Mak, echî 3:10 - Ejagham New Testament

¹⁰ Ta a yîm kpá ane emaŋé etî-etî á son. Ka obhô mbí, ane emaŋé á kə̂t á choa, á wóm mbá á sí á kə́me yê.

Mak, echî 3:10 ပူးပေါင်းရင်းမြစ်များ

Matiyu, echî 12:15

Nji Jisos a yúghi ńtimî nnyi ane Farasi á fóne na yê, a mághe eji áji. Ane etî-etî á tôp yê á jak. Jisos fə́ne a yîm ábho chénchén mba á máŋa omaŋé á sôn.

Matiyu, echî 14:14

Jisos a kpô fáp ka okpi, a yên ekam ane njí, a fôn nsôn kpe-eji na ábho. A yîm fə́ne mba á máŋa á sôn.

Matiyu, echî 14:36

Á góre Jisos sê a kam ane mba á fóne emaŋé á kə́me kpe otûŋ-éfô obhê ḿbə́ne-mbənê. Ane chénchén mba á kə́me, á sôn fə́ne.

Matiyu, echî 4:23

Jisos a jená a fará nték i Gariri, a kpík ane ka óchâm Obhasi, a sə́rá otîp ogyebhá-ḿbə́ŋé otúi Obhasi, a yimá ane-emaŋé ka mkpak ka mkpak á soná.

Mak, echî 5:34

Jisos a sə́re yê se, “Mmon omé, ḿbə́ŋé eya nnyi o kíi na Obhasi, a yîm wâ o sôn. Deê Obhasi a joé na we, biji í nâ wâ, o kâ kpô maŋé.”

Mak, echî 6:56

Kpe ebhát njə́n nji Jisos a síi, kpe njə́n eték, kpe a síi ka mbin, ane á kí kən ane bimaŋé ábho á jî ka éré ogəm á gorá Jisos sê a kam ane bimaŋé mbá á kə́me kpe otûŋ-éfô ejê ḿbə́ne-mbənê. Chénchén fə́ne mba á kə́me, á sôn.

Mak, echî 8:22

Nji Jisos na atóbhá abhê á síi ka eték í Besayida, ane etat á kô ntána-amə̂t á bhak mbâ eye, á góre yê sê a raŋ yê na obhô, a yim yê a yén mbá.

Luk, echî 5:3

Jisos a jî gyê ka etím okpi bhə́t. Nne nnyo a fonê á kamá se Simun. A sə́re Simun se a bhúghí a maghé mkpe mkpât. Jisos a kúmi mân ka okpi mbí a kpík ane nchot Obhasi.

Luk, echî 6:19

Kpe énê mân a kí nok a kəmé Jisos, ka ikom mfi í fábha yê ka biji, nâ í yíma ane á sóna.

Luk, echî 7:2

Ntûfâm ane-enok yót a fôn ḿgbán nnyo yê a korê kpe-eji. Ḿgbán nnyó a gbô emaŋé, ekʉ̂ é kət kpít.

Luk, echî 7:21

Ka nkúbhi ebhú áji, Jisos a yîm mkpak ane bimaŋé etî-etî á sôn, a yíghi etʉ̂ ane ojê ka ḿbə́ŋé, a yîm atáná-amə̂t á yên mbá.

Etûm ágbán~í jisos, echî 5:15

Ka ntûm nnyi ágbán í Jisos á yíma, ane á chə́bhe á kəna ane emaŋé á kik ka obhá, ka binuŋ na mkpa. Sê ebhú Pita a kí chiŋ, kpe ńtʉgântʉ eye a gbo ábho ka biji.

Ane ibru, echî 12:6

Echî é rî sê, Obhasi a kí fame a ri ane mba yê a korê, a kpərá fə́ne kpe nnyón nne nnyo yê a kamê se a chəbhé mmon owe.”