Mak, echî 2:8 - Ejagham New Testament

⁸ Jisos ta a mə́ŋe nji ábho á kéra, a bhə̂p mân ábho se, “Jen é yími kən o kérá ên ka ekpak njí?

Mak, echî 2:8 ပူးပေါင်းရင်းမြစ်များ

Matiyu, echî 12:15

Nji Jisos a yúghi ńtimî nnyi ane Farasi á fóne na yê, a mághe eji áji. Ane etî-etî á tôp yê á jak. Jisos fə́ne a yîm ábho chénchén mba á máŋa omaŋé á sôn.

Matiyu, echî 16:7

Kən ágbán abhê á ká gyʉri nchot eye. Á kí firi ábho-ábhô sê, “A chorê nchot nnyí ka é ka kó édî é bhá tîk?”

Matiyu, echî 9:4

Jisos a mə́ŋe nji ábho á kéra, a bhə̂p ábho se, “É yími nan kən o kí fon ên ntʉ́ghi íkíkéré ibhí mfí?

Mak, echî 2:9

Bhaghé ejûm nji é yúŋi é chîŋ, nji ń səre mbə́né nnyó bəre ‘Ń di wâ nsôn, ń su obhí obhâ,’ kən nji ń səre yê bəre, ‘Duî ngyím, kə́n ekpa ejâ, jen na akát choŋ?’

Mak, echî 7:21

Echî aŋ? A ri ka ḿbə́ŋé nne nâ íkíkéré ibhí chénchén í kí dʉ. Ḿfə́ne nâ í chóa yê a yimá achot akôp enuŋúm na ane, ejʉ̂, oyúá-nne, ekun egboóm, ofî, ndibhí ka mkpak ka mkpak, áfúbhí, achot akôp, ekébhém ntem amə̂t abhí, óríghi, esaŋ na énə́mé.

Luk, echî 24:38

Jisos a bhə̂p ábho se “Ó fubhá ên jen? Jen kən íkíkéré ifə́né í bhó jen koŋ?

Luk, echî 5:22

Kən Jisos a mə́ŋe íkíkéré ábho, á bhə̂p ábho se, “Jen nji o kí fon ên ekpak íkíkéré mfí?

Luk, echî 6:8

Kən Jisos a ríŋi íkíkéré ábho, a bhîŋ nne ékpoê-obhô nnyó se, “Duî ngyím, fap bhák ngá mbá-ochî.” Nne nnyó a rúi ngyím a jak.

Jon, echî 21:17

Ka osúí ntə̂m ésá Jisos a kpô bhə́p Pita se, “Simun, mmon i Jon, ó kot ə̂m a?” Nsae a súi Pita ka ḿbə́ŋé nji Jisos a bhə́bhe yê ebhə̂p njí jə́t ntə̂m ésá. A sə́re Jisos se, “Ntûfâm, we ó məŋe chénchén ejûm, ó məŋe se ń kot wâ.” Jisos a chôt mân se, “Nâ gyeê ane abhámé.

Jon, echî 6:64

Kən kpe noŋ o yúghi ên áno, etʉ̂ ên ó bhó ki ên ḿbə́ŋé na mme. Nâ echî é yími kən n sə́re ên bəre kpe nne yót cháŋ nnyo a kə́ bha mbâ amé nji Obhasi á ka kak yê obhô.” Ta ka eróghá-ndə́p, Jisos a mə́ŋe ane mba tîk á bhó ki ḿbə́ŋé na yê, na nne nnyo tîk a gúri yê.

Etûm ágbán~í jisos, echî 5:3

Pita a bhîŋ yê a bhə̂p se, “Ananiyas, o yimî nan o kâm Satan a súi wâ ka ḿbə́ŋé, a yîm wâ ó sə́ré áfúbhí mbâ Obhasi Ebhare Ntʉgantʉ? Ntí mmi o gurî nsi eya, ó ki etʉ̂ mbá-njəm ó ko mân mmí ó bha.

Etûm ágbán~í jisos, echî 8:22

Ó məŋé ejûm, fon nsôn maghê íkíkéré ibhí áfi, gorê Ńtâ Obhasi, ebhú tat tîk a rî nsôn a sû obhí obhâ mbí.

Ane ibru, echî 4:13

Kpe nne yót, kpe ejûm jə́t fə́ne cháŋ ka nsi nji Obhasi á bhó yen. Kpe jen é rî jáé ka nsi ka ochî obhê. E ri é gyímí fə́ne ka ochî obhê, é səra nji-nji e yimî.

Ndem~i jon, echî 2:23

N kí yui atóbhá abhê. Ka ekpak njí, atóbhá abhámé chénchén ka bichəme ka ngûm ka ngûm, tîk á mə́ŋe mân sê mme a ri yê nnyo á məŋá nji nne á kera ka echî na nji é rî nne ka ḿbə́ŋé. N kí karé fə́ne kpe énê ka ekpak etûm nji nne a yimî.