhô. Ejûm í nchane é rî sê okúá-atûŋ mbi etʉ̂ ane Isrel ka achot Obhasi, ó bhó kət áno. Tîk ó mân ebhú ekam ane nték ajéné nji é kíi ḿbə́ŋé na Obhasi é bhik.

2 Ane korin, echî 3:14

Kən ane Isrel mbá, ḿbə́ŋé ábho a ri noŋ ntáé. Ta na égyé, á bhiŋ achot mma á rî ka ńgyímí éməné nnyi Obhasi a fonê na ane, é kí joé noŋ ejûm nji é bhúi nná Mosis ka ochî kən é nyə́ne é bhuá ábho. Echî aŋ? Təm Jisos Krayis nâ a kí yighí ejûm njí.

Ane efesus, echî 4:18

Á ká məŋé nji é rî ka echî na nji cháŋ. Á ká fon ekpin nji Obhasi á kará ane, ka osoná-echî ó yim ábho á ká məŋé.

Ane efesus, echî 4:26

Nne a yámá ḿbə́ŋé, kən deê oyámá-ḿbə́ŋé mbí ó kâ chóe nne a yim obhí. Deê nne a kâ yâm ḿbə́ŋé ebhú é râp nji ta egu é kí si a nyə́ne áfo a yámá ḿbə́ŋé.

Ane efesus, echî 4:30

O kâ yíma Obhasi Ebhare Ntʉgantʉ a kə́rá nsae-ńsáe. Ebhare Ntʉgantʉ nnyó, Obhasi a káre ên se ó sém ên ka ofú mbi Jisos Krayis a kə́ bha.

Ane ibru, echî 3:10

Ejûm njí é yâm ə̂m na ábho ebhú áji. N chôt bəre, ‘Ane mbá á tána mbá kpe bhaghé ebhú ka íkíkéré ábho. Á ká məŋé erû ejámé.’

Ane ibru, echî 3:17

Mbán mba Obhasi a yáme nná ḿbə́ŋé na ábho ka nsam nyâ ébháe? A ri mba á yími nná obhí, á kpô á kə̂t ka etə́m.

Ane ibru, echî 5:9

Nji Obhasi a kpô yim yê a tʉ́ri obhik, Jisos a bhâ chə́bhe mân nne nnyo á yimá kpe bhaghé énê nnyo á yugha yê, a sémá ka otúm-ótúm.

Ndem~i jon, echî 6:16

Á gyʉá sê, “Agúí na atáé, gbo êt, e kâ yên ochî nne nnyo a kun áno ka ekumi otúi, e kâ yên oyámá-ḿbə́ŋé Mmon-i-njo-mbúi.